ન્યુયોર્કમાં જ્યાં ભારતે લગાવી જીતની હેટ્રિક અને રમાયો ભારત-પાકિસ્તાન વચ્ચે T20 વર્લ્ડકપનો મહામુકાબલો તે સ્ટેડિયમ પર ચાલશે બુલડોઝર
ન્યૂયોર્કના નાસાઉ કાઉન્ટી ક્રિકેટ સ્ટેડિયમમાં T20 વર્લ્ડ કપની 8 મેચો આયોજિત કરાઇ હતી. આ મેદાન પર છેલ્લી મેચ 12 જૂને રમાઈ હતી અને આ મેચમાં ભારતે યુએસએને હરાવ્યું હતું. હવે આ સ્ટેડિયમ 14 જૂને તોડી પાડવામાં આવશે, જેની તૈયારી શરૂ થઈ ગઈ છે. જણાવી દઈએ કે T-20 વર્લ્ડ કપની યજમાની વેસ્ટ ઈન્ડિઝ અને અમેરિકા દ્વારા સંયુક્ત રીતે કરવામાં આવી છે. અમેરિકામાં પ્રથમ વખત T-20 વર્લ્ડ કપની મેચો રમાઈ હતી.
ન્યૂયોર્કમાં માત્ર T-20 વર્લ્ડ કપની મેચો માટે જ કામચલાઉ સ્ટેડિયમ બનાવવામાં આવ્યું હતું. આ નાસાઉ કાઉન્ટી ક્રિકેટ સ્ટેડિયમમાં ભારત અને પાકિસ્તાન વચ્ચે સુપરહિટ મેચ રમાઈ હતી, જેમાં ભારતનો શાનદાર વિજય થયો હતો. ન્યૂયોર્કના નાસાઉ કાઉન્ટી ક્રિકેટ સ્ટેડિયમમાં T20 વર્લ્ડ કપની 8 મેચ યોજાઈ અને હવે આ સ્ટેડિયમ 14 જૂને તોડી પાડવામાં આવશે. રિપોર્ટ અનુસાર, આ સ્ટેડિયમ બનાવવા માટે લગભગ 248 કરોડ રૂપિયાનો ખર્ચ કરવામાં આવ્યો છે.
આ મોડ્યુલર સ્ટેડિયમને બનાવવામાં લગભગ 106 દિવસનો સમય લાગ્યો હતો. ત્યારે હવે આ સ્ટેડિયમ 6 અઠવાડિયામાં તોડી પાડવામાં આવશે. જણાવી દઈએ કે નાસાઉ ક્રિકેટ સ્ટેડિયમમાં ડ્રોપ ઇન પીચનો ઉપયોગ કરવામાં આવ્યો હતો. આ પિચ એડિલેડથી મંગાવવામાં આવી હતી. નાસાઉ ક્રિકેટ સ્ટેડિયમની પિચ પર સૌથી વધુ 137 રન બન્યા હતા. આ મોડ્યુલર સ્ટેડિયમની વિશેષતા એ હતી કે તેમાં 30 હજારથી વધુ લોકો માટે બેસવાની વ્યવસ્થા હતી.
#WATCH | Nassau County, New York (USA): Bulldozers placed at the Nassau Cricket Stadium as the temporary stadium is set to be dismantled from tomorrow.
The T20 World Cup match between India and the US yesterday was played here. pic.twitter.com/iYsgaEOWlP
— ANI (@ANI) June 13, 2024
