કેરળના કન્નુર જિલ્લામાં બુધવારે એક સ્કૂલ બસ પલટી જતાં ધોરણ 5ની વિદ્યાર્થીનીનું મોત થયું હતું. પીટીઆઈએ અધિકારીઓને ટાંકીને જણાવ્યું હતું કે બસમાં બેઠેલી છોકરી બસમાંથી નીચે પડી ગઈ હતી અને બસ પલટી જતાં તેનું કચડાઈને મોત થયું હતું. આ અકસ્માતમાં અન્ય 15થી વધુ વિદ્યાર્થીનીઓ ઘાયલ થઈ છે. જેમાંથી એકની હાલત નાજુક છે.
મળતી માહિતી મુજબ, આ બસ કન્નુર જિલ્લાના કુરુમાથુર સ્થિત ચિન્મય સ્કૂલની હતી. અકસ્માત થયો ત્યારે બસમાં 20 વિદ્યાર્થીઓ સવાર હતા.મળતી માહિતી મુજબ, સામેથી આવતા અન્ય વાહનને રસ્તો આપતી વખતે બસે સંતુલન ગુમાવ્યું હતું અને રોડ પર પલટી ગઈ હતી.કેરળ સરકારના જનસંપર્ક વિભાગે જણાવ્યું હતું કે, “અકસ્માતમાં 15 બાળકો ઘાયલ થયા છે. આ ઘટના વલાક્કાઈ પુલ નજીક બની હતી જ્યારે બસે ઢોળાવ પર કાબૂ ગુમાવ્યો હતો અને પલટી ગઈ હતી.”
સૂત્રોએ તેને બ્રેક ફેઈલનો મામલો પણ ગણાવ્યો છે, જોકે, પોલીસે આ મામલે તપાસ હાથ ધરી હોવાનું જણાવ્યું હતું.આ ઘટનાનો વીડિયો સીસીટીવી કેમેરામાં કેદ થઈ ગયો છે અને આ વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં સ્કૂલ બસ અચાનક કાબૂ ગુમાવીને રોડ પર પલટી મારતી જોવા મળે છે.
આ પછી તરત જ સ્થાનિક લોકો બસ તરફ દોડતા જોઈ શકાય છે. આ મામલે હજુ સુધી સ્કૂલના અધિકારીઓ તરફથી કોઈ નિવેદન આવ્યું નથી. પોલીસે ભારતીય ન્યાય સંહિતાની કલમ 281 (જાહેર રસ્તા પર બેદરકારીથી ડ્રાઇવિંગ), 125 (A) (માનવ જીવન અથવા વ્યક્તિગત સલામતીને જોખમમાં મૂકતી બેદરકારી અથવા બેદરકારી) અને 106 (1) (બેદરકારીથી મૃત્યુ) હેઠળ ડ્રાઇવર સામે ગુનો નોંધ્યો છે. ડ્રાઈવર સામે આઈપીસી હેઠળ કેસ નોંધવામાં આવ્યો છે. દરમિયાન લોકોએ અકસ્માત માટે રોડની ખરાબ હાલતને જવાબદાર ઠેરાવ્યો છે અને આક્ષેપ કર્યો છે કે આ વિસ્તારમાં અવારનવાર આવા બનાવો બને છે.
STORY | Student killed, 18 injured as school bus overturns in Kerala’s Kannur
READ: https://t.co/Nywqm53hQ6
VIDEO:
(Full video available on PTI Videos – https://t.co/n147TvrpG7) pic.twitter.com/haVqljIAR6
— Press Trust of India (@PTI_News) January 1, 2025
