જ્ઞાન-જાણવા જેવું ધાર્મિક-દુનિયા

સ્ટેચ્યુ ઓફ યુનિટી અને મોટેરા સ્ટેડિયમ બાદ બનશે સૌથી ઊંચું મંદિર, જાણો ક્યાં બનશે આ મંદિર?

વિશ્વનું સૌથી મોટું ક્રિકેટ સ્ટેડિયમ અને વિશ્વની સૌથી ઊંચી પ્રતિમા પછી, ગુજરાતમાં હવે વિશ્વનું સૌથી ઊંચું મંદિર બનવા જઈ રહ્યું છે. આ સાથે ગુજરાતના નામ સાથે એક નવો રેકોર્ડ જોડવામાં આવશે.

28-29 ફેબ્રુઆરીના રોજ અમદાવાદ ખાતે ઉમિયા માતા મંદિરનો શિલાન્યાસ કરવામાં આવ્યો હતો. આ મંદિરની રચના જર્મન અને ભારતીય આર્કિટેક્ટ દ્વારા બનાવવામાં આવી છે. એક મીડિયા રિપોર્ટ અનુસાર, આ મંદિર 100 વિઘા જમીન પર બનાવવામાં આવશે. ઊંચાંઇ 431 (131 મીટર) ફૂટ હશે.

ક્યાં બનશે આ મંદિર?:
અમદાવાદના વૈષ્ણોદેવી-જસપુર નજીક બનાવવામાં આવનાર આ વિશાળ મંદિર પાટીદાર સમાજના લોકોની કુલદેવી મા ઉમિયાને અર્પણ કરવામાં આવશે. કહેવામાં આવી રહ્યું છે કે તેમાં 1 હજાર કરોડ રૂપિયા ખર્ચ થશે. મંદિરના અંદરના ભાગમાં ત્રણ વ્યૂઇંગ ગેલેરીઓ બનાવવામાં આવશે, જેથી અહીં આવતા લોકો આખા અમદાવાદ શહેરને જોઈ શકશે. આ વ્યૂઇંગ ગેલેરી આશરે 82 મીટર ઊંચી હશે.

મંદિરનું ગર્ભગૃહ:
મંદિરના ગર્ભગૃહની રચના ભારતીય સંસ્કૃતિ પ્રમાણે કરવામાં આવશે. મા ઉમિયાની મૂર્તિ અહીં 52 મીટરની ઉંચાઇ પર સ્થાપિત કરવામાં આવશે. મંદિરમાં પારાથી બનેલું શિવલિંગ પણ સ્થાપિત કરવામાં આવશે.

મંદિરની આસપાસ:
મંદિરની આસપાસ એક કૌશલ્ય વિકાસ યુનિવર્સિટી, કારકિર્દી વિકાસ કેન્દ્ર, હોસ્પિટલ, એનઆરઆઈ ભવન, કારકિર્દી માર્ગદર્શન કેન્દ્ર અને સમુદાય અદાલતની સ્થાપના પણ કરવામાં આવશે.

ઉલ્લેખનીય છે કે વિશ્વનું સૌથી મોટું સ્ટેડિયમ (મોટેરા સ્ટેડિયમ) અમદાવાદમાં બનાવવામાં આવ્યું છે. મોટેરા સ્ટેડિયમનું નામ સરદાર પટેલ ગુજરાત સ્ટેડિયમ છે. ગુજરાતમાં આવેલી વિશ્વની સર્વોચ્ચ પ્રતિમા ‘સ્ટેચ્યુ ઓફ યુનિટી’ પણ સરદાર પટેલની જ છે.

Author: GujjuRocks Teamઆવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.

લેખ ગમ્યો હોય તો લાઈક કરી મિત્રો સાથે શેયર કરજો.