સુરવીન ચાવલા સાથે લગ્ન બાદ પણ થયુ કાસ્ટિંગ કાઉચ ! શોકિંગ ખુલાસો કરી બોલી- ડાયરેક્ટરે કિસ…
સુરવીન ચાવલા આ દિવસોમાં ક્રિમિનલ જસ્ટિસ 4 સીરીઝને કારણે હેડલાઇન્સમાં છે. શોમાં તેના અભિનયની ખૂબ પ્રશંસા થઈ રહી છે. આ બધા વચ્ચે એક ઇન્ટરવ્યુમાં, સુરવીને ઇન્ડસ્ટ્રીના કાળા સત્યનો પર્દાફાશ કર્યો. અભિનેત્રીએ પોતાના કાસ્ટિંગ કાઉચના અનુભવનો ખુલાસો કર્યો છે. ધ મેલ ફેમિનિસ્ટ સાથેના એક ઇન્ટરવ્યુ દરમિયાન સુરવીન ચાવલાએ ખુલાસો કર્યો કે તેણે પણ મુંબઈમાં કાસ્ટિંગ કાઉચનો સામનો કર્યો હતો.
સુરવીને કહ્યું કે એક ડિરેક્ટર જેને ખબર હતી કે તે ન્યુલી વેડ છે, તેણે વીરા દેસાઈ રોડ પરની તેની ઓફિસમાં મીટિંગ પછી તેને કિસ કરવાનો પ્રયાસ કર્યો હતો. સુરવીને કહ્યું, “અમે તેના કેબિનમાં મારા લગ્ન વિશે વાત કરી. તેણે મારા પતિનો હાલચાલ પૂછ્યો. પણ જ્યારે હું જઈ રહી હતી, ત્યારે તે દરવાજા પર મને કિસ કરવા માટે નીચે ઝૂકી ગયો. મારે તેને ધક્કો મારીને દૂર કરવો પડ્યો અને હું આઘાતમાં ત્યાંથી નીકળી ગઈ.
સુરવીને સાઉથ ફિલ્મ ઉદ્યોગમાં પણ આવા જ ભયાનક કાસ્ટિંગ કાઉચના અનુભવોનો ખુલાસો કર્યો. સુરવીને કહ્યું કે એક સાઉથ નિર્દેશક જે અંગ્રેજી કે હિન્દી બોલતા નહોતા, તેમણે શૂટિંગ દરમિયાન તેની સાથે સૂવાની અપમાનજનક માંગણી કરવા માટે તેના મિત્રનો ઉપયોગ કર્યો. મિત્રએ અનુવાદક તરીકે કામ કર્યું અને દિગ્દર્શકની ગંદી માંગ વિશે કહ્યું. આખી વાત સાંભળીને સુરવીન ચોંકી ગઈ હતી.
આરજે સિદ્ધાર્થ કન્નન સાથેના બીજા એક ઇન્ટરવ્યુમાં સુરવીને ઓડિશન દરમિયાન બોડી શેમિંગ વિશે પણ વાત કરી હતી. તેણે સમજાવ્યું કે કેવી રીતે સ્ત્રીઓને ઘણીવાર ચકાસણીનો ભોગ બનવું પડે છે જેના કારણે તેઓ તેમના સ્વ-મૂલ્ય પર પ્રશ્ન ઉઠાવે છે. સુરવીને કહ્યું હતું કે, “એવું લાગે છે કે તેઓ તમને અસુરક્ષિત અનુભવ કરાવવાનું પોતાનું કામ માને છે. તમારું વજન, તમારી કમરનું કદ, તમારી છાતીનું કદ… દરેક બાબત પર પ્રશ્નાર્થ છે.”
તેણે કહ્યું, કાસ્ટિંગ માપદંડ ઘણીવાર પ્રતિભા કરતાં તમારા દેખાવ પર વધુ કેન્દ્રિત હોય છે. જણાવી દઈએ કે સુરવીને પોતાના કરિયરની શરૂઆત 2003માં ટીવી શો “કહીં તો હોગા” થી કરી હતી. તે કસૌટી જિંદગી કી, કાજલ અને 24 જેવા ટીવી શોમાં પણ જોવા મળી છે. આ પછી 2008 માં સુરવીને કન્નડ ફિલ્મ પરમેશા પાનવાલા સાથે સાઉથ ફિલ્મોમાં પ્રવેશ કર્યો.
બાદમાં અભિનેત્રી હમ તુમ શબાના, અગ્લી, હેટ સ્ટોરી 2, પાર્ચ્ડ જેવી બોલિવૂડ ફિલ્મોમાં જોવા મળી. તેણે શોર્ટ ફિલ્મ છુરી પણ કરી છે. ત્યારબાદ સુરવીને સેક્રેડ ગેમ્સ સાથે ઓટીટી પર ડેબ્યૂ કર્યું. તાજેતરમાં અભિનેત્રી પંકજ ત્રિપાઠી અભિનીત ફિલ્મ ક્રિમિનલ જસ્ટિસ 4 રિલીઝ થઈ છે. હવે સુરવીન ટૂંક સમયમાં રાણા દગ્ગુબાતીની રાણા નાયડુ સીઝન 2 માં જોવા મળશે. આ સીરીઝ 13 જૂનથી નેટફ્લિક્સ પર સ્ટ્રીમ થશે.
