“લોકો 300-400ના પીઝા ખાઈ જાય છે પણ આવા લોકોને મદદ નથી કરતા, દેશમાં ટેલેન્ટની કોઈ કદર જ નથી” વાંસળી વેંચતા કાકાને રડતા જોઈને બ્લોગરને આવ્યો ગુસ્સો, મદદ કરવા માટે સેંકડો લોકો આવ્યા કોમેન્ટમાં, જુઓ
Flute Seller Crying Video : આપણા દેશમાં કેટલાય લોકો પાસે એવો એવો ટેલેન્ટ પડેલો છે જેને જોઈને સામાન્ય માણસ પણ તેમના ફેન બની જાય, પરંતુ કમનસીબે તેમનો આ ટેલેન્ટ બહાર નથી આવતો અને પોતાના ટેલેન્ટને આગળ લાવવા માટે તેમને જીવનભર સંઘર્ષ કરવો પડતો હોય છે. તમે રોડ પર ઘણા લોકોને પોતાનું પેટ ભરવા માટે આ રીતે ટેલેન્ટ બતાવતા પણ જોયા હશે.
ત્યારે હાલ એક એવો જ વીડિયો સોશિયલ મીડિયામાં વાયરલ થઇ રહ્યો છે. લાઈવ ફોર ફૂડ નામના એકાઉન્ટ દ્વારા ઈન્સ્ટાગ્રામ પર શેર કરવામાં આવેલી આ ક્લિપ તમને ઈમોશનલ તો કરશે જ પરંતુ તેની સાથે તમે પોતાને પણ જોડી શકશો. પોસ્ટના કેપ્શનમાં લખ્યું છે “રાત્રે 11 વાગ્યે તેઓ માત્ર 60 રૂપિયા કમાવવા માટે વાંસળી વેચે છે.”
વાયરલ ક્લિપમાં, બ્લોગરને કહેતા સાંભળી શકાય છે “આસપાસ જુઓ. રાતના લગભગ 11 વાગ્યા છે અને કાકા વાંસળી વેચી રહ્યા છે. માણસની વાત સાંભળીને કાકાના આંસુ છલકાઈ ગયા. આના પર બ્લોગર પૂછે છે – શું થયું? જવાબમાં કાકા કહે – છોડો સાહેબ, કોઈ વાંધો નથી. પછી તે વાંસળી વગાડવાનું શરૂ કરે છે અને તે વ્યક્તિ સાથે થોડીવાર વાત કરે છે અને કહે છે કે તેણે સવારથી કંઈ ખાધું નથી.
View this post on Instagram
આ જ કારણ છે કે 50-60 રૂપિયા કમાવવાની આશામાં તે રાત્રે વાંસળી વેચવા નીકળી પડ્યો છે, જેથી તે ખાવાનું ખાઈ શકે. આ સાંભળીને, બ્લોગર ગુસ્સે થઈ જાય છે અને કહે છે કે આજની પેઢીને શું થઈ ગયું છે. લોકો 300-400ના પિઝા ખાય છે પણ આવા મહેનતુ લોકોને મદદ કરતા નથી. વીડિયો જોઈને સોશિયલ મીડિયા યુઝર્સ પણ ભાવુક થઈ ગયા અને અંકલને મદદ કરવાની વાત કરવા લાગ્યા.
