ગુજરાતની સૌથી લોકપ્રિય સિંગરમાની એક કૈરવી બુચ પલ્મોનોલોજિસ્ટ જયદીપ ચૌહાણ સાથે લગ્ન કરવા જઇ રહી છે. કૈરવી અને જયદીપના લગ્ન રાજકોટની હેરિટેજ હોટલમાં થશે. કૈરવી જે અમદાવાદમાં રહે છે અને તે સિંગરની સાથે સાથે ડેન્ટિસ્ટ પણ છે, તેણે એક ઇન્ટરવ્યુમાં કહ્યુ કે, “અમે લગભગ છ મહિના પહેલા સગાઇ કરી હતી, પણ અમે તેને પ્રાઇવેટ રાખવાનું નક્કી કર્યું હતુ.
રાજકોટ જયદિપનું હોમટાઉન એટલે કે વતન છે એટલે અમે અમારા ભવ્ય લગ્ન રાજકોટમાં કરીશું. લગ્નનું સેલિબ્રેશન પાંચ કે છ દિવસ પહેલા શરૂ થશે. જયદીપ અને તેનો પરિવાર મારા કરિયરને લઇને ખૂબ જ સપોર્ટિવ છે અને આ એક બ્રાઇડ ટુ બી માટે આશીર્વાદરૂપ છે. એક બ્રેક બાદ આ નવરાત્રિમાં વડોદરામાં પરફોર્મન્સ સારુ રહ્યુ અને હવે વર્ષનો અંત ખૂબ જ શાનદાર રીતે થઇ રહ્યો છે.
લગ્ન બાદ અમદાવાદમાં રિસેપ્શન યોજવાની પણ કૈરવી બુચે વાત કરી. કૈરવીએ વધુમાં જણાવ્યુ કે- મારા ખાસ દિવસે હું હંમેશા ક્વીનની જેમ અનુભવવા માંગતી હતી, લગ્ન આપણી સમૃદ્ધ સંસ્કૃતિને પણ પ્રદર્શિત કરે છે. અમારી પાસે યુએસ, ઑસ્ટ્રેલિયા અને દુબઈ સહિત વિદેશમાંથી પણ મહેમાનો આવશે. હું સેલિબ્રેશન દરમિયાન કેટલાક ગીતો પણ ગાઇશ પરંતુ અમે અન્ય સંગીતકારોને પરફોર્મ કરવા માટે આમંત્રિત કર્યા છે.
પણ હું ડાંસ ખૂબ કરીશ. ઓથેન્ટિક કાઠિયાવાડી મેનૂ એ અમારા લગ્નની ઉજવણીની બીજી વિશેષતા છે. જયદીપ એક ખૂબ જ પ્રામાણિક વ્યક્તિ છે. જયદીપ અને કૈરવી કેવી રીતે મળ્યા તે વિશે વાત કરતાં કૈરવીએ કહ્યુ- “જયદીપ અમદાવાદની સિવિલ હોસ્પિટલમાં કામ કરતો હતો, તે પહેલા ત્યાં જુનિયર ડોક્ટર્સ એસોસિએશનનો પ્રમુખ હતો. મારે ત્યાં એક શો હતો અને તે તેનું આયોજન કરી રહ્યો હતો.
આ રીતે અમે પહેલી વાર મળ્યા અને પછી અમે બહાર મળવા લાગ્યા. અમે ખરેખર જાણીએ છીએ કે અમારી પાસે સામાન્ય રુચિઓ અને વાત કરવા માટેની વસ્તુઓ છે. તે ખૂબ જ પ્રામાણિક વ્યક્તિ છે અને ખૂબ જ સર્જનાત્મક છે. પહેલા તે મોટાભાગે અંગ્રેજી ગીતો સાંભળતો પણ હવે તે ગુજરાતી ગીતો પણ સાંભળે છે. આ વર્ષે તેણે વડોદરામાં મારા નવરાત્રિ પર્ફોર્મન્સનું ધ્યાન રાખ્યું હતું અને તેણે ગરબાને એન્જોય ખૂબ કરતા હતા.
જયદીપ ખરેખર મહેનતુ છે અને સિંગર તરીકેની મારી કારકિર્દી પર ગર્વ છે. તે ખૂબ જ બુદ્ધિશાળી પણ છે, જે મને તેની તરફ આકર્ષિત કરે છે. મને લાગે છે કે તમારા ભાવિ જીવનસાથી સાથે સારા મિત્રો બનવું મહત્વપૂર્ણ છે. અમારી સફર મિત્રતાથી શરૂ થઈ હતી અને હું ખરેખર આ ભાગીદારીની રાહ જોઈ રહી છું. સૌપ્રથમ લગ્નનો પ્રસ્તાવ કોણે મૂક્યો એ વિશે વાત કરતા કૈરવીએ કહ્યુ કે, અમારા બંનેના આ પ્રશ્નના અલગ-અલગ જવાબો છે. હું કહીશ કે તેણે કર્યું !
પીક વેડિંગ સિઝનને કારણે મારા કેટલાક સંગીતકાર મિત્રો રાજકોટમાં લગ્નમાં હાજરી આપી શકશે નહીં, કારણ કે તેઓ અન્યત્ર પર્ફોર્મન્સ ગોઠવી રહ્યાં છે. એટલે અમે પછીથી અમદાવાદમાં રિસેપ્શનનું આયોજન કરીશું. કૈરવી બુચ અને જયદિપ ચૌહાણના લગ્ન 14 ડિસેમ્બરે રાજકોટમાં લગ્ન થશે. કૈરવીના દુલ્હા એટલે કે જયદીપ ચૌહાણની વાત કરીએ તો તે એક એમડી પલ્મોનોલોજિસ્ટ છે અને લંગ સ્પેશિયલિસ્ટ (MD Pulmonologist | Lung Specialist) પણ છે. આ ઉપરાંત તે JDA President BJMC પણ રહી ચૂક્યા છે. જયદીપનું મૂળ વતન રાજકોટ છે પરંતુ તે હાલમાં અમદાવાદમાં છે.
View this post on Instagram
