મનોરંજન

આ જાણિતા બોલિવુડ અભિનેતા પોતાની પત્નીઓને છોડી ગર્લફ્રેન્ડ સાથે રહેવા લાગ્યા લિવ ઇનમાં, એક તો લગ્ન પહેલા જ બની બોયફ્રેન્ડના છોકરાની માં

પત્નીઓને છોડી ગર્લફ્રેન્ડ સાથે લિવ ઇનમાં રહેવા લાગ્યા આ હિરો, એકની GF તો થઇ ગઇ પ્રેગ્નેટ અને લગ્ન કર્યા વગર જ આપ્યો બાળકને જન્મ

બોલિવૂડ સ્ટાર્સ પોતાની શાનદાર લાઈફસ્ટાઈલના કારણે ચર્ચામાં રહે છે. ચાહકોને પણ સેલેબ્સની અંગત અને ખાસ કરીને તેમની લવ લાઈફમાં ખૂબ જ રસ છે. ક્યારેક શૂટિંગના સેટ પર તો ક્યારેક પાર્ટીઓમાં આ સ્ટાર્સ પોતાના કોસ્ટારની સુંદરતા અને કૌશલ્યથી એટલા આકર્ષિત થઈ જાય છે કે તેઓ લગ્ન કરેલ હોવા છત્તાં પણ એક્સ્ટ્રા મેરિટલ અફેર કરે છે. જો કે કેટલાક એવા સેલેબ્સ છે

જે છૂટાછેડા પછી ફરી એકવાર તેમના જીવનમાં પ્રેમની બીજી તક આપતા જોવા મળે છે. આજે અમે તમને એવા જ કેટલાક સ્ટાર્સ વિશે જણાવવા જઈ રહ્યા છીએ જેમણે પોતાની પત્નીને છોડી દીધા બાદ ફરી એકવાર પ્રેમમાં વિશ્વાસ વ્યક્ત કર્યો અને લિવ-ઈન રિલેશનમાં રહેવા માટે પણ રાજી થઈ ગયા.

1.અરબાઝ ખાન : આ યાદીમાં પહેલું નામ એક્ટર અને ફિલ્મમેકર અરબાઝ ખાનનું છે. જ્યારે અરબાઝ ખાન અને મલાઈકા અરોરાની જોડી ઘણી ફેમસ હતી, ત્યારે આ કપલે છૂટાછેડા લઈને પોતાના ફેન્સને ચોંકાવી દીધા હતા. મલાઈકા સાથે છૂટાછેડા લીધા પછી, અરબાઝ ખાન હાલમાં ગર્લફ્રેન્ડ જ્યોર્જિયા સાથે રિલેશનશિપમાં છે અને અહીં સુધી કહેવામાં આવે છે કે આ કપલ સાથે રહે છે.

2.સૈફ અલી ખાન : પટૌડી નવાબ અને અભિનેતા સૈફ અલી ખાનનું જીવન ખૂબ જ ભવ્ય રહ્યું છે. હાલમાં, સૈફ અલી ખાન કરીના કપૂર ખાન અને તેના બે પુત્રો સાથે હેપ્પી મેરિડ લાઈફ માણી રહ્યો છે, જ્યારે અગાઉ તેણે અમૃતા સિંહ સાથે લગ્ન કર્યા હતા. સૈફ અમૃતાના છૂટાછેડા પછી, અભિનેતાએ કરીના સાથે લિવ-ઇનમાં રહ્યા પછી જ લગ્ન કર્યા હતા.

3.ફરહાન અખ્તર : ફરહાન અખ્તરે તાજેતરમાં જ અભિનેત્રી શિબાની દાંડેકર સાથે લગ્ન કર્યા છે. તેમના લગ્ન ઘણા સમાચારોમાં હતા. લગ્ન પહેલા બંને ઘણા વર્ષો સુધી એકબીજાને ડેટ કરતા હતા અને લિવ-ઈન રિલેશનશિપમાં પણ રહ્યા હતા. જો કે તમને જણાવી દઈએ કે શિબાનીના આ પહેલા લગ્ન છે, આ પહેલા ફરહાન અખ્તરે અધુના સાથે લગ્ન કર્યા હતા અને બંનેના છૂટાછેડા થઈ ગયા હતા.

4.અર્જુન રામપાલ : અભિનેતા અર્જુન રામપાલ ભલે 2019માં તેની પ્રથમ પત્ની મેહર જેસિયાથી અલગ થઈ ગયો હોય પરંતુ તે પહેલા તે ગેબ્રિએલા ડેમેટ્રિએડ્સ સાથે સંબંધમાં બંધાઇ ગયો હતો. એટલું જ નહીં છૂટાછેડા પહેલા અર્જુન રામપાલ ગેબ્રિએલાના બાળકનો પિતા પણ બની ગયો છે. તમામ વિવાદો વચ્ચે અર્જુન અને ગેબ્રિએલાએ તેમના પુત્રને જન્મ આપવાનો નિર્ણય કર્યો હતો.

5.આમિર ખાન : પોતાની પહેલી પત્ની રીના દત્તા સાથે છૂટાછેડા લીધા પછી આમિર ખાન કિરણ રાવ સાથે એટલા પ્રેમમાં પડી ગયા કે બંને એકબીજા સાથે લિવ-ઈનમાં રહેવા લાગ્યા. આ પછી બંનેના લગ્ન થયા અને પુત્ર આઝાદનો જન્મ થયો. હાલમાં આમિર ખાન અને કિરણ રાવે પણ છૂટાછેડાની જાહેરાત કરીને બધાને ચોંકાવી દીધા હતા.