આજે ઉપવાસમાં આ રીતે બનાવશો તો ચીકણી નહિં બને સાબુદાણાની ખીચડી – રેસીપી વાંચો

1. સાબુદાણાની ખીચડીઃ

સાબુદાણાની ખીચડી એ મોટાભાગના લોકોની ફેવરિટ ફરાળી વાનગી છે. પરંતુ સાબુદાણાની ખીચડીમાં ક્યારેક તે ચીકણી બની જાય છે તો ક્યારેક સાબુદાણા બરાબર પલળતા નથી. આવામાં જો તમે આ ટિપ્સ ધ્યાનમાં રાખશો તો દરેક વખતે સાબુદાણાની ખીચડી એકદમ સ્વાદિષ્ટ બનશે.

2. આ રીતે પલાળો સાબુદાણાઃ

ખીચડી માટે સાબુદાણા પલાળવા મુખ્ય કામ છે. આ માટે આખી રાત 8થી 10 કલાક સાબુદાણા પલાળી રાખો. આટલુ પલાળશો ત્યારે જ તે સોફ્ટ થશે. જ્યારે સાબુદાણા પલળી જાય ત્યારે તેને બંને આંગળી વચ્ચે દબાવીને જુઓ. જો તે મેશ થઈ જાય તો સમજો કે તે બરાબર પલળી ગયા છે.

3. હલકા હાથે ધુઓઃ

સાબુદાણાને હંમેશા હળવા હાથે જ ધોવા જોઈએ. તેને મસળીને ધોશો તો તે ખરાબ થઈ જશે અને તમે ખીચડી બનાવશો તો ખીચડી ચીકણી નહિં બને.

4. પાણીનુ માપઃ

સાબુદાણા પલાળતી વખતે તેમાં પાણીની માત્રા એકદમ બરાબર હોવી જોઈએ. 1 કપ સાબુદાણામાં પોણોકપ પાણી નાંખીને તેને પલાળવા જોઈએ.

5. સિંગદાણાઃ

સાબુદાણાની ખીચડીમાં સિંગ કાચી નાંખવાને બદલે તેને શેકીને તેનો ભૂકો કરીને નંખો. આને કારણે સાબુદાણાનો ટેસ્ટ વધે છે. વળી, આ કારણે તેમાં તેલ પણ ઓછુ નાંખવુ પડે છે અને સાબુદાણાના દાણા છૂટા પડે છે. સિંગનો ભૂકો મોટાભાગનુ પાણી શોષી લે છે અને તે સાબુદાણા પર એક કવર બનાવી દે છે જેને કારણે ખીચડી ચીકણી નથી બનતી.

6. સાબુદાણા ખરાબ નીકળે તો શું કરશો?

સાબુદાણા હંમેશા સારી દુકાનમાંથી જ ખરીદવા. સાબુદાણા ખરાબ નીકળે તો તેનો ઉપયોગ તમે બીજી ચીજોમાં કરી શકો. સાબુદાણા ધોતી વખતે જ તેના પાવડર થઈ જાય તો તેનો ખીચડીમાં ઉપયોગ ન કરો. આવા સાબુદાણાના વડા બનાવી નાંખો કારણ કે તેની ખીચડી ચીકણી બને છે.

7. સાબુદાણા ન પલળે તો?

સાબુદાણામાં ખૂબ પાણી નાંખ્યા પછી પણ તે ગળતા ન હોય તો તમે તેની ખીર બનાવી શકો છો. ઉકાળવા પર સાબુદાણા ચડી જાય છે. સારી ક્વોલિટીના સાબુદાણાને 2-3 કલાક સુધી પલાળો તો પણ તે સરસ પલળી જાય છે. આટલો વખત સાબુદાણાને પાણીમાં રાખી તેને નીતારી લેવા અને 4-5 કલાક સાબુદાણા નીતરી જાય પછી ખીચડી બનાવવી.

8. ખીચડી સ્વાદિષ્ટ બનાવવા માટેઃ

ખીચડી વ્રતના સમયે બનાવતા હોવ તો તેમાં ગાજર, કાકડીનું છીણ કોથમીર વગેરે ઉમેરીને ખાઈ શકો. આમ કરવાથી તે હેવી નહિં લાગે. ખીચડીને ઓછામાં ઓછા તેલ કે ઘીમાં બનાવો કારણ કે સિંગમાં પહેલેથી તેલ હોય જ છે. બે ચમચી ઘીમાં ખીચડી બની જાય તેવો પ્રયત્ન કરો.

9. માઈક્રોવેવમાં પણ બનાવી શકોઃ

માઈક્રોવેવમાં પણ તમે સાબુદાણાની ખીચડી બનાવી શકો છો. તેમાં તેલ કે ઘી ઓછુ વપરાય છે. માઈક્રોવેવમાં બાફેલા બટેટા પણ સ્વાદિષ્ટ લાગે છે. જો તમે પેનમાં ખીચડી બનાવતા હોવ તો તેને 2-3 મિનિટ સુધી જ ઢાંકીને રહેવા દો. વધુ રહેવા દેશો તો ખીચડીનો સ્વાદ ખરાબ થઈ જશે.

Source

17 લાખ ગુજરાતીને ગમ્યું છે આ પેઈજ..!! શું તમે ગુજરાતનું લોકલાડીલું આપણું ફેસબુક પેઈજ લાઈક કર્યું ?
દોસ્તો, આ પોસ્ટ ગમી હોય તો તમારા મિત્રો ને પણ શેર કરી મોકલજો.. જય જય ગરવી ગુજરાત!