કોરોના વાયરસ અને લોકડાઉનના કારણે બંધ થયેલા સિનેમાના કારણે લોકો ઓટીટી પ્લેટફોર્મ ઉપર વળ્યાં અને તેમાં ઘણી બધી વેબ સીરીઝો પણ જોવા લાગ્યા, આ બધામાં એક વેબ સિરીઝ આખા ભારતમાં ખુબ જ પ્રચલિત થઇ, જે હતી મની હાઈટ્સ. આ વેબ સિરીઝની ચાર સીઝન જોયા બાદ પાંચમી સીઝનની લોકો કાગડોળે રાહ જોવા લાગ્યા અને હાલમાં જ તે વેબ સિરીઝની પાંચમી સીઝન પણ રજૂ થઇ અને લોકોએ તેને ખુબ જ પ્રેમ આપ્યો.
મની હાઈટ્સ વેબ સિરીઝનું એક ગીત સૌના મોઢે રમતું થયું અને તે હતું “Bella Ciao, Bella Ciao”. આ ગીતની લોકપ્રિયતા એટલી બધી વધી ગઈ કે જ્યાં જાઓ ત્યાં તમને આ ગીત સાંભળવા મળતું ત્યારે હાલમાં જ યોજાયેલા એક કાર્યક્રમની અંદર એક ગુજરાતી કલાકાર દ્વારા આ ગીતના શબ્દોમાં થોડો બદલાવ કરીને આ ગીતના સુર તાલ સાથે એક અલગ ગીત બનાવ્યું.
સોશિયલ મીડિયા ઉપર આ ગીતનો વીડિયો પણ ખુબ જ વાયરલ થઇ રહ્યો છે, જેમાં એક વ્યક્તિ એક કાર્યક્રમની અંદર “Bella Ciao, Bella Ciao” ગીતને ગુજરાતી અંદાજમાં રજૂ કરી રહ્યો છે. આ વીડિયોની અંદર પાછળ બેકગ્રાઉન્ડમાં “ભૂતમામા મંદિર”ના 23માં પાટોત્સવનું બેનર લાગેલું પણ જોવા મળી રહ્યું છે.
View this post on Instagram
ખુબ જ દેશી અંદાજમાં આ વ્યક્તિ હાર્મોનિયમ અને તબલા ઉપર “Bella Ciao, Bella Ciao” ગીત લહેરાવી રહ્યો છે અને વીડિયોની અંદર જોવા મળી રહ્યું છે કે તે કલાકાર દ્વારા આ ગીત લલકારતા લોકો પણ ખુબ જ ઉત્સાહિત બની જાય છે. અને તેને જોતા જ લોકો બુમા બૂમ કરીને ગીતને વધાવી લેતા પણ જોવા મળે છે. આ વીડિયો ક્યાંનો છે અને ક્યારનો છે તેના વિશેની હજુ કોઈ પુષ્ટિ નથી થઇ રહી, પરંતુ સોશિયલ મીડિયામાં આ વીડિયો ખુબ જ ધૂમ મચાવી રહ્યો છે.