આજનું રાશિફળ: જાણો કેવો રહેશે તમારો આજનો દિવસ અને કોને થશે ધનલાભ – 3 નવેમ્બર 2019

0

1. મેષ – અ,લ,ઈ (Aries):
તમે કરેલા સારા કાર્યોને લોકોને જાણ કરવાની જરૂરત નથી. ઓફિસમાં અને ઘરમાં દરેક લોકો સાથે શાંતિથી અને વિનમ્રતાથી વાત કરો ક્યાંક તમારું વાણી અને વર્તન તમારા ઓળખીતા અને પ્રિયજનને નુકશાન ના કરે એ ધ્યાન રાખજો. વધારે ગુસ્સો આજે ટાળવો. જો વધુ કામ કરવું પડે તો કરી લેજો ભવિષ્યમાં તેનો ફાયદો તમને જરૂર મળશે. જો લાંબા સમયથી કોઈ પ્રિયપાત્ર સાથે અણબનાવ ચાલી રહ્યો હોય તો આજે તેનો અંત જરૂરથી લાવી દેજો. આજે જુના મિત્રોને ફોન કરીને વાત કરો તમારું મન હળવું થઇ શકશે.
શુભ અંક : ૧
શુભ રંગ : લાલ
2.વૃષભ – બ,વ,ઉ (Taurus):
આજે નોકરી કરતા મિત્રો માટે બહુ મહત્વનો દિવસ છે. આજે ઓફિસમાં કોઈ મહત્વનું અને ખાસ કામ તમને સોંપવામાં આવશે. તમે બસ તમારું કામ ફક્ત ઈમાનદારીથી અને સારી નિયતથી કરો તમારું કામ સરળતાથી પૂર્ણ થશે. આજે કોઈ લાંબી મુસાફરી કરવાના યોગ છે. આજે સાંજે પરિવાર સાથે ધાર્મિક પ્રવૃત્તિમાં જોડાઈ શકશો. પરણિત મિત્રો માટે પણ આજનો દિવસ સારો રહેશે. આજે જીવનસાથીની મદદથી તમે તમારા કાર્યક્ષેત્રે સફળ થઇ શકશો. સ્વાસ્થ્યની આજે વિશેષ કાળજી રાખજો. આજે આંખ અને મોઢામાં કોઈ તકલીફ થવાની શક્યતા છે. વેપારી મિત્રોને પણ સારી સફળતા મળશે અને અટકેલા પૈસા પરત આવશે પણ થોડી ધીરજની જરૂરત છે.
શુભ અંક : ૩
શુભ રંગ : આસમાની
3. મિથુન – ક,છ,ઘ (Gemini):
સમયથી કિમતી બીજું કશું જ નથી અને આજનો સમય તમારી માટે શુભ છે આજે તમે જે પણ સારા કાર્ય કરશો એમાં ઈશ્વરની મંજુરી હશે માટે કોઈપણ પ્રકારની ચિંતા કર્યા વગર આગળ વધો. આજે સાંજનો સૂર્યાસ્તનો સમય પ્રેમ પ્રસ્તાવ માટે સૌથી યોગ્ય છે તો પછી આજે તમારી લાગણીઓને એ ખાસ વ્યક્તિ સમક્ષ મુકો. આજે આર્થિક લાભ માટે નાનકડી મુસાફરી કરવાનું બની શકે છે. સાંજે તમને સરપ્રાઈઝ મળવાના પણ યોગ બની રહ્યા છે.
શુભ અંક : ૨
શુભ રંગ : ગુલાબી
4. કર્ક – ડ,હ (Cancer):
આજે તમને નાણાકીય નુકશાન થવાના યોગ છે, કોઈપણને પૈસા ઉધાર આપતા પહેલા સંપૂર્ણ તપાસ કરાવી લેવી. પરિવારમાં આજે કોઈ વાતે ચિંતા હશે. પત્ની તરફથી તમને સંપૂર્ણ સહયોગ મળશે. તમારા જીવનસાથી માટે આજે ધાર્મિક મહત્વ વધારે હશે. જે મિત્રો પ્રોફેશનલ કંપનીમાં જોબ કરી રહ્યા છે તેમની માટે પ્રમોશન કે પગાર વધારાના યોગ છે. વેપારી મિત્રોને આજે સારી ઇન્કમ થશે પણ આવક વધવાની સાથે આજે ખર્ચમાં પણ વધારો થશે. ના વિચારેલ કામમાં આજે તમારા પૈસા ખર્ચાશે. આજે તામારું સ્વાસ્થ્ય સારું રહેશે. ઘણા સમયથી માથાના દુખાવાથી પરેશાન છો તો તમને આજે રાહત મળશે.
શુભ અંક : ૬
શુભ રંગ : સફેદ
5. સિંહ – મ,ટ (Lio):
આજે તમારી સામે પૈસા કમાવવા માટેની અનેક તકો ઉભી થશે અને તેમાં તમને તમારો ફાયદો પણ દેખાશે પણ કોઈપણ પ્લાન કે સ્કીમમાં પૈસાનું રોકાણ કરો તે પહેલા તેનાથી ભવિષ્યમાં થવા વાળો ફાયદો અને નુકશાન ધ્યાનમાં રાખજો. પરિવારજનો આજે તમને પૂછ્યા વગર કોઈ નિર્ણય લઇ શકે છે પણ તેમાં નુકશાન જવાના યોગ છે તો તેમના દરેક નિર્ણયમાં ધ્યાન આપો. વડીલોની તબિયત આજે બગડી શકે છે. કોઈ જુના મિત્ર સાથે કોઈ અણબનાવ બન્યો હોય તો તેને મનાવી લો. આજનો દિવસ મિશ્ર લાગણી વાળો રહેશે.
શુભ અંક : ૩
શુભ રંગ : ગુલાબી
6. કન્યા – પ,ઠ,ણ (Virgo):
આજે તમારી આર્થિક સ્થિતિ મજબુત થશે. તમારા વિચારેલ દરેક કામ તમે પુરા કરી શકશો. આત્મવિશ્વાસમાં વધારો થશે, આજે તમારી મુલાકાત તમારા આઈડલ સાથે થશે. તમારા મિત્રો સાથે જે પણ સમસ્યા હોય તેની વાત કરો તેઓ તમને મદદ કરશે. જે મિત્રો લગ્ન કરવા માંગે છે તેમની માટે આજનો દિવસ સારો છે. પ્રેમીઓ માટે પણ આજનો દિવસ યોગ્ય છે એકબીજા સાથે જીવનભર રહેવાનું વચન આપી શકશો. વિદ્યાર્થી મિત્રો માટે આજનો દિવસ સામાન્ય રહેશે. આજે તમારા ધારેલા કામમાં તમને સફળતા મળતા તમે ખુશ હશો અને તમારા મિત્રો અને પરિવારજનોનો પણ તમને સાથ મળશે સમાજમાં તમારી નામના થશે.
શુભ અંક : ૨
શુભ રંગ : લીલો
7. તુલા – ર,ત (Libra):
આજના દિવસે તમારે તમારા મિત્રશત્રુ થી સંભાળવાનું છે. આજે કોઈપણ લોભામણી સ્કીમમાં પડશો નહિ તે તમને ભવિષ્યમાં નુકશાન પહોચાડી શકે છે. આજે તમારા કાર્યસ્થળ પર તમારા પ્રોજેક્ટ કે કામને લઈને ઘણા સલાહ અને સૂચનો મળશે હવે તેને માનવી કે ના માનવી એ તમારા પર આધાર રાખે છે. આજે જુના મિત્રોને લઈને તમારી સાંજ બની જશે. આજે પરિવારમાં કોઈની તબિયત બગડી શકે છે. ઘરમાં નાની નાની વાતે ઝઘડાનું મોટું સ્વરૂપ ના બની જાય એની તકેદારી રાખજો. આજે કોઈ નવા જ લોકો સાથે તમારી મુલાકાત થશે જેના લીધે તમને થોડી મુશ્કેલી થશે.
શુભ અંક : ૮
શુભ રંગ : લીલો
8. વૃશ્ચિક – ન,ય(Scorpio):
તમારા અટકેલા પૈસા આજે તમને પરત મળશે. નવી જગ્યાએ બિઝનેસ કરવા અને નવી સ્કીમમાં પૈસા રોકવા માટેનો સારો દિવસ છે. પરિવારમાં કોઈની તબિયત બગડી શકે છે. ઇન્કમ વધવાની સાથે ખર્ચ પણ વધશે નાહકની અને બિનજરૂરી વસ્તુઓ પાછળ સમય અને પૈસા વેડફશો નહિ. પરણિત મિત્રો માટે આજનો દિવસ સંન્ય રહેશે. તમારા જીવનસાથીને તેમના કામમાં સફળતા મળશે. તેમની ખુશીમાં તમારો આખો પરિવાર ખુશ હશે. વિદ્યાર્થી મિત્રો માટે આજે બહુ ખાસ દિવસ છે તેમણે દરેક નાનામાં નાની વાત પર ધ્યાન આપવાનું છે. જે મિત્રો ભણવા માટે વિદેશ જવા ઈચ્છે છે તેમની માટે સારા સમાચાર આવશે.
શુભ અંક : ૯
શુભ રંગ : પીળો
9.ધન – ભ, ધ, ફ, ઢ (Sagittarius):
આજે બહારનું ખાવા પીવામાં ધ્યાન આપજો બને ત્યાં સુધી પ્રયત્ન કરજો કે ઘરનું અને સાદું ભોજન કરી શકો. માથાનો દુખાવો આજે બપોરથી જ રહેશે. આજે ઓફિસમાં પણ તમારું મન બેચેન રહેશે. સાંજના સમયે ફ્રેશ થવા માટે તમારો સમય પરિવાર સાથે વિતાવો, તમારા જીવનસાથી માટે આજે નાનકડી સરપ્રાઈઝ પ્લાન કરો તમે પણ ખુશ રહેશો અને પરિવારમાં દરેક તમારી હાજરીથી ખુશ રહેશે. આજે પૈસા કમાવા માટેનો સારો દિવસ છે પણ તેની સાથે આજે વધારાનો ખર્ચ પણ થઇ શકે એમ છે. તમારા મોજીલા અને રમૂજી સ્વભાવ પર થોડો કંટ્રોલ રાખો.
શુભ અંક : ૪
શુભ રંગ : લીલો
10. મકર – જ, ખ (Capricorn):
વેપારી મિત્રોના અટકેલા પૈસા આજે પરત મળશે. આજે તમારી સારી ઇન્કમ થશે. શેર માર્કેટમાં પૈસા રોકવા માટેનો સારો સમય છે. તમારા સંતાન તરફથી તમને થોડી ચિંતા રહેશે. તમારા સંતાન તમારી સાથે ખુલ્લા માંથી વાત નહિ કરી શકે . આજે કફ અને ઉધરસ થઇ શકે છે. આજે તમે તામ્ર જીવનસાથીની ઈચ્છા પૂર્ણ કરી શકશો. આજે નોકરી કરતા મિત્રોના કામની સરાહના થશે. વિદ્યાર્થી મિત્રોને આજે તેમના શિક્ષકનો ગુસ્સો સહન કરવો પડશે. આજે કોઈ બહારના અને અજાણ્યા લોકોના ઝઘડામાં પડશો નહિ. તેનાથી તમારી મુશ્કેલીઓ વધી શકે છે.
શુભ અંક : ૯
શુભ રંગ : પીળો
11. કુંભ – ગ,શ,સ(Aquarius):
આજનો દિવસ નવા કાર્ય કરવા માટે ખૂબજ યોગ્ય સમય છે તમને આજે તમારા ઉપરી અધિકારી તરફથી પુરતો સપોર્ટ મળશે જેના લીધે આજે ઘણા સમયથી અટકી પડેલા કામને તમે આગળ વધારી શકશો. આજે તમારે કોઈપણ વ્યક્તિ સાથે વાત કરો ત્યારે તમારી વાણી પર સંયમ રાખજો નહિ તો તમારું બનેલું કામ બગડી શકે છે. કોઈપણ નવા કાર્યની શરૂઆત કરતા પહેલા ઈશ્વરને યાદ કરવાનું ચુકતા નહિ. આજે બપોરનો સમય તમારી માટે લાભદાયી છે. આજે પરિવાર તરફથી પણ તમારા વખાણ થશે જેનાથી તમને ખૂબ આનંદ મળશે.
શુભ અંક : ૯
શુભ રંગ : લીલો
12. મીન – દ,ચ,જ,થ(Pisces):
આજે તમારે તમારા વર્તન અને બોલી પર વિશેષ ધ્યાન રાખવાનું છે તમારા દ્વારા બોલાયેલા શબ્દોના કારણે તમારા વડીલો અને પરિવારજનો તરફથી તમારે નારાજગી સહન કરવી પડશે. આજે ઓફીસના કામમાં પણ તમારું મન લાગશે નહિ. તમારા અટકી પડેલા પ્રોજેક્ટ પર ફરીથી તૈયારી કરો અને જે પણ યોગ્ય લાગે એ નિર્ણય કરો. તમારે આજે સાંજે ઘરે બધાને ખુશ કરવા માટે થોડો ખર્ચ કરો અને તેમને તમારી પરિસ્થિતિ સમજાવો તમને તમારો પરિવાર સાથ જરૂર આપશે. કામ કરવામાં પણ થોડી સાવધાની રાખો કોઈ તમારું કામ બગાડે નહિ એ ધ્યાન રાખજો.
શુભ અંક : ૭
શુભ રંગ : જાંબલી

આજે જે મિત્રોનો જન્મ દિવસ છે તેમની માટે ખાસ.
જે મિત્રોનો આજે જન્મદિવસ છે તેમને પહેલા તો ઘણીબધી શુભેચ્છાઓ, ઈશ્વર તમારી દરેક ઈચ્છા પૂર્ણ કરવાની તમને શક્તિ આપે એવા આશીર્વાદ. હવે વાંચો આજથી તમારે આ વર્ષે શું કરવાનું છે અને શું નથી કરવાનું કઈ વાતોનું ધ્યાન રાખશો કે જેથી આ આખું વર્ષ તમારું સુખદ બની શકે.

સ્વાસ્થ્ય – વર્ષની શરૂઆતમાં વાતાવરણમાં ફેરફારના કારણે સ્વાસ્થ્ય ઉપર નીચે રહેશે. નિયમિત ડોકટરની મુલાકાત લેવાનું અને દવા લેવાનું ભૂલતા નહિ. વર્ષના વચ્ચેના સમયમાં તમારું સ્વાસ્થ્ય સારું રહેશે. વર્ષના અંતે કોઈ અકસ્માત થવાના યોગ છે.

નોકરી-ધંધો – નોકરી કરતા મિત્રોને આ વર્ષના એપ્રિલ મહિનાની આસપાસ પ્રમોશન મળશે. વેપારી મિત્રો આ વર્ષ દરમિયાન પોતાનો વેપાર વિદેશમાં શરુ કરવાના ચાન્સ મળશે. યોગ્ય માર્ગદર્શન હેઠળ કામ શરુ કરો. કોઈપણ નવો પ્રોજેક્ટ લેતા પહેલા તેના વિષે પુરતું વિચારી લેજો.

કૌટુંબિક-પારિવારિક – આ વર્ષ દરમિયાન જો કોઈ જુનો કેસ ચાલી રહ્યો છે તો તે તમારી તરફેણમાં રહેશે. માતા પિતાનું સ્વાસ્થ્ય સારું રહેશે પણ વર્ષના અંતિમ સમયમાં તેમની વિશેષ કાળજી રાખજો.

Author: GujjuRocks Team તમે આ લેખ GujjuRocks ના માધ્યમથી વાંચી રહ્યા છો,આવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકપ્રિય ફેસબુક પેજ GujjuRocks લાઈક કરી જોડાઓ તથા હવે અમારા દરેક જોક્સ-સુવિચાર સીધા તમારા મોબાઈલમાં મેળવવા માટે અમારી મોબાઈલ એપ અહીં ક્લિક કરીને ડાઉનલોડ કરી લેજો GujjuRocks Mobile App.

લેખ ગમ્યો હોય તો લાઈક કરી મિત્રો સાથે શેયર કરજો.

LEAVE A REPLY

Please enter your comment!
Please enter your name here