RCB હજુ પણ પહોંચી શકે છે પ્લે ઓફમાં, IPLના આ સમીકરણથી થવાનો છે મોટો ફાયદો, જાણો કેવી રીતે ?
RCB will reach the playoffs : દેશભરમાં IPLનો રોમાંચ ચરમસીમાએ જામ્યો છે, દરેક ટીમ પ્લે ઓફમાં પહોંચવા માટે ખુબ જ મહેનત પણ કરી રહી છે, ત્યારે ઘણી ટીમો એવી પણ છે જે લગભગ પ્લે ઓફની રેસમાંથી બહાર થવા આવી છે, એમાં સૌથી પહેલું નામ RCBનું આવી શકે છે. RCBની ટીમ સૌથી મોટું ફેન ફોલોઇંગ ધરાવનારી ટીમ છે અને અત્યર સુધી RCB એકપણ ટ્રોફી જીત્યું નથી, ત્યારે આ વર્ષે પણ ચાહકોના સપનાઓ પર પાણી ફરતું દેખાઈ રહ્યું છે, પરંતુ હજુ પણ ગણિત એવું કહે છે કે RCB પ્લે ઓફમાં પહોંચી શકે છે.
જો આપણે IPL 2024ના પોઈન્ટ ટેબલ પર નજર કરીએ તો એક વાત નિશ્ચિત જણાય છે કે રાજસ્થાન રોયલ્સ ચોક્કસપણે પ્લેઓફમાં પહોંચશે, જ્યારે રોયલ ચેલેન્જર્સ બેંગ્લોર (RCB) માટે પ્લેઓફનો રસ્તો કાંટાથી ભરેલો છે. આરસીબીએ અત્યાર સુધી આઠ મેચ રમી છે અને માત્ર એક મેચ જીતી છે. સાત મેચ હાર્યા બાદ RCB પ્લેઓફની રેસમાં પાછળ છે. શું RCB હજુ પણ પ્લેઓફમાં પહોંચી શકશે? ચાલો સમજીએ કે IPL 2024 પ્લેઓફના સમીકરણો શું કહે છે..
IPL 2024 પોઈન્ટ ટેબલમાં રાજસ્થાન રોયલ્સ, કોલકાતા નાઈટ રાઈડર્સ અને સનરાઈઝર્સ હૈદરાબાદ અનુક્રમે પ્રથમ, બીજા અને ત્રીજા સ્થાને છે. લખનૌ સુપર જાયન્ટ્સ ચોથા નંબર પર છે. જો રાજસ્થાન રોયલ્સ તેમની બાકીની છ મેચમાંથી ચાર જીતે છે, અને KKR અને સનરાઈઝર્સ હૈદરાબાદ તેમની બાકીની સાત મેચમાંથી પાંચ જીતે છે, તો આ ત્રણેય ટીમોના પોઈન્ટ અનુક્રમે 22, 20 થઈ જશે.
તે જ સમયે, રોયલ ચેલેન્જર્સ બેંગ્લોરે તેની બાકીની તમામ મેચ જીતવી પડશે, જેના કારણે તેના ખાતામાં કુલ 14 પોઈન્ટ થઈ જશે. જો અન્ય ટીમો તેમની બાકીની મેચોમાં વધુ જીત મેળવી શકતી નથી, તો બાકીની ટીમો પાસે 12 કે તેથી ઓછા પોઈન્ટ હશે અને આ સ્થિતિમાં રોયલ ચેલેન્જર્સ બેંગ્લોરના ખાતામાં 14 પોઈન્ટ થઈ જશે અને ટીમ ચોથા સ્થાને રહીને પ્લેઓફમાં પહોંચી શકે છે.
