કરીના કપૂરની ભાભીનું થયુ સીમંત, જલ્દી જ દાદી બનશે રીમા જૈન, રણબીરની બહેન રિદ્ધિમાએ તસવીર શેર કરી લૂંટાવ્યો પ્રેમ
બોલિવૂડ અભિનેત્રી કરીના કપૂર ખાનની ફોઇ રીમા જૈનનો મોટો પુત્ર અરમાન જૈન જલ્દી જ પિતા બનવાનો છે. તેની પત્ની અનીસા મલ્હોત્રા પ્રેગ્નેટ છે અને જલ્દી જ તેના બાળકને જન્મ આપવા જઇ રહી છે. જેને લઈને કપૂર પરિવાર અને જૈન પરિવારમાં ખુશીનો માહોલ છે. ત્યારે આ વચ્ચે અનીસાનું હાલમાં જ બેબી શાવર યોજાયુ હતુ. આ કાર્યક્રમમાં કપૂર પરિવાર થવાવાળા મમ્મી અને પપ્પાને આશીર્વાદ આપવા પહોંચ્યા હતા.
નવા મહેમાનના આગમનની ખુશી કપૂર પરિવારમાં સ્પષ્ટ દેખાતી હતી. આ સેરેમનીની જે તસવીરો સામે આવી છે જેમાં નીતુ કપૂરથી લઈને કરીના કપૂર અને હાલમાં જ માતા બનેલી આલિયા ભટ્ટ પણ જોવા મળી રહી છે. અનીશાના બેબી શાવર ફંક્શનમાં નતાશા નંદા અને નવ્યા નવેલી સુધીના ઘણા સેલેબ્સ પહોંચ્યા હતા. જણાવી દઈએ કે અરમાન જૈન બોલિવૂડ એક્ટર રણબીર કપૂરની ફોઇ રીમા જૈનનો પુત્ર છે.
કરીના, નીતુ કપૂર અને નતાશા નંદાએ અનીશા મલ્હોત્રાના બેબી શાવર ફંક્શનની કેટલીક અંદરની તસવીરો ઈન્સ્ટા પર શેર કરી હતી. જેમાં કરીના કપૂર, નીતુ અને ઘણા મહેમાનો એક ગ્રુપ પિક્ચરમાં જોવા મળે છે. બીજી એક તસવીરમાં કરીના કપૂર ભાભી અનીશા મલ્હોત્રા સાથે પોઝ આપતી જોઈ શકાય છે. નવી નવી મમ્મી બનેલી આલિયા ભટ્ટ પણ ફેમિલી ઇવેન્ટ માટે તેના ડ્રેસને રિપીટ કરતી જોવા મળી હતી.
તે અનીશા મલ્હોત્રાના બેબી શાવરમાં તે જ આઉટફિટમાં જોવા મળી હતી જે તેણે Netflix ફિલ્મ ડાર્લિંગ્સના પ્રમોશન દરમિયાન પહેર્યો હતો. બેબી શાવર ફંક્શન માટે આલિયાએ માંગ ટીકા સાથે તેના લુકને કંપલીટ કર્યો હતો અને તે આ લુકમાં ખૂબ જ સુંદર લાગી રહી હતી. કરીના કપૂર ફેમિલી ફંક્શનમાં પેસ્ટલ સલવાર સૂટમાં જોવા મળી હતી. અભિનેત્રીએ તેના વાળમાં બન બનાવ્યો હતો અને ઇયરિંગ્સ સાથે લુક પૂર્ણ કર્યો હતો.
કરીના સિમ્પલ લુકમાં પણ અદભૂત દેખાતી હતી. આલિયાની નણંદ અને રણબીર કપૂરની બહેન રિદ્ધિમા કપૂર સાહનીએ રવિવારે તેની ઇન્સ્ટાગ્રામ સ્ટોરી પર અનીસા અને અરમાન જૈનની તસવીર પોસ્ટ કરી લખ્યું હતુ, “હેપ્પી બેબી શાવર માય ક્યુટીઝ. તમને બંનેને પ્રેમ.” આ ફંક્શનમાં બધા સિંપલ લુકમાં ખૂબ જ સ્ટાઇલિશ લાગી રહ્યા છે.
એક તસવીર સામે આવી છે જેમાં સમગ્ર કપૂર, જૈન અને નંદા પરિવાર અરમાન જૈન અને અનીસા મલ્હોત્રાને તેમની નવી શરૂઆત માટે આશીર્વાદ આપતા જોવા મળે છે. ફોટામાં આલિયા, ટીના અંબાણી, કરીના, નીતૂ કપૂર સહિત અનેક જોવા મળી રહ્યા છે. જો કે, થવાવાળી મમ્મી એટલે કે અનીસા મલ્હોત્રાએ આ ફંક્શનમાં લાઇમલાઇટ લૂંટી લીધી હતી. તેના લુક પર નજર કરીએ તો તે બ્લુ અને સિલ્વર સાડીમાં જોવા મળી હતી.
સુંદર સાડીમાં સિલ્વર રંગના દોરામાં ફ્લોરલ એમ્બ્રોઇડરી કરવામાં આવી હતી અને અનીસા આ લુકમાં તેના બેબી બમ્પને પણ ફ્લોન્ટ કરતી જોવા મળી હતી. પરંપરાગત રીતે સાડી પહેરીને તેણે હીરાના આભૂષણો કેરી કર્યા હતા. ચોકર નેકપીસ, કાનમાં ડ્રોપડાઉન એરિંગ્સ અને હાથમાં બંગડીઓ સાથે તેણે લુક કંપલીટ કર્યો હતો.
અનીશા આ સાડીમાં ખૂબ જ સુંદર લાગી રહી હતી અને તેના ચહેરા પર પ્રેગ્નેંસી ગ્લો પણ સ્પષ્ટ જોઈ શકાતો હતો. તેણે મિનિમલ મેકઅપ સાથે પોતાનો લુક પૂરો કર્યો હતો. આ ઉપરાંત અરમાને વ્હાઇટ મલ્ટી-કલર થ્રેડ એમ્બ્રોઇડરી જેકેટ સાથે સફેદ કુર્તા-પાયજામા પહેર્યો હચો. પૂજા દરમિયાન કપલને ગુલાબનો હાર પહેરાવવામાં આવ્યો હતો, જેનાથી તેમના લૂકમાં ચારચાંદ ઉમેરાયા હતા.
