હવામાન વિભાગે રાજ્યમાં વરસાદને લઈ નાઉકાસ્ટ જાહેર કર્યું છે. આગામી 3 કલાક માટે અમદાવાદ સહિત સમગ્ર રાજ્યમાં વરસાદની આગાહી કરાઇ છે. દક્ષિણ ગુજરાત, મધ્યગુજરાત તેમજ સૌરાષ્ટ્રમાં પણ વરસાદની આગાહી કરાઈ છે. આ ઉપરાંત માછીમારોને દરિયો ના ખેડવા સૂચના અપાઈ છે. અમદાવાદમાં અંબાલાલ પટેલ દ્વારા ભારે વરસાદની આગાહી કરાઇ છે.
અમદાવાદમાં વહેલી સવારથી વરસાદ વરસી રહ્યો છે, કાળા ડિંબાગ વાદળો પણ છવાયેલા છે. ગોતા, એસજી હાઈવે, પાલડી, એલિસબ્રિજ તેમજ પૂર્વ વિસ્તારમાં બાપુનગર, કૃષ્ણનગર, નરોડામાં અને વાસણા-વસ્ત્રાપુર સહિત સમગ્ર શહેરમાં વરસાદ વરસી રહ્યો છે. અમદાવાદ હવામાન વિભાગે વરસાદને લઈ બે દિવસ આગાહી કરી છે.
આજે અમદાવાદમાં ધોધમાર વરસાદની તેમજ રાજ્યમાં મહીસાગર, પંચમહાલ, ખેરા, અરવલ્લી, સાબરકાંઠા, મહેસાણા, અમદાવાદ, મોરબી, સુરેન્દ્રનગર, જામનગર, રાજકોટ, બોટાદ, ભાવનગર, આણંદ, ગાંધીનગર, વડોદરા, નર્મદા, સુરત, ભરૂચ, તાપી, ડાંગ, નવસારી, વલસાડ, અને દમણ, દાદર અને નગર હવેલીમાં મધ્યમ વરસાદની આગાહી કરવામાં આવી છે.
આ ઉપરાંત દાહોદ, છોટાઉદેપુર, અમરેલી, ગીર સોમનાથ, જુનાગઢ, પોરબંદર, દેવભૂમિ દ્વારકા, કચ્છ, પાટણ, બનાસકાંઠા, અને દીવમાં હળવા વરસાદની આગાહી કરવામાં આવી છે. લુણાવાડામાં સવારથી 4 ઈંચ વરસાદ વરસતા શહેર આખુ પાણી પાણી થઈ ગયું છે. દુકાનો અને ઘરોમાં પણ પાણી ઘુસી ગયા છે.
