ઓવરબ્રિજ પરથી ચાલીને પોતાની સાઇકલ લઈને નીચે આવી રહ્યો હતો આ યુવક, ઘટના જોનારાના જીવ તાળવે ચોંટ્યા, લોકો બોલ્યા… આ છત પર કેવી રીતે પહોંચ્યો ? જુઓ વીડિયો
Overbridge Stunt Video : સોશિયલ મીડિયામાં રોજ અલગ અલગ વિષયને લઈને ઘણા બધા વીડિયો વાયરલ થતા હોય છે, જેમાં કેટલાક વીડિયો એવા પણ હોય છે જેને જોઈને આપણે પણ હેરાન રહી જઈએ. કેમેરામાં કેદ થનારા ઘણા દૃશ્યો ચોંકાવનારા પણ હોય છે. ત્યારે હાલ એક એવો જ વીડિયો સામે આવ્યો છે, જેમાં એક વ્યક્તિ ઓવરબ્રિજની છત પર સાઇકલ લઈને ચાલતો જોવા મળી રહ્યો છે.
રૂંવાડા ઉભા કરી દેનારા આ વીડિયોમાં જોવા મળે છે કે વ્યક્તિ કાળજીપૂર્વક છત પરથી નીચે ઉતરી રહ્યો છે. તે જ સમયે, સામે ઉભેલા લોકો તેના જોખમી પરાક્રમને જોઈને ચોંકી જાય છે. ઇન્સ્ટાગ્રામ પર શેર કરવામાં આવેલ વીડિયોને ચેતવણી સાથે પોસ્ટ કરવામાં આવ્યો છે “તે તેની સાયકલ સાથે છત પર કેવી રીતે ગયો? નોંધઃ આવું ક્યાંય કરવાનો પ્રયાસ ન કરો.”
વીડિયો જોયા પછી તમે પણ આશ્ચર્યચકિત થઈ જશો અને વિચારવા માટે મજબૂર થઈ જશો કે આવું કેવી રીતે બની શકે. તે ફૂટ ઓવર બ્રિજ પર ચાલવાને બદલે તેના પર કેમ ચઢ્યો? અત્યારે આમ કરવું એ પોતાના માટે મૃત્યુને આમંત્રણ આપવા સમાન છે. આવા કોઈપણ સ્ટંટ કરતી વખતે, લોકો સલામતીનું ખૂબ ધ્યાન રાખે છે.
View this post on Instagram
આ અજાણ્યા વ્યક્તિએ ફૂટ ઓવરબ્રિજની છતની ઊંચાઈ પરથી નીચે ઉતરતી વખતે ખૂબ જ સંતુલન દર્શાવ્યું હતું અને પોતાની અને સાયકલની સલામતીની ખાતરી કરી હતી. તેની સાવચેતીભરી ચાલ અને વિચારશીલ પગલાઓએ શ્રોતાઓને વિચારતા કરી દીધા. જો કે, સામે ઉભેલા લોકો તેને મનોરંજનની જેમ જોતા રહ્યા. લોકો તમાશો જોતા હતા અને વિચારતા હતા કે તે તે જગ્યાએથી કેવી રીતે નીચે આવશે. જો કે, તે ફૂટ ઓવરબ્રિજ પરથી ઉતરી શકશે કે નહીં તે દર્શાવવામાં આવ્યું નથી.
