Free food student : આપણા દેશમાંથી રોજ મોટી સંખ્યામાં લોકો કમાવવા કે ભણવા માટે વિદેશમાં જતા હોય છે. વિદેશમાં સારી આવક મળે છે એમ સમજીને લોકો વિદેશ જતા હોય છે, પરંતુ ત્યાં તેમનું જીવન વધુ મુશ્કેલીઓ ભરેલું બની જાય છે. ખાસ કરીને વિદ્યાર્થીઓને નોકરી સાથે કામ પણ કરવું પડે છે. ત્યારે કેનેડામાં એક વ્યક્તિએ વીડિયો બનાવીને હજારો ભારતીયોના રૂપિયા બચાવ્યા, પરંતુ તેનો વીડિયો વાયરલ થતા જ તેને નોકરીમાંથી કાઢી મુકવામાં આવ્યો.
કેનેડામાં ભારતીય મૂળના એક માણસને તેની નોકરીમાંથી કાઢી મૂકવામાં આવ્યો હતો કારણ કે તેણે વિદ્યાર્થીઓ અને જરૂરિયાતમંદ લોકો માટે સ્થાપિત ફૂડ બેંકમાંથી મફત ખોરાક લીધો હતો. કેનેડાની ‘ટીડી બેંક’માં કામ કરતા એક વ્યક્તિએ તેના ‘ઇન્સ્ટાગ્રામ’ હેન્ડલ પર મફત રાશન મેળવવા પર એક વીડિયો શેર કર્યો હતો, પરંતુ તે લોકોનું ધ્યાન ખેંચ્યું જ્યારે ‘@Slatzism’ નામના વપરાશકર્તાએ તેને ‘X’ સાથે કેપ્શન આપ્યું. મેહુલ પ્રજાપતિ કેનેડાની એક બેંકમાં ડેટા સાયન્ટિસ્ટ તરીકે કામ કરે છે.
ક્લિપમાં તેણે જણાવ્યું કે કેવી રીતે તે ખાવાની વસ્તુઓ અને કરિયાણાની ખરીદી ન કરીને દર મહિને હજારો રૂપિયા બચાવે છે. તેના બદલે, તે વિદ્યાર્થીઓ માટે એનજીઓ, ટ્રસ્ટ અથવા ચર્ચ દ્વારા સંચાલિત ફૂડ બેંકોમાંથી મફત ખોરાક મેળવે છે. વીડિયોમાં તે કરિયાણાથી ભરેલી ઘણી બેગ પણ બતાવે છે, જેમાં ફળો, શાકભાજી અને કેટલાક તૈયાર સામાનનો સમાવેશ થાય છે. આ વિડિયો માઇક્રોબ્લોગિંગ સાઇટ ‘X’ પર ‘@Slatzism’ હેન્ડલથી શેર કરવામાં આવ્યો હતો.
તેના કેપશનમાં લખ્યું હતું “આ વ્યક્તિ ‘@TD_Canada’ બેંકમાં ડેટા સાયન્ટિસ્ટ તરીકે નોકરી કરે છે, જેનો સરેરાશ પગાર વાર્ષિક $98,000 (રૂ. 81 લાખ) હશે. અને તેને ગર્વથી આ વિડીયો અપલોડ કર્યો છે જે દર્શાવે છે કે તેને ચેરીટી ફૂડ બેંકોમાંથી કેટલું ‘ફ્રી ફૂડ’ મળે છે. તમે તેમને પૂરતો ધિક્કારતા નથી.” 21 એપ્રિલે શેર કરેલી પોસ્ટ વાયરલ થઈ હતી અને લોકોએ ટિપ્પણીઓમાં આ વ્યક્તિની ભારે ટીકા કરી હતી.
this guy has a job as a bank data scientist for @TD_Canada, a position that averages $98,000 per year, and proudly uploaded this video showing how much “free food” he gets from charity food banks.
you don’t hate them enough. pic.twitter.com/mUIGQnlYu6
— pagliacci the hated 🌝 (@Slatzism) April 20, 2024
એક યુઝરે લખ્યું- મેં રેડિટ પર વીડિયો પોસ્ટ કર્યો છે. આ ડરપોકને તેની લિંક્ડઇન પ્રોફાઇલ ડિલીટ કરવી પડી કારણ કે ઘણા લોકો તેની કંપનીનો સંપર્ક કરી રહ્યા હતા,’ દરમિયાન, એક અપડેટમાં, ‘@Slatzism’ એ ‘TD Bank’ ગ્રાહક સેવા તરફથી ઈમેલનો સ્ક્રીનશોટ શેર કર્યો. મેઈલમાં કહેવામાં આવ્યું હતું કે મેહુલ પ્રજાપતિને હવે નોકરીમાંથી કાઢી મૂકવામાં આવ્યો છે અને તે હવે બેંકમાં કામ કરી શકશે નહીં. યુઝરે લખ્યું- રાશન ચોરને બેંકમાંથી હાંકી કાઢવામાં આવ્યો છે.
View this post on Instagram
આ સમગ્ર મામલે પ્રજાપતિએ મનીકંટ્રોલ સાથે ખાસ વાતચીત કરી હતી. પ્રજાપતિએ જણાવ્યુ કે તે જરૂરિયાતમંદોને મદદ કરવા માટે સરકાર દ્વારા સંચાલિત ફૂડ બેંકોમાંથી ચોરી નહોતો કરતો પણ વિલ્ફ્રીડ લોરિયર યુનિવર્સિટી દ્વારા ચલાવવામાં આવેલા કાર્યક્રમનો લાભ લઈ રહ્યો હતો. આ પ્રોગ્રામ LSPIRG અને માર્ટિન લ્યુથર યુનિવર્સિટી કૉલેજના સહયોગથી યુનિવર્સિટી દ્વારા ચલાવવામાં આવતો હતો, જેના હેઠળ ફૂડ ઇનસિક્યોરિટીનો સામનો કરી રહેલા વિદ્યાર્થીઓને મફત ગ્રોસરી આપવામાં આવે છે.
આ કાર્યક્રમ અંગેની વિગતો કોલેજની વેબસાઈટ પર આપવામાં આવી છે. વેબસાઈટ અનુસાર, આ કાર્યક્રમનો લાભ લેવા માટે યોગ્ય ઓળખ ધરાવતા કોઈપણ કોલેજના વિદ્યાર્થી ભાગ લઈ શકે છે. પ્રજાપતિ આ યુનિવર્સિટીમાંથી માસ્ટર્સ કરી રહ્યો છે, પ્રજાપતિએ વીડિયોમાં ક્યાંય પણ સરકારી ફૂડ બેંકનો ઉલ્લેખ કર્યો નથી. તેણે સ્પષ્ટપણે જણાવ્યું કે કેનેડામાં મોટાભાગની કોલેજો અને યુનિવર્સિટીઓમાં ફૂડ બેંકો છે, જે ટ્રસ્ટ, ચર્ચ અથવા બિન-લાભકારી સંસ્થાઓ દ્વારા ચલાવવામાં આવે છે.
જો કે, પ્રજાપતિનો આ વીડિયો સોશિયલ મીડિયા પર અફવાઓ દ્વારા ખોટી રીતે ફેલાવવામાં આવ્યો છે. તેણે કહ્યું કે તે ક્યારેય ટીડી બેંકનો કર્મચારી નહોતો. તેણે ડીસેમ્બર 2023 સુધી 17 અઠવાડિયા સુધી ટીડી બેંકમાં ઇન્ટર્નશીપ તરીકે કામ કર્યું છે. તેના કહેવા પ્રમાણે, આ ઇન્ટર્નશીપ તેના કોલેજ કોર્સ માટે જરૂરી હતી. પ્રજાપતિના કહેવા પ્રમાણે, તેમને તેમનો 98,000 કેનેડિયન ડોલરનો પગાર પણ મળ્યો નથી.