ગાજર આપણા સ્વાસ્થ્ય માટે ખુબ જ ફાયદાકારક છે તે વાત તો આપણે બધા જ જાણીએ છીએ, ગાજરનો હલવો અને સલાડમાં આપણે મોટાભાગે ગાજર ખાતા જ હોઈએ છીએ, પરંતુ આજે અમે તમને ગાજરના જ્યુસ વિશે જણાવીશું જે સ્વાસ્થ્ય માટે ખુબ જ ફાયદાકારક છે. તે બનાવવું પણ ખુબ જ સરળ છે અને તેના ફાયદાઓ જાણીને તમે પણ આજથી જ પીવા લાગશો.
ગાજરનું જ્યુસ બનાવવાની સામગ્રી:
- 2 કપ પાણી
- 2 ગાજર
- એક ચમચી આદુ (બારીક કાપેલું)
- એક મોટી ચમચી લીંબુનો રસ
- એક નાની ચમચી કાળા મરી (ઈચ્છો તો જ)
- એક નાની ચમચી જીરા પાઉડર (ઈચ્છો તો જ)
- મીઠું સ્વાદ અનુસાર
ગાજરનું જ્યુસ બનાવવાની રેસિપી:
- ગાજરને છોલી અને ધોઈ નાખવા ત્યારબાદ તેને કાપી લેવા
- ત્યારબાદ એક મિક્સર જારમાં ગાજરના ટુકડા, આદુ, પાણી, લીંબુનો રસ, જીરા પાઉડર, કાળા મરી પાઉડર અને સ્વાદ અનુસાર મીઠું નાખવું.
- ત્યારબાદ જારને ઢાંકણ બંધ કરી અને ગ્રાઈન્ડર ઉપર રાખી સીગરેન્દર ચાલી કરવું અને એકદમ બારીક જ્યુસ બનાવી દેવું.
- જયારે ગાજર સંપૂર્ણ રીતે ગ્રાઈન્ડ થઈને જ્યુસ બની જાય ત્યારે ગ્રાઈન્ડર બંધ કરી અને ગાજરના જ્યૂસને ગ્લાસની અંદર સર્વ કરી દેવું.
ગાજરના જ્યૂસના સ્વાસ્થ્ય વર્ધક ફાયદાઓ:
- શરીરમાં લોહીની માત્રામાં વધારો કરે છે.
- પાચનશક્તિને મજબૂત બનાવે છે.
- ચહેરા ઉપર બ્લેક સ્પોટ દૂર કરી નિખાર લાવે છે.
- ગાજરનું જ્યુસ પીવાથી ત્વચા ઉપર ચમક આવે છે.
- મોટાપો ઓછો કરવા માટે ગાજરનું જ્યુસ ખુબ જ ફાયદાકારક છે.
- હૃદયના રોગીઓએ આ જ્યૂસનું નિયમિત સેવન કરવું જોઈએ.
- આંખોના તેજ માટે પણ આ જ્યુસ ખુબ જ ફાયદાકારક છે.
- રોજ ગાજરનું જ્યુસ પીવાના કારણે કોલેસ્ટ્રોલ લેવલ પણ નિયંત્રણમાં રહે છે.
