પોસ્ટમેન અને અપાહીજ છોકરી ની કહાની તમારા દિલ ને અડકી જશે

0

એક પોસ્ટમેન એ એક ઘર ના દરવાજા પર દસ્તક આપતા બોલ્યો ,” ચિઠ્ઠી લઈ લો.” અંદર થી એક છોકરી ની અવાજ આવ્યો , “આવી રહી છું.” પણ ત્રણ ચાર મિનિટ સુધી કોઈ ન આવ્યું તો પોસ્ટ મેન એ ફરી કહ્યું , “અરે ભાઈ ઘર માં કોઈ છે કે નહીં , તમારી ચિઠ્ઠી લઈ લો.”

“પોસ્ટમેન સાહેબ દરવાજા ની નીચે થી ચિઠ્ઠી નાખી દો , હું આવી રહી છું.” પોસ્ટમેન એ કહ્યું , “ના ,હું ઉભો છું , રજીસ્ટર્ડ ચિઠ્ઠી છે ,તમારી સાઈન જોશે.” લગભગ 6 -7 મિનિટ પછી દરવાજો ખુલ્યો. પોસ્ટમેન આટલી રાહ જોયા બાદ કંટાળી ને ગુસ્સે જ થવા જઈ રહ્યો હતો. ત્યાં જ એને જોઈ એ આશ્ચર્યચકીત રહી ગયો.

સામે એક અપાહીજ કન્યા હતી ,જેના પગ નહતા. એ એની સામે ઉભી હતી. પોસ્ટમેન ચુપચાપ પત્ર આપી અને સાઈન લઈ ને ચાલ્યો ગયો.

અઠવાડિયા , બે અઠવાડિયા માં જ્યારે એ છોકરી માટે ચિઠ્ઠી આવે એ પોસ્ટમેન અવાજ આપે અને જ્યાં સુધી પેલી છોકરી ન આવે ત્યાં સુધી ઉભા રહે. એક દિવસ તેણી એ પોસ્ટ મેન ને ખુલ્લા પગે જોઇ લીધો. દિવાળી નજીક આવી રહી હતી એને વિચાર્યું પોસ્ટમેન ને શું ઇનામ આપું. જ્યારે પોસ્ટમેન ચિઠ્ઠી આપી અને ગયો ત્યારે એ છોકરી એ જ્યાં પોસ્ટમેન ના પગ ના નિશાન જે માટી માં બન્યા હતા તેના પર કાગળ રાખી અને ચિત્ર ઉતારી લીધું. બીજે દિવસે તેણી ને ત્યાં કામ કરનાર પાસે થી એ સાઈઝ ના જુતા મંગાવી લીધા. દિવાળી આવી પોસ્ટ મેન એ ગલી ના દરેક ઘર પાસે થી ઇનામ માંગ્યું પણ વિચાર્યું એ દીકરી પાસે ક્યાં ઇનામ માંગવું?પણ ગલી માં આવ્યો તો એને મળતો જાઉં.

એને દરવાજો ખટખટાવ્યો . અંદર થી અવાજ આવ્યો , “કોણ ?” પોસ્ટમેન એ જવાબ આપ્યો. ત્યાં જ તે છોકરી હાથ માં ગિફ્ટ લઈ અને આવી. “અંકલ મારી તરફ થી તમને આ દિવાળી ની ભેટ. પોસ્ટમેન એ કહ્યું , “મારી માટે તું દીકરી જેવી છો તારી પાસે કેવી રીતે ગિફ્ટ લઈ શકું?”. છોકરી એ આગ્રહ કર્યો અને પોસ્ટમેન એ “સારું ભલે ” કહેતા ગિફ્ટ સ્વીકાર્યું.

છોકરી એ કહ્યું , ” અંકલ આ પેકેટ ને ઘરમાં જઈ અને ખોલજો.” ઘરે જઈ અને જ્યારે પોસ્ટમેન એ ગિફ્ટ ખોલ્યું તો આશ્ચર્યચકિત રહી ગયો. કારણકે એમાં એક જોડી જુતા હતા.

એની આંખો ભીની થઇ ગઇ. બીજા દિવસે એ ઓફીસ એ પંહોચ્યો અને એની બદલી કરી આપે એ વાત કરી. પોસ્ટમાસ્ટર એ જ્યારે બદલી પાછળ નું કારણ પૂછ્યું તો એણે એ જુતા ટેબલ પર રાખી બધી વાત કહી. અને ભીની આંખે કહ્યું , ” આજ પછી હું એ ગલી માં ક્યારેય નહીં જઈ શકું.

એ અપાહીજ છોકરી એ મારા ખુલ્લા પગ ને જુતા આપ્યા પણ હું એને પગ કેવી રીતે આપી શકીશ ?” સંવેદનશીલતા નું આ શ્રેષ્ઠ ઉદાહરણ છે.

સંવેદનશીલતા એટલે બીજા ના દુઃખ અને દર્દ ને સમજવું , અનુભવ કરવું અને એના દુઃખ દર્દ માં ભાગીદાર બનવું. આ એક એવો માનવીય ગુણ છે જેના વિના માણસ અધુરો છે. ઈશ્વર ને પ્રાર્થના છે કે આ સંવેદનશીલતા રૂપી આભૂષણ બધા ને પ્રદાન કરે જેથી બીજા ના દુઃખ દર્દ ને ઓછું કરવા માં યોગદાન આપી શકીએ. સંકટ ના સમય માં કોઈ પોતાને ને એકલું ન સમજે. એને હંમેશા મહેસુસ થાય કે માનવતા એની સાથે છે.

Author: GujjuRocks Team
“ગુજ્જુ રોક્સ” પરની આ રસપ્રદ પોસ્ટ પસંદ આવી હોય તો આપના બહુમૂલ્ય પ્રતિભાવ કમેન્ટમાં લખજો અને પોસ્ટને શેર કરજો. દરરોજ આવી અનેક લાગણીસભર વાર્તાઓ વાંચો ફક્ત ગુજ્જુરોક્સ પેજ પર.

લેખ ગમ્યો હોય તો લાઈક કરી મિત્રો સાથે શેયર કરજો.

LEAVE A REPLY

Please enter your comment!
Please enter your name here