“રેલવેનું મેઇન્ટેન્સ આપું છું.. ગંદકી તો કરીશ જ !” ટ્રેનની અંદર ગુટખા ખાઈને કચરો નાખતા વ્યક્તિનો અનોખો તર્ક, જુઓ વીડિયો
Strange logic of a railway scavenger : સામાન્ય રીતે લોકોને જાહેર સ્થળો પર આપણે ગંદકી કરતા જોઈએ છીએ, બસ સ્ટેન્ડ હોય કે રેલવે સ્ટેશન ડસ્ટબીન હોવા છતાં પણ લોકો કચરો જાહેરમાં નાખતા હોય છે અને પછી ગંદકી ફેલાવતા હોય છે. સોશિયલ મીડિયામાં આવા ઘણા વીડિયો પણ આપણે વાયરલ થતા જોયા છે. ત્યારે હાલ એક એવો જ વીડિયો વાયરલ થઇ રહ્યો છે, જેમાં એક વ્યક્તિ ગુટખા ખાઈને ટ્રેનમાં કચરો નાખે છે અને વીડિયો બનાવનાર જ્યારે આમ ના કરવાનું કહે છે ત્યારે જબરદસ્ત તર્ક એ વ્યક્તિ આપે છે.
આ વીડિયો 17 એપ્રિલનો હોવાનું કહેવાય છે. એક્સ યુઝર ધર્મેશ બારાઈ દ્વારા શેર કરવામાં આવેલા વીડિયોમાં એક વ્યક્તિ બેદરકારીપૂર્વક ટ્રેનમાંથી ગુટખાના પેકેટ ફેંકતો જોઈ શકાય છે. આશ્ચર્ય ત્યારે થયું જ્યારે વ્યક્તિએ તેના ગંદા કૃત્યને યોગ્ય ઠેરવવાનું શરૂ કર્યું. વિડિયો ફૂટેજમાં, વ્યક્તિ પોતાની ક્રિયાઓને યોગ્ય ઠેરવતા કહે છે કે તે રેલવેને સફાઈ અને જાળવણી માટે ચૂકવણી કરે છે. વીડિયો રેકોર્ડ કરનાર વ્યક્તિ પણ આગળની સીટ પર બેઠો છે.
જેવી તેની સામેનો વ્યક્તિ ગુટખા ખાય છે અને પેકેટને ટ્રેનની બહાર ફેંકી દે છે ત્યારે વીડિયો રેકોર્ડ કરનાર વ્યક્તિ તેને અટકાવે છે અને કહે છે કે તેણે આવું ન કરવું જોઈતું હતું. આના પર ગંદકી ફેલાવવાનો આરોપ લગાવનાર વ્યક્તિનું કહેવું છે કે તે આ માટે રેલવેને મેન્ટેનન્સ (પૈસા) ચૂકવે છે. વીડિયો રેકોર્ડ કરનાર વ્યક્તિ કહે છે કે તમારી વિચારસરણી માટે તમને એવોર્ડ આપવામાં આવે. તે એમ પણ કહે છે કે તેણે ગુટખાના પેકેટને બહાર ડસ્ટબીનમાં ફેંકી દેવા જોઈએ.
આ વીડિયો પર રેલવે અધિકારીઓએ પણ પ્રતિક્રિયા આપી છે. આ વિડિયો ઓનલાઈન પોસ્ટ કરવામાં આવ્યો હોવાથી, મુસાફરોને ટેકો આપતા રેલવેના અધિકૃત ખાતાએ વિડિયો પર પ્રતિક્રિયા આપી અને તેની “ચિંતા” વ્યક્ત કરી. રેલ્વેએ લખ્યું, “અમે આ જોઈને ચિંતિત છીએ અને શક્ય તેટલી વહેલી તકે મદદ કરવા ઈચ્છીએ છીએ. કૃપા કરીને અમને તમારો ટ્રેન નંબર, મોબાઈલ નંબર મેસેજ કરો. તમે તમારી સમસ્યા સીધી http://railmadad.Indianrailways.gov.in અથવા ઝડપી ઉકેલ માટે તમે 139 ડાયલ કરી શકો છો.”
Sick mentality
This Gentleman gives maintenance to the @RailMinIndia to clean it and he will keep on doing filth and will not improve.
How to deal with such idiots. They don’t deserve to travel.@Central_Railway @RailwaySeva @mumbairailusers @IndianRailUsers @swachhbharat pic.twitter.com/5YSvdJaWPQ
— d b (@dharmeshbarai) April 17, 2024
