Gautami Kapoor: પહેલા તેણે ટીવીની દુનિયામાં પગ જમાવ્યો, પછી ફિલ્મોમાં પણ નામ કમાવ્યું. અહીં ગૌતમી કપૂરનો ઉલ્લેખ કરવામાં આવી રહ્યો છે, જેને આજે કોઈ ઓળખની જરૂર નથી. ગૌતમીએ હાલમાં જ 21 જૂને પોતાનો 49મો જન્મદિવસ મનાવ્યો. ગૌતમી ટીવી ઉદ્યોગના દિગ્ગજ રામ કપૂરની પત્ની છે. તે એક એવી અભિનેત્રી છે જેણે રીલ લાઈફને વાસ્તવિક બનાવી છે. જણાવી દઈએ કે બંને ટીવી સીરિયલ ‘ઘર એક મંદિર’માં સાથે કામ કરતા હતા. શોમાં રામ કપૂરે ગૌતમીના દિયરનો રોલ ભજવ્યો હતો.
મોડલિંગ સિવાય ટીવી અને ફિલ્મ ઈન્ડસ્ટ્રીમાં પોતાના અભિનયથી નામ કમાવનાર ગૌતમીનો જાદુ તેના ચાહકોના માથે બોલે છે. જો કે, તેણે સીરિયલ કહેતા હૈ દિલમાં જયાના પાત્રથી પ્રસિદ્ધિ મેળવી હતી. આ શોહરતમાં ચાર ચાંદ ટીવી ડ્રામા ઘર એક મંદિરે લગાવ્યા. ત્યાં પરવરિશ સીઝન 2માં પણ તેણે ઘણી ખ્યાતિ મેળવી. જણાવી દઈએ કે ગૌતમીએ ઘણી મરાઠી ફિલ્મોમાં પણ કામ કર્યું છે. ગૌતમીનું પૂરું નામ ગૌતમી ગાડગીલ હતું.
કોમર્શિયલ ફોટોગ્રાફર મધુ શ્રોફે સૌપ્રથમ તેના યુવાન દિલ પર દસ્તક આપી હતી. બંનેની નિકટતા એટલી ઝડપથી વધી કે બંનેએ લગ્ન કરી લીધા. જો કે, થોડા સમય પછી તેને પોતાના નિર્ણય પર પસ્તાવો થયો અને ગૌતમી-મધુના સંબંધોમાં તિરાડ એટલી બધી વધી ગઇ કે બને અલગ થઇ ગયા. ગૌતમી અને રામ કપૂરની પહેલી મુલાકાત ‘ઘર એક મંદિર’ના સેટ પર થઈ હતી. આ શોમાં ગૌતમીએ રામ કપૂરની ભાભીની ભૂમિકા ભજવી હતી,
જે બાદમાં રામ કપૂરની પત્ની બની. પડદા પર ભલે બંનેની કેમેસ્ટ્રી ખૂબ જ સારી હતી, પરંતુ બંનેનો સ્વભાવ એકબીજાથી વિરુદ્ધ હતો. જો કે, ધીમે-ધીમે બંને એકબીજાની નજીક આવવા લાગ્યા અને વર્ષ 2003માં તેમણે લગ્ન કરી લીધા. બંને બે બાળકોના પેરેન્ટ્સ છે, જેમાં પુત્ર અને પુત્રીનો સમાવેશ થાય છે. વર્ષ 2011માં ટીવી સીરિયલ બડે અચ્છે લગતે હૈનું ટેલિકાસ્ટ થયું હતું. આ સિરિયલ ટેલિકાસ્ટ થતાં જ TRP આસમાને પહોંચી ગઈ હતી.
સિરિયલ એક્ટર રામ કપૂરનું કરિયર પણ આ સિરિયલથી ચરમસીમાએ પહોંચ્યું હતું. પોતાના વિશાળ શરીર અને ક્યૂટ સ્મિત માટે જાણીતા રામ કપૂરે વર્ષ 2019માં પોતાની એક તસવીર સાથે બધાને ચોંકાવી દીધા હતા. રામ કપૂરે સખત મહેનત અને પરસેવો પાડીને પોતાનું વજન ઘટાડ્યું હતું અને તે એકદમ ફિટ થઈ ગયા હતા. રામ કપૂરે વર્ષ 2003માં પોતાના પ્રેમી અને અભિનેત્રી ગૌતમી ગોડગિલ સાથે લગ્ન કર્યા હતા.
રામ કપૂર અને ગૌતમીએ વર્ષ 2003માં વેલેન્ટાઈન ડે પર લગ્ન કર્યા હતા. રામ કપૂરે થોડા વર્ષો પહેલા એક લીડિંગ ન્યૂઝ પોર્ટલને આપેલા ઈન્ટરવ્યુમાં કહ્યું હતું કે, ‘મને લાગે છે કે મેં ગૌતમી સાથે લગ્ન કરીને મારા જીવનનો શ્રેષ્ઠ નિર્ણય લીધો છે. ગૌતમી પોતે અભિનેત્રી છે, કામ કરવાની શૈલીને સમજે છે. હું નસીબદાર છું કે મને ગૌતમી જેવી પત્ની મળી છે. જ્યારે હું ઘરથી દૂર હોઉં છું ત્યારે હું તેને યાદ કરું છું.
રામ કપૂરે ફિલ્મી સ્ટાઈલમાં ગૌતમીને પ્રપોઝ કર્યું હતુ અને ગૌતમીએ પણ વિચાર્યા વિના જ હા પાડી દીધી હતી. આ પછી બંનેએ 2003માં લગ્ન કરી લીધા. બંનેના લગ્નને 20 વર્ષ થઇ ગયા છે પણ આજે પણ તેમના વચ્ચેનો પ્રેમ અતૂટ છે. 12 જૂન 2006ના રોજ રામ અને ગૌતમીના ઘરે લક્ષ્મી આવી. બંનેએ પોતાની દીકરીનું નામ સિયા રાખ્યું છે. આ પછી 12 જાન્યુઆરી 2009ના રોજ પુત્રનો જન્મ થયો.
