આફ્રિકાની હાર માટે બન્યો આ ટ્રેનિંગ પોઇન્ટ, આફ્રિકાના દિગ્ગજ ખેલાડી ડેલ સ્ટેને કહી દિલની વાત, જુઓ
Dale Steyn statement on the World Cup final : T20 વર્લ્ડ કપ ફાઇનલમાં ભારતે સાઉથ આફ્રિકાને 7 રને હરાવીને ટાઇટલ પોતાના નામે કર્યું હતું. જ્યાં સુધી હેનરિક ક્લાસેન બેટિંગ કરી રહ્યો હતો ત્યાં સુધી સાઉથ આફ્રિકાની ટીમ મેચમાં હતી, પરંતુ ક્લાસેનની વિકેટ પડતાની સાથે જ સાઉથ આફ્રિકાની ટીમ પર દબાણ આવી ગયું અને અંતે ટીમ સાઉથ આફ્રિકાને 7 રનથી મેચ હારવી પડી.
સાઉથ આફ્રિકાની ટીમ ભલે મેચ હારી ગઈ હોય, પરંતુ તે ચાહકોના દિલ જીતવામાં ચોક્કસપણે સફળ રહી હતી. દક્ષિણ આફ્રિકાની ટીમ પ્રથમ વખત વર્લ્ડ કપની ફાઇનલમાં પહોંચી છે. તે જ સમયે, હવે 10 દિવસ પછી, દક્ષિણ આફ્રિકાના પૂર્વ દિગ્ગજ ડેલ સ્ટેને ખુલીને વાત કરી છે અને જણાવ્યું છે કે શા માટે દક્ષિણ આફ્રિકાની ટીમ ફાઈનલમાં મેચમાં હારી ગઈ. સ્ટેને ગેમ ચેન્જિંગ મોમેન્ટ વિશે વાત કરી છે.
સ્પોર્ટ્સ ટાક સાથેના એક ઇન્ટરવ્યુમાં, સ્ટેને રમત બદલાતી ક્ષણ વિશે ખુલાસો કર્યો. સ્ટેઈનનું માનવું છે કે ફાઈનલ મેચ ખૂબ જ તણાવપૂર્ણ હતી. તે એક શાનદાર મેચ હતી. ક્યારેક મેચ દક્ષિણ આફ્રિકાની તરફેણમાં હતી તો ક્યારેક તે ભારતના પક્ષમાં હતી. પરંતુ જ્યારે છેલ્લી ઘડીએ બુમરાહ બોલિંગ કરવા આવ્યો તો તેણે મેચ બદલી નાખી.
સ્ટેને કહ્યું કે “એક સમયે, ટીમ ઈન્ડિયા પાવરપ્લેમાં બે વિકેટથી આગળ હતી, પરંતુ દક્ષિણ આફ્રિકા રનની ભાગીદારી સાથે વાપસી કરી અને પછી જસપ્રિત બુમરાહની ઓવરો અને સૂર્યકુમાર યાદવના કેચથી આખી રમત બદલાઈ ગઈ. દક્ષિણ આફ્રિકન ટીમ જેણે સખત દબાણ કર્યું અને વર્લ્ડ કપમાં ખરેખર સારું પ્રદર્શન કર્યું. તેથી આ ટીમ માટે આટલું આગળ જવું અને ફાઇનલમાં પહોંચવું, તે અદ્ભુત હતું.
તેને આગળ કહ્યું કે “આ ટીમ વિજેતા ટીમ બની શકી હોત. કમનસીબે ચેમ્પિયન ન બની શકી પરંતુ તે એક રમત હતી જેણે ઉત્તેજના ચરમસીમા પર રાખી હતી, અને પછી તમને લાગ્યું કે તે બધું દક્ષિણ આફ્રિકા વિશે હતું પરંતુ તે પછી જસપ્રિત બુમરાહે આવીને શાનદાર બે ઓવર ફેંકી. હૃદય જીતી લેનારી ફાઇનલ.
