ફિલ્મી દુનિયા

આ 8 અભિનેત્રીઓના દિલ આવ્યા હતા ડિરેક્ટર પર, જાણો કોને-કોને લગ્ન કર્યા છે ડિરેક્ટર સાથે

ઘણીવાર ફિલ્મોમાં જોવા મળે છે કે હિરો હિરોઈનને લઇ જાય છે અને પછી હેપ્પી એન્ડિંગ થઇ જાય છે. પરંતુ વાસ્તવિક જીવનમાં એવું પણ જોવા મળ્યું છે કે હિરોઈન હીરોને છોડીને ડિરેક્ટરના પ્રેમમાં પડી હોય અને લગ્ન કર્યા હોય. આજે પણ એવી જ અભિનેત્રીઓ વિશે વાત કરીશું કે જેમને ડિરેક્ટરો સાથે લગ્ન કર્યા હોય:

1.ઉદિતા ગોસ્વામી:

Image Source

પાપ અને ઝહર જેવી ફિલ્મો કરનારી ઉદિતા ગોસ્વામીએ પણ લગ્ન કરવા માટે એક ડિરેક્ટરને જ પસંદ કર્યા હતા. 9 વર્ષ સુધી એકબીજાને ડેટ કર્યા બાદ, ઉદિતા અને મોહિત સુરીએ વર્ષ 2013માં લગ્ન કરી લીધા હતા.

2.રાની મુખર્જી:

Image Source

રાની મુખરજીએ યશરાજ ફિલ્મ્સના માલિક આદિત્ય ચોપરા સાથે વર્ષ 2014માં લગ્ન કર્યા હતા. ઘણા વર્ષો સુધી બંનેનું અફેર ચાલ્યું પણ ક્યારેય કોઈએ આ વાત પર ખુલીને કોઈ નિવેદન આપ્યું ન હતું. પછી અચાનક એક દિવસ બંનેએ લગ્નની જાહેરાત કરીને બધાને જ અચંબામાં નાખી દીધા હતા. રાણી અને આદિત્યે ચુપચાપ ઇટાલીમાં લગ્ન કરી લીધા હતા.

3.શ્રીદેવી:

Image Source

પોતાના જમાનાની ટોચની અભિનેત્રી શ્રીદેવીએ પણ ડિરેક્ટર બોની કપૂર સાથે લગ્ન કર્યા હતા. બધા જ જાણે છે કે બોની કપૂર પણ શ્રીદેવીના પ્રેમમાં પાગલ હતા. શ્રીદેવી માટે તેમને પોતાની પત્નીને છૂટાછેડા આપી દીધા અને પછીથી શ્રીદેવીએ બોની કપૂરના પ્રેમનો સ્વીકાર કરીને તેમની સાથે લગ્ન કર્યા હતા.

4.સોનાલી બેન્દ્રે:

Image Source

સોનાલી બેન્દ્રેએ પણ ડિરેક્ટર ગોલ્ડી બહાલ સાથે લગ્ન કર્યા છે. બંનેની મુલાકાત 1994માં એક ફિલ્મના સેટ પર થઇ હતી. બંનેને ગોલ્ડી બહલની બહેને મળાવ્યા હતા. સોનાલીને જોતા જ પહેલી નજરમાં જ ગોલ્ડી તેના પ્રેમમાં પડી ગયા હતા. પણ તેમને 4 વર્ષ સુધી સોનાલીને કઈ જ કહ્યું ન હતું. એ પછી એક ફિલ્મના શૂટિંગ દરમ્યાન ગોલ્ડીને એ તક મળી ગઈ કે જેના દ્વારા તેઓ સોનાલીને પોતાની હમસફર બનાવી શક્યા હતા.

5.કિરણ જુનેજા:

Image Source

મહાભારત, સ્વાભિમાન, બુનિયાદ જેવા સફળ ટીવી શો કરનાર અભિનેત્રી કિરણ જુનેજાએ ડિરેક્ટર રમેશ સિપ્પી સાથે લગ્ન કર્યા હતા. સિપ્પી પહેલાથી જ પરિણીત હતા પણ કિરણ સાથે લગ્ન કરવા માટે તેમને પોતાની પહેલી પત્નીને છૂટાછેડા આપી દીધા હતા. બંનેની મુલાકાત ટીવી સો બુનિયાદ દરમ્યાન થઇ હતી અને પછી બન્ને નજીક આવ્યા હતા.

6.સોની રાઝદાન:

Image Source

અભિનેત્રી સોની રાઝદાને પણ ડિરેક્ટર મહેશ ભટ્ટ સાથે લગ્ન કર્યા છે. મહેશ ભટ્ટ સોની રાઝદાનના પ્રેમમાં એ રીતે પાગલ હતા કે પરિણીત હોવા છતાં પણ તેમને સોની સાથે લગ્ન કર્યા હોતા, જો કે લગ્ન માટે પોતાની પહેલી પત્નીને છૂટાછેડા આપ્યા ન હતા.

7.કલ્કી કોચલિન:

Image Source

કલ્કી કોચલિને પણ ડિરેક્ટર અનુરાગ કશ્યપ સાથે લગ્ન કર્યા હતા. બંને ફિલ્મ દેવ ડી દરમ્યાન એકબીજાની નજીક આવ્યા હતા. એ સમયે અનુરાગ પહેલાથી જ પરિણીત હતા પરંતુ કલ્કિ સાથે લગ્ન કરવા માટે તેમને પોતાની પત્નીને છૂટાછેડા આપી દીધા હતા. પરંતુ કલ્કી સાથે પણ તેમનો આ સંબંધ વધુ ન ટક્યો અને થોડા સમય બાદ બંને અલગ થઇ ગયા.

8.દીપ્તિ નવલ:

Image Source

પોતાના જમાનાની પ્રખ્યાત અભિનેત્રી દીપ્તિ નવલ પર પણ એક ડિરેક્ટરનો જાદુ ચાલી ગયો હતો. તમને કદાચ ખબર નહિ હોય કે દીપ્તિ નવલે ડિરેક્ટર પ્રકાશ ઝા સાથે લગ્ન કર્યા હતા. બંનેના આ પ્રેમવિવાહ હતા પરંતુ એ લાંબો સમય ન ચાલ્યા. બંનેએ વર્ષ 2002માં છૂટાછેડા લઇ લીધા.

Author: GujjuRocks Teamઆવી જ રીતે રોજિંદા જીવનમાં ઉપયોગી હોય એવી લાગણીસભર વાર્તાઓ, સ્વાસ્થ્યવર્ધક માહિતી, બોલીવુડની ખબરો, ધાર્મિક વાતો, રેસિપી તથા અન્ય રસપ્રદ માહિતીઓ મેળવવા માટે ગુજરાતીઓનું લોકલાડીલું પેજ GujjuRocks લાઈક કરી જોડાઓ.

લેખ ગમ્યો હોય તો લાઈક કરી મિત્રો સાથે શેયર કરજો.