હરિયાણાના હિસાર જિલ્લાના આદમપુરના ભાજપના ધારાસભ્ય ભવ્ય બિશ્નોઈએ IAS પરી બિશ્નોઈ સાથે સગાઈ કરી લીધી છે અને હવે બંને જલ્દી જ લગ્નના બંધનમાં બંધાવા જઈ રહ્યા છે. ભવ્ય બિશ્નોઈ હરિયાણાના પૂર્વ સીએમ ભજન લાલના પૌત્ર અને બીજેપી નેતા કુલદીપ બિશ્નોઈના પુત્ર છે. ભવ્ય અને પરીએ મંગળવારે રાજસ્થાનના બિકાનેરમાં સગાઈ કરી હતી.
આ પછી તેમની સગાઈનું બીજું ફંક્શન શનિવારે દાર્જિલિંગમાં થયું. IAS પરી હાલમાં ગંગટોક, સિક્કિમમાં પોસ્ટેડ છે. શનિવારે સમારોહમાં કુલદીપ બિશ્નોઈ, રેણુકા અને ચંદ્રમોહન બિશ્નોઈ સહિત પરિના પરિવારના સભ્યોએ હાજરી આપી હતી. અગાઉ ભવ્ય અને પરી બિશ્નોઈની સગાઈ હેઠળ રાજસ્થાનના બિકાનેરમાં રંગ છાછડાની વિધિ કરવામાં આવી હતી.
સગાઈ બાદ કરાવ્યુ યાદગાર ફોટોશૂટ
2જી મેના રોજ બિકાનેરમાં સગાઈ અને ધાર્મિક વિધિઓ પૂર્ણ થયા બાદ ભવ્ય અને પરીએ એક યાદગાર ફોટોશૂટ કરાવ્યું. આ ફોટોશૂટ સાંજે બીકાનેરના ડેસ્ટિનેશન નજીક રેતીના ટેકરા પર થયું હતું જેમાં ભવ્યએ તેના પ્રેમનો ઇઝહાર કર્યો હતો. ભવ્યએ આ ફોટોશૂટની તસવીરો પણ ટ્વિટર હેન્ડલ પર શેર કરી છે. હકુલદીપ બિશ્નોઈનો નાનો પુત્ર ચૈતન્ય બિશ્નોઈ સગાઈ સમારોહમાં સામેલ થઈ શક્યો નહોતો.
IASની માતા જીઆરપી પોલીસ અધિકારી તો પિતા વકીલ
ચૈતન્ય આ દિવસોમાં લંડનમાં ક્રિકેટ લીગમાં વ્યસ્ત છે. જેના કારણે તે બંને કાર્યક્રમમાં હાજર રહી શક્યો ન હતો. ચૈતન્યની સગાઈ દિલ્હીની સૃષ્ટિ અરોરા સાથે થઈ છે. IAS પરી બિશ્નોઈની વાત કરીએ તો, તેનો જન્મ 26 ફેબ્રુઆરી 1996ના રોજ રાજસ્થાનના બિકાનેર જિલ્લાના કાકરા ગામમાં થયો હતો.
પરીની માતા સુશીલા બિશ્નોઈ જીઆરપી પોલીસ અધિકારી છે અને તેના પિતા મણિરામ બિશ્નોઈ વ્યવસાયે વકીલ છે.પરી બિશ્નોઈએ પ્રારંભિક શિક્ષણ અજમેરની સેન્ટ મેરી કોન્વેન્ટ સ્કૂલમાંથી કર્યું હતું.
IAS પરી બિશ્નોઈ 2020 બેચની ઓફિસર છે જેણે દિલ્હી યુનિવર્સિટીની ઈન્દ્રપ્રસ્થ મહિલા કોલેજમાંથી સ્નાતકની પદવી મેળવી છે. કહેવાય છે કે ત્રીજા પ્રયાસમાં તેણે યુપીએસસીની પરીક્ષા પાસ કરી.
