હેલ્થ

શિયાળામાં આ રીતે બનાવજો ચાનો મસાલો, ગરમાવો પણ લાવશે અને ઇમ્યુનીટી પણ વધારશે

શિયાળાની ઠંડીનો ચમકારો હવે શરૂ થઇ ગયો છે ત્યારે ઠંડીથી બચવા માટે આપણે કેટ કેટલા ઉપોયો કરીએ છે, આ દરમિયાન ખાસ ગરમ પીણાનો ઉપયોગ આપણે કરતા હોઈએ છીએ, અને એમાં પણ ચા એટલે આપણા જીવનનો એક ભાગ જ સમજી લો. ઘણા લોકોની સવાર ચા સાથે જ શરૂ થાય છે તો આજ અમે તમને એક એવા ખાસ મસાલો બનાવવાની રીત જણાવીશું જેના દ્વારા તમારી ચા સ્વાદિષ્ટ પણ બનશે, સાથે તમારા શરીરમાં ગરમાવો પણ લાવી દેશે. વળી, આ મસાલો તમારી રોગ પ્રતિકારક શક્તિમાં પણ વધારો કરશે જેના કારણે તમે શિયાળામાં બીમારીઓથી પણ દૂર રહી શકશો.

Image Source

ચાનો મસાલો બનાવવાની સામગ્રી:

  • અડધી વાટકી સૂંઠ
  • દાલચીની ના 5-6 ટુકડા
  • એક મોટી ચમચી નાની ઈલાયચી
  • એક મોટી ઈલાયચી
  • એક ચમચી લવિંગ
  • અડધી ચમચી કાળા મરી
  • એક ચપટી જાયફળનો પાવડર
  • અડધી ચમચી વરિયાળી (જો ઈચ્છો તો)
Image Source

ચાનો મસાલો બનાવવાની રીત:

  • સૌથી પહેલા સુંઠને મિક્સરમાં બરાબર પીસી લેવી અને ત્યારબાદ તેને એક વાટકીમાં અલગ રાખી લીએવી.
  • ગેસ ઉપર ધીમી આંચ કરી અને એક પેનની અંદર લવિંગ, કાળા મરી, ઈલાયચી અને દાલચીની નાખીને થોડા શેકી લેવા.
  • મસાલાને ઠંડા કર્યા બાદ મિક્સરમાં પીસી પાવડર બનાવી લેવો.
  • હવે આ પાવડરની અંદર દળેલી સૂંઠ અને જાયફળ પાવડર નાખીને થોડીવાર માટે બીજીવાર પીસી લેવા.
  • તૈયાર છે તમારો સ્વાદિષ્ટ અને સ્વાસ્થ્ય વર્ધક ચાનો મસાલો.
  • આ મસાલાને તમે બોટલમાં ભરી અને રાખી શકો છો.