વિદેશમાંથી વર્ષો પછી પાછા ફરતા એક દીકરાની વાર્તા, આંખોને ભીની જરૂર કરી દેશે, દરેક દીકરાએ અને માતા પિતાએ વાંચવા જેવી વાત

0

દુનિયામાં એક માતા પિતા જ  એવી વ્યક્તિ છે જે ક્યારેય પોતાના દીકરાનું અહિત નથી ઇચ્છતા, સદાય તે પ્રગતિના પથ ઉપર આગળ વધતું રહે તેવી જ દરેક મા-બાપની ઈચ્છા હોય છે.

Image Source

પોતાનો દીકરો આગળ વધે એવી જ ઈચ્છા રાખીને રમેશ અને મંજૂલાએ એકના એક દીકરાને વિદેશ ભણવા માટે મોકલ્યો હતો. 19 વર્ષની ઉંમરે જ પોતાના દીકરા રાજનને પોતાનાથી દૂર કરવામાં રમેશ અને મંજુલાનો જીવ પણ નહોતો ચાલતો, પરંતુ દીકરો વિદેશ જઈને  ભણશે અને સારી કમાણી કરશે તો તેનું જ ભવિષ્ય ઉજ્જવળ બનશે સાથે પરિવારનું નામ પણ મોટું થશે એમ વિચારી કાળજા ઉપર પથ્થર મૂકીને દીકરાને મોકલ્યો.

Image Source

રાજનના ગયે ઘણા વર્ષો વીતી ગયા, ભણવામાં પણ હોશિયાર એવા રાજને ભણવા સાથે નોકરી પણ કરવાની શરૂ કરી દીધી જેના કારણે તે પોતાના ખર્ચ પોતે જ ઉઠાવી શકે. રમેશભાઈને પણ રાજનનો આ ગુણ જોઈને માન થતું. ભણવામાં વર્ષો ક્યાં પુરા થઈ ગયા એ રાજનને સમજ જ ના રહી.

Image Source

ભણ્યા પછી તરત જ તેને એક કંપની દ્વારા સારી નોકરીની ઓફર પણ મળી ગઈ, ઊંચો પગાર, સારું ઘર, મોંઘી ગાડી પણ કંપની દ્વારા જ આપવામાં આવી હતી. રાજનને કોઈ વાતની ખોટ ના રહી, ખોટ હતી તો તેના પરિવારની. વિદેશમાં તે તો કામ કરી સુખેથી રહી શકતો પરંતુ તેના માતા પિતા તો ભારતમાં હતા, પોતે સારું કમાતો હતો પરંતુ તેનું કામ એવું હતું કે તેને રજાઓ મેળવી મુશ્કેલ હતી. પોતાના પરિવારને તે પૈસા તો મોકલી શકતો, પરંતુ પોતે પરિવાર પાસે જઈ શકતો નહોતો.

Image Source

રમેશ અને મંજુલા પણ દીકરાની રાહ જોઈ રહેતા, હવે તેમના પણ દુઃખના દિવસો પુરા થયા હતા, રાજન સારા પૈસા મોકલાવતો એટલે રમેશભાઈને પણ કામ કરવું પડતું નહોતું, બંને જણા ઘરે નિરાંતે બેસી રહેતા તો ક્યારેક ઘણા દિવસો સુધી તીર્થયાત્રા ઉપર ચાલ્યા જતા. છતાં પણ દીકરાને જોયા વિના તેમને ચેન પડતું નહિ, તે પણ દીકરાની મજબૂરી  સમજતા હતા, એટલે ક્યારેય એમને પણ દીકરાને બોલાવવાની જીદ કરી નહીં.

Image Source

રાજને પણ તેના માતા-પિતાને તેની પાસે લાવવા માટે વિચાર્યું પરંતુ તેના માતા પિતાએ ત્યાં એકલા પડી જઈશું એમ વિચારી આવવાની ના કહ્યું, વર્ષો વીતતા ગયા, રમેશ અને  મંજુલાની ઉંમર પણ વધતી ગઈ. રાજનના વિદેશ ગયાને 22 વર્ષનો સમય વીતી ગયો અને હવે તેમના માટે ખુશીના સમાચાર રાજાને મોકલ્યા કે તે પોતાના વતનમાં પાછો ફરી રહ્યો છે અને તે પણ 4 મહિના માટે.

Image Source

રાજનના આવવાની ખુશીમાં રમેશ અને મંજૂલાએ ઘરને સજાવડાવ્યું, રાજનને ગમતી વસ્તુઓ અને તેને કોઈ અગવડ ના પડે તેવી તૈયારીઓ કરાવી, તેના લગ્ન માટે છોકરીઓના ફોટા પણ મંગાવી તૈયાર રાખ્યા. બધી જ તૈયારીઓ થઇ ગઈ અને રાજનના આવવાનો દિવસ પણ આવી પહોંચ્યો. મંજુલા અને રમેશ તો વધતી ઉંમરના કારણે તેને લેવા માટે એરપોર્ટ ના જઈ શક્યા, ડ્રાઈવરને ગાડી લઇ મોકલી આપ્યો.

Image Source

રાજન ઘરે આવતાની સાથે જ મંજુલાને વળગી પડ્યો, 22 વર્ષો બાદ તેની મમ્મીને રૂબરૂ મળી અને તેની આંખોમાં આંસુઓ આવી ગયા, મંજુલાની આંખો પણ હેતથી ઉભરાવવા લાગી, માતાથી વિખુટા પડી રાજને 22 વર્ષનો પોતાનો વિરહ અડધો કલાકમાં તેની માતા આગળ ઠાલવી દીધો. વિદેશની ખાસિયતો વિશે પણ જણાવવા લાગ્યો.

Image Source

મંજુલા એકપણ શબ્દ બોલ્યા વગર ટગર ટગર તેના દીકરા રાજન સામે જ તાકી રહી. રાજને પોતાની વાત પૂર્ણ કરી મંજુલાને તેના હાલચાલ વિશે પૂછ્યું ત્યારે પણ મંજુલા કઈ બોલી ના શકી, બસ આંખોમાં ખુશીના આંસુ અને ચહેરા ઉપર મીઠા હાસ્ય સાથે રાજનને જ જોઈ રહી. રાજનને નવાઈ લાગી કે “તેની મમ્મી કેમ કઈ બોલતી નથી.” તેને તેના પપ્પાને કારણ પૂછ્યું ત્યારે રમેશભાઈએ કહ્યું:

Image Source

“2 વર્ષથી તારી મમ્મીને કાને સંભળાતું નથી, અને તેની તબિયત પણ હવે સારી નથી રહેતી, તેને મરતા પહેલા તને જોવા માંગતી હતી અને આજે તેની ઈચ્છા પુરી થઇ એની ખુશી જ એના ચહેરા ઉપર છે, તે જે કહ્યું એ એને કઈ નથી સાંભળ્યું પણ તારા ચહેરા ઉપર જે ખુશી છે એ જોઈને એને શાંતિ થઇ છે.”

Image Source

રાજનને આટલા વર્ષો વિદેશમાં રહ્યા હોવાનું ઘણું જ દુઃખ હવે થવા લાગ્યું હતું, તેને વિદેશમાં રહીને ઘણી સુખ સુવિધાઓ તો મેળવી લીધી પરંતુ દેશમાં રહેતા પોતાના માતા પિતા પાસે મેળવવામાં આવતું સાચું સુખ ગુમાવી દીધું હતું..!!

Image Source

ઘણા માતા પિતાના આજે આવા જ હાલ છે, પોતાના બાળકોના ઉજ્જવળ ભવિષ્ય માટે તેમને વિદેશ મોકલી આપે છે, બાળકો વિદેશમાં જઈને સારું કમાઈ પણ શકે છે, ઘરે સારી રકમ પણ મોકલી આપે છે, પરંતુ ત્યાં રહીને તે એ પણ ભૂલી જાય છે કે માતા પિતાને પૈસાની જરૂર કરતા વધારે તેમના દીકરાની જરૂર હોય છે. મોટી રકમો મોકલીને દીકરા પણ એમ સમજે છે કે મેં મારી ફરજ પુરી કરી પરંતુ તેની સાચી ફરજ મા-બાપની સેવા કરવાની છે.
Author: નીરવ પટેલ “શ્યામ” GujjuRocks Team તમે આ લેખ GujjuRocks ના માધ્યમથી વાંચી રહ્યા છો,આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકપ્રિય ફેસબુક પેજ GujjuRocks લાઈક કરી જોડાઓ તથા હવે અમારા દરેક જોક્સ-સુવિચાર સીધા તમારા મોબાઈલમાં મેળવવા માટે અમારી મોબાઈલ એપ અહીં ક્લિક કરીને ડાઉનલોડ કરી લેજો GujjuRocks Mobile App.

લેખ ગમ્યો હોય તો લાઈક કરી મિત્રો સાથે શેયર કરજો.