લંડનના ફ્લેટમાં ખેલાયો ખૂની ખેલ, એક ભારતીય છોકરીની હત્યા અને બીજી ખરાબ રીતે ઘાયલ, જાણો સમગ્ર મામલો
Indian Lady Murder in London: સાત સમુદ્ર પાર લંડનથી એક મનહૂસ ખબર ભારતમાં પહોંચતા જ સનસનાટી ફેલાઈ ગઈ. હૈદરાબાદની એક યુવતીની લંડનમાં ચાકુ મારીને હત્યા કરવામાં આવી હતી. hC તેનાથી પણ વધુ ચોંકાવનારી હકીકત એ છે કે મહિલાની હત્યાના સંબંધમાં જે વ્યક્તિ પર આરોપ મૂકવામાં આવ્યો હતો તે મહિલાનો ફ્લેટમેટ હતો, જેની લંડનની મેટ્રોપોલિટન પોલીસે ધરપકડ કરી છે.
રિપોર્ટમાં ખુલાસો થયો છે કે લંડનના વેમ્બલી વિસ્તારમાં નીલ્ડ ક્રિસેન્ટની રહેવાસી 27 વર્ષીય કોન્થમ તેજસ્વિનીની હત્યા કરવામાં આવી હતી. જણાવવામાં આવી રહ્યું છે કે તેજસ્વિની ગયા વર્ષે લંડનની એક યુનિવર્સિટીમાં માસ્ટર્સનો અભ્યાસ કરવા ગઈ હતી. અભ્યાસની સાથે તે ત્યાં પાર્ટ ટાઈમ જોબ પણ કરતી હતી.
મીડિયા રિપોર્ટ્સ અનુસાર, ભારતીય મહિલા તેજસ્વિનીની લંડનમાં મંગળવાર 13 જૂને સવારે લગભગ 10 વાગ્યે હત્યા કરવામાં આવી હતી અને બ્રાઝિલના નાગરિકને આરોપી બનાવવામાં આવ્યો હતો. પોલીસના જણાવ્યા અનુસાર, તેજસ્વિનીને ચાકુ મારવામાં આવ્યું હતું જેના કારણે તેનું ઘટનાસ્થળે જ મોત થયું હતું. પોલીસને ખૂબ જ આશ્ચર્ય થયું,
હુમલાખોરે તેજસ્વિનીની અન્ય રૂમમેટ પર પણ હુમલો કર્યો હતો અને તે યુવતિ ગંભીર રીતે ઘાયલ છે, જેની સારવાર હોસ્પિટલમાં ચાલી રહી છે. લંડન મેટ્રોપોલિટન પોલીસનું કહેવું છે કે, બંને યુવતીઓ જે ફ્લેટમાં રહેતી હતી, આરોપી પણ તે જ ફ્લેટના એક રૂમમાં રહેતો હતો.
પોલીસને ફોન કોલ દ્વારા ઘટનાની માહિતી મળી હતી. ક્રાઈમ સીન પર જ્યારે પોલિસ પહોંચી ત્યારે તેમને તેજસ્વિનીની ડેડ બોડી મળી આવી. હાલ આ કેસમાં પોલીસે બે લોકોની ધરપકડ કરાઇ છે. આ સાથે પોલીસે એક આરોપીની તસવીર પણ જાહેર કરી છે. પોલીસનું કહેવું છે કે બ્રાઝિલના એક નાગરિકે આ હત્યાને અંજામ આપ્યો છે.
હવે આ હત્યા પાછળનો હેતુ શું હતો તે જાણવા પોલીસે આ મામલે ઉંડી તપાસ હાથ ધરી છે. પોલીસ દરેક એંગલથી આ મામલાની તપાસ કરી રહી છે. ત્યાં તેજસ્વિનીના પિતરાઈ ભાઈએ જણાવ્યું કે તેજસ્વિની લંડનના વેમ્બલીમાં નીલ્ડ ક્રિસન્ટ વિસ્તારમાં કેટલાક અન્ય વિદ્યાર્થીઓ સાથે ભાડાના મકાનમાં રહેતી હતી. લગભગ એક અઠવાડિયા પહેલા બ્રાઝિલનો આરોપી યુવક ત્યાં શિફ્ટ થયો હતો.
