એ હાલો… રાસડો લેવા તૈયાર થઇ જાઓ, આવી ગયું છે કીર્તિ સાગઠીયા અને સાંત્વની ત્રિવેદીનું ધમાકેદાર ગીત “છોગાળો રાસ”

નવરાત્રીની શરૂઆત થવા જઈ રહી છે ત્યારે ખેલૈયાઓ ગરબે રમવા ઉત્સુક છે, તો બીજી તરફ કોરોના મહામારીના કારણે આ વર્ષે દરવર્ષની જેમ ગરબામાં રમઝટ નહીં જામે, પરંતુ આ નવરાત્રીમાં પણ ગાયકો અને સંગીત નિર્માતાઓ ખેલૈયાઓના મનપસંદ અને સાંભળીને જ પગ થિરકવા લાગે એવા ગરબા લઈને આવી ગયા છે.

ખુબ જ ઓછા સમયમાં ઘણી જ મોટી ખ્યાતિ મેળવનાર ગાયિકા સાંત્વની ત્રિવેદીના ગીતોની તો ચાહકો કાગડોળે રાહ જુએ છે ત્યારે આ નવરાત્રીમાં પણ રંગ જમાવતા ગરબા લઈને આવી છે. સાથે જ હિન્દી અને ગુજરાતી સિનેમામાં પોતાનો મન મોહક અવાજ આપનાર ગાયક કીર્તિ સાગઠીયા સાથે આ વખતે સાંત્વનીની જુગલબંધી જોવા મળી રહી છે.

હાલમાં જ “છોગાળા રાસ”નામનો એક સરસ મઝાનો ખેલૈયાઓને તાલમાં ઝુમાવી દેતો ગરબો રજૂ થયો છે. આ ગરબામાં કીર્તિ સાગઠીયા અને સાંત્વની ત્રિવેદીએ પોતાના અવાજનો જાદુ વિખેર્યો છે.

આ ગરબાને સાંભળતા જ આપણા પગ પણ થિરકવા લાગી જાય છે. સરસ મઝાના સંગીત અને આરોહ અવરોહ સાથે રજૂ થયેલો આ ગરબો ચાહકોને ખુબ જ પસંદ પણ આવી રહ્યો છે.

નવરાત્રીમાં ખેલૈયાઓને તાલે ઝુમાવે એવા આ ગરબાના શબ્દો આપ્યા છે જૂઈ પાર્થે. તો આ ગરબો સાંભળીને આપણા પણ પગ થનગની ઉઠે એવું સંગીત આપ્યું છે  નાઈઝલ ડીલમાં, હનીફ અસલમ, તેજસ વિનચુલકર, વેસ્ટર્ન કોરસ સિંગર ગ્વેન ડાયેસ ,અને રાયણ ડાયેસે. આ ગરબાને કમ્પોઝ કરવાનું કામ પણ કીર્તિ સાગઠીયાએ જ કર્યું છે.

“છોગાળા રાસ” ગીતની ખાસ વાતએ છે કે આ કોરોના મહામારીના કારણે આપણે બહાર નથી જઈ શકતા, પરંતુ દેશ-વિદેશના ગરબા રસિકો આ ગીતની અંદર સામેલ થયા છે. જે નિહાળવાનો પણ એક વિશિષ્ટ લ્હાવો છે.

ગરબા રસિકો આ વર્ષે નિરાશ ના થાય એ માટે કીર્તિ સાગઠીયા અને એમની ટીમે એક નિઃશુલ્ક સ્પર્ધાનું આયોજન સોશિયલ મીડિયાના માધ્યમથી કર્યું હતું જેમાં આ ગીતનું એક સંગીત ઈન્ટરનેટ પર મુકવામાં આવ્યું હતું. જેના કારણે ના ફક્ત ગુજરાત કે ભારત નહિ દેશ વિદેશમાં વસતા ગરબા પ્રેમીઓ પોતાના ઘરે જ અને પરિવાર સાથે જ પોતાના મોબાઈલ પર વિડીયો શૂટ કરીને ટીમ કીર્તિ સુધી પહોંચતા કર્યા હતા અને એમાંથી પસંદગી પામેલ વિડીયો આ ગીતમાં સંકળાયેલા છે.

તમામ લોકો આ ગીતને માણી શકે એ માટે ઓડિયો પ્લેટફોર્મ પર ઉપલબ્ધ છે અને ઓફિશિયલ વિડીયો કીર્તિ સાગઠીયા ( Keerthi Sagathia ) યુટ્યુબ ચેનલ પર ઉપલબ્ધ છે. આ ગીતના વિડીયોમાં ૧૦૦થી વધુ લોકો એ ભાગ લીધો હતો અને એમાં ૩૫ થી ૪૦ જેવા વિડીઓનો સમાવેશ છે.

વિશેષ વાત એ છે ગરબા ગુજરાત સુધી સીમિત નહિ પરંતુ દેશ વિદેશ સુધી ગરબા પ્રેમીઓ વસેલા છે. યુગાન્ડા, યુકે, યુ.એસ.એ, કેનેડા જેવા અનેક દેશમાં વસતા પરિવારોએ આ સ્પર્ધામાં ભાગ લઇને પોતાની ગરબા પ્રત્યેની ભાવના વ્યક્ત કરી છે .

તમે પણ નિહાળો આ ગરબાને નીચે ક્લિક કરીને, અને કોમેન્ટમાં જણાવો કેવો લાગ્યો !!!

Author: GujjuRocks Teamઆવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.