ખેલ જગત મનોરંજન

શાહી પરિવાર સાથે સંબંધ ધરાવે છે ભારતના ભૂતપૂર્વ બોલર ઝહીર ખાનની પત્ની, પરિવારને મનાવવા માટે કરવું પડ્યું હતું ગજબનું કામ, ફિલ્મો જેવી છે લવ સ્ટોરી, જુઓ

બોલીવુડના સિતારાઓની જેમ ક્રિકેટરોની લાઈફ પણ ખુબ જ ચર્ચામા રહેતી હોય છે. ક્રિકેટ અને ગ્લેમરને પણ વર્ષો જૂનો સંબંધ છે, ભારતીય ટીમના ઘણા ક્રિકેટરોએ અભિનેત્રીઓ અને મોડલ સાથે લગ્ન કર્યા છે. ત્યારે એવું જ એક નામ ઝહીર ખાનનું પણ છે, જે ભારતનો ભૂતપૂર્વ  ફાસ્ટ બોલર છે. તેણે ક્રિકેટના મેદાનમાં ભારતીય ટીમ માટે ઘણી રોમાંચક મેચો જીતી છે. પરંતુ તેમની લવ લાઈફ તેમના અંગત જીવનમાં પણ ખૂબ જ ફિલ્મી રહી છે.

ઝહીરે પાંચ વર્ષ પહેલા બોલીવુડ અભિનેત્રી સાગરિકા ઘાટગે સાથે લગ્ન કર્યા હતા. ઝહીરે તે જ વર્ષે આંતરરાષ્ટ્રીય ક્રિકેટને અલવિદા કહ્યું અને તે જ વર્ષે લગ્ન કરી લીધા. તે વર્ષ 2017 હતું, જે ઝહીરના જીવનમાં ખૂબ જ ખાસ હતું. ઝહીર અને સાગરિકાની લવસ્ટોરી એકદમ ફિલ્મી રહી છે. કહેવાય છે કે બંને એક કોમન ફ્રેન્ડ દ્વારા પાર્ટીમાં મળ્યા હતા. ત્યારથી બંનેએ ડેટિંગ કરવાનું શરૂ કર્યું. બંને એકબીજાની ખૂબ નજીક આવી ગયા.

ઈન્ડિયા ટુડેના અહેવાલ મુજબ બંનેની મુલાકાત એક કોમન ફ્રેન્ડ દ્વારા થઈ હતી. અહેવાલો અનુસાર, પૂર્વ ક્રિકેટર બિશન સિંહ બેદીના પુત્ર અને બોલિવૂડ અભિનેતા અંગદ બેદીએ બંનેની મુલાકાત કરાવી હતી. ત્યારથી તેઓ એકબીજાને ડેટ કરવા લાગ્યા. ઝહીર-સાગરિકા પહેલીવાર 2016માં યુવરાજ સિંહ અને હેઝલ કીચના લગ્નમાં સાથે જોવા મળ્યા હતા.

ત્યારથી ખબર પડી કે ટૂંક સમયમાં બંને લગ્ન પણ કરી શકે છે. પરંતુ બંનેના અલગ-અલગ ધર્મ હતા, જે અડચણરૂપ હતા. ઝહીર મુસ્લિમ હતો અને સાગરિકા હિંદુ હતી. આવી સ્થિતિમાં બંનેએ ઘણા પાપડ વણવા પડ્યા. ઝહીર ખાન સૌથી સફળ ક્રિકેટરોમાંથી એક છે, જ્યારે સાગરિકાએ ફિલ્મ ‘ચક દે ઈન્ડિયા’માં કામ કરીને હેડલાઈન્સ બનાવી હતી.

સાગરિકાને તેના પરિવાર સાથે પરિવારની સભ્ય બનાવવા માટે જ ઝહીરે પરિવારને ચક દે ઈન્ડિયા બતાવ્યું હતું. સાગરિકાની વાત કરીએ તો તે રાજવી પરિવારથી સંબંધ ધરાવે છે. સાગરિકાના પિતા વિજેન્દ્ર ઘાટગે બોલિવૂડના જાણીતા અભિનેતા રહી ચૂક્યા છે. સાગરિકાના પરિવારને ઝહીર વિશે સૌથી વધુ ગમતી વાત એ હતી કે ઝહીર સારી રીતે મરાઠી બોલતો હતો.

સાગરિકા અને ઝહીર ખાને એપ્રિલ 2017માં સગાઈ કરી હતી અને નવેમ્બર 2017માં લગ્ન કર્યા હતા. બંને પોતાના અંગત જીવનને ખૂબ એન્જોય કરે છે અને સોશિયલ મીડિયા પર ફોટા પણ શેર કરે છે. ઝહીર ખાન આજે ક્રિકેટમાંથી નિવૃત્તિ લઇ ચુક્યો છે, પરંતુ સોશિયલ મીડિયા દ્વારા ચાહકો સાથે જોડાયેલો રહે છે.