ખબર

કોરોનાનો કહેર: સુરતમાં આ પરિવાર લઇ રહ્યો છે હોસ્પિટલની બહારનાં પગથિયાં પર સારવાર, જાણો કારણ

કોરોનાની આ લહેર તો રોકાવાનું નામ જ લઇ રહી નથી ત્યાં કોરોનાના કેસ દિન પ્રતિદિન સતત વધી રહ્યા છે. કોરોના સમગ્ર ગુજરાતમાં તેનું રૌદ્ર સ્વરૂપ બતાવી રહ્યો છે. સુરતમાં કોરોનાની સ્થિતિ વણસી રહી છે. સુરત શહેરમાં કોવિડ-નોન-કોવિડથી રોજના સરેરાશ 240 લોકોનાં મૃત્યુ થઇ રહ્યાં છે. સ્મશાનોમાં જગ્યા ખૂટી પડતાં મૃતદેહોને બારડોલી સ્મશાને લઇ જવા પડ્યા છે.

પ્રતિકાત્મક તસવીર

નંદુરબાર જિલ્લામાં એક વૃદ્ધ દંપતી અને તેમનો પુત્ર કોરાના પોઝિટિવ મળ્યો અને સારવારની આશાએ સુરત પહોંચ્યો, પરંતુ ફક્ત પિતા જ હોસ્પિટલમાં સારવાર લઈ રહ્યા છે, જ્યારે માતા-પુત્રને હોસ્પિટલની બહારનાં પગથિયાં પર સારવાર લેવાની ફરજ પડી છે.

Image

સુરતમાં સરકારી અને ખાનગી હોસ્પિટલમાં દર્દીઓ ઊભરાયા છે. આવી સ્થિતિમાં પરિવારને સરકારી હોસ્પિટલમાં સ્થાન મળી શક્યું ન હતું અને સારવાર માટે ખાનગી હોસ્પિટલ યુનિક હોસ્પિટલમાં જવું પડ્યું હતું, પરંતુ ખાનગી હોસ્પિટલોની ભારે સારવાર તેમની ક્ષમતાની બહાર છે, તેથી ફક્ત પિતાને હોસ્પિટલમાં દાખલ કરી શકાયા હતા. સ્થિતિ એવી છે કે એક અઠવાડિયાથી પિતાની હોસ્પિટલમાં સારવાર ચાલી રહી છે. જ્યારે માતા અને પુત્ર હોસ્પિટલની બહાર પગથિયાં પર સારવાર લઈ રહ્યાં છે.