‘નાગિન’ બનીને લોકોના દિલોમાં ઘર કરી ચૂકેલી ટીવી એક્ટ્રેસ તેજસ્વી પ્રકાશનો લેટેસ્ટ લુક ચાહકોને દીવાના બનાવી રહ્યો છે. આ તસવીરોમાં અભિનેત્રી કેમેરા સામે ઓરેન્જ કલરના શોર્ટ ડ્રેસમાં લુકનો જાદુ ચલાવતી જોવા મળી રહી છે. એક્ટ્રેસનો આ લુક સોશિયલ મીડિયા પર ખૂબ વાયરલ થઈ રહ્યો છે.
ચાહકો આ તસવીરો જોઇ એક્ટ્રેસના વખાણ કરી રહ્યા છે. તેજસ્વીનો ઓરેન્જ ડ્રેસ લંબાઈમાં ખૂબ ટૂંકો હતો. તેજસ્વીએ આ લુકમાં કાઉચ પર બેસી કેમેરા સામે કિલર પોઝ આપ્યા હતા. અભિનેત્રીના આ ડ્રેસને પહેલીવાર જોતા એવું લાગે છે કે તેણે ટોપ સાથે શોર્ટ સ્કર્ટ પહેર્યો છે.
પરંતુ અભિનેત્રીનો આ ડ્રેસ વન-પીસ સ્ટાઈલનો છે જે ઉપરથી થોડો ઢીલો, પેટના ભાગે એકદમ ટાઇટ અને નીચે સ્કિન ફિટિંગ છે. તેજસ્વીએ આ ડ્રેસ સાથે ગોલ્ડન હાઈ હીલ્સ પહેરી હતી અને વાળ ખુલ્લા રાખ્યા હતા. આ તસવીરો તેજસ્વી પ્રકાશે તેના ઓફિશિયલ ઈન્સ્ટાગ્રામ પર શેર કરી હતી.
તસવીરો શેર કરતાની સાથે જ ખૂબ જ વાયરલ થવા લાગી. જણાવી દઇએ કે, હાલમાં જ તેજસ્વીએ તેના બોયફ્રેન્ડ કરણ કુન્દ્રાનો જન્મદિવસ ગોવામાં સેલિબ્રેટ કર્યો હતો. આ દરમિયાન બંનેની રોમેન્ટિક તસવીરો સોશિયલ મીડિયા પર છવાઇ ગઈ હતી.
