કાન્સ 2025 માં આલિયા ભટ્ટ પરથી હટી નજર, ‘બેબી બંપ’ પર એટકી નજર ! ચાહકો બોલ્યા- ફરી મા બનવાની છે શું ?
બોલિવુડ એક્ટ્રેસ આલિયા ભટ્ટ હાલમાં કાન્સ ફિલ્મ ફેસ્ટિવલ 2025 માં પોતાની અદાઓનો જાદુ ચલાવી રહી છે. આલિયાએ શિઆપરેલી ગાઉનમાં કાન્સમાં ડેબ્યૂ કર્યું હતું. આ લુકમાં તે કોઈ અપ્સરાથી ઓછી નહોતી લાગતી. હવે કાન્સમાંથી અભિનેત્રીનો બીજો લુક પણ સામે આવ્યો છે, જે સોશિયલ મીડિયા પર વાયરલ થઇ રહ્યો છે. આ વખતે આલિયા બ્લેક શિમર ગાઉનમાં પોતાનો ચાર્મ ફેલાવતી જોવા મળી છે.
તેણે ઓફ-શોલ્ડર બોડી ફિટ ગાઉન પહેર્યું છે, જેના પર ભારે પથ્થરનું કામ કરવામાં આવ્યું છે. અભિનેત્રીએ ઓછામાં ઓછા મેકઅપ સાથે પોતાનો લુક પૂર્ણ કર્યો છે. તેના હેરસ્ટાઇલની વાત કરીએ તો, તેણે તેના વાળને બનમાં બાંધ્યા છે. જોકે, આલિયા તેના લુક સિવાય બીજા કોઈ કારણસર ચર્ચામાં આવી છે. આ ગાઉનમાં આલિયાના ફોટા બહાર આવતાની સાથે જ લોકોએ તેની બીજી પ્રેગ્નેંસી વિશે અટકળો શરૂ કરી દીધી.
તસવીરો અને વીડિયો જોઈને સોશિયલ મીડિયા યુઝર્સે દાવો કરવાનું શરૂ કરી દીધું છે કે તેનો બેબી બંપ દેખાય છે અને એક્ટ્રેસ બીજી વખત માતા બનવા જઈ રહી છે. હવે અભિનેત્રીના સેકન્ડ પ્રેગ્નેંસીના સમાચાર વાયરલ થવા લાગ્યા છે. જણાવી દઇએ કે, આલિયા ભટ્ટે 2022 માં રણબીર કપૂર સાથે લગ્ન કર્યા હતા. એ જ વર્ષે કપલે તેમના પહેલી દીકરી રાહાનું આ દુનિયામાં સ્વાગત કર્યું.
હવે કાન્સમાંથી આલિયાનો બીજો લુક બહાર આવ્યા પછી લોકોએ દાવો કરવાનું શરૂ કર્યું છે કે આ કપલ બીજી વખત પેરેન્ટ્સ બનવા જઈ રહ્યું છે. ઘણા યુઝર્સ આલિયાની સેકન્ડ પ્રેગ્નેંસીને લઇને કમેન્ટ્સ કરી રહ્યા છે. ઉલ્લેખનીય છે કે આલિયાએ તાજેતરમાં જય શેટ્ટી સાથેના પોડકાસ્ટમાં કહ્યું હતું કે તેણે અને રણબીરે તેમના બીજા બાળકનું નામ પણ વિચારી લીધું છે.
તેણે કહ્યું હતું, ‘રણબીર અને હું ખૂબ જ ઉત્સાહિત માતા-પિતા છીએ.’ જો કે, આલિયા અને રણબીર તરફથી પ્રેગ્નેંસીના સમાચાર અંગે કોઈ સત્તાવાર પુષ્ટિ કરવામાં આવી નથી. એક તરફ આલિયા કાન્સમાં પોતાના ડેબ્યૂનો આનંદ માણી રહી છે, તો બીજી તરફ, રણબીર કપૂર હાલમાં સંજય લીલા ભણસાલીની ફિલ્મ ‘લવ એન્ડ વોર’ના શૂટિંગમાં વ્યસ્ત છે. આલિયા ભટ્ટ આગામી એક્શન થ્રિલર ‘આલ્ફા’માં જોવા મળશે.
‘એક થા ટાઇગર’, ‘ટાઇગર ઝિંદા હૈ’, ‘વોર’, ‘પઠાણ’, ‘ટાઇગર 3’ અને ‘વોર 2’ પછી, YRF સ્પાય યુનિવર્સની આ સાતમી ફિલ્મ 2025 ના ક્રિસમસ પર સિનેમાઘરોમાં રિલીઝ થવાની તૈયારીમાં છે. તેની પાસે સંજય લીલા ભણસાલીની રોમાંસ ડ્રામા ‘લવ એન્ડ વોર’ પણ છે જે 20 માર્ચ, 2026 ના રોજ રિલીઝ થશે. આ ફિલ્મમાં રણબીર કપૂર અને વિકી કૌશલ પણ છે.
View this post on Instagram
