અનંત-રાધિકા લગ્ન બાદ પ્રથમ વખત જામનગર પહોંચ્યા, ન્યૂલીવેડ કપલ પર થયો ફૂલોનો વરસાદ; જુઓ વીડિયો
Welcome to Anant Radhika in Jamnagar : અનંત અંબાણી અને રાધિકા મર્ચન્ટના લગ્ન 12 જુલાઈના રોજ થયા હતા. દેશ ઉપરાંત વિદેશમાં પણ તેમના લગ્નની ખૂબ ચર્ચા છે. લગ્ન બાદ બુધવારે ગુજરાતના જામનગરમાં બંનેનું ઉષ્માભર્યું સ્વાગત કરવામાં આવ્યું હતું. સ્થાનિક લોકોએ નવદંપતીનું ઉમળકાભેર સ્વાગત કર્યું હતું. આ સમયગાળા દરમિયાનના ઘણા વીડિયો સોશિયલ મીડિયા પર લોકપ્રિય છે.
સોશિયલ મીડિયા પર સામે આવેલા વીડિયોમાં જામનગરના લોકો અનંત અંબાણી અને રાધિકા મર્ચન્ટનું ઉષ્માભેર સ્વાગત કરતા જોવા મળે છે. એક વીડિયોમાં પરંપરાગત સાડી પહેરેલી મહિલાઓ રાધિકાને આરતી કરીને અને તેના પર ગુલાબની પાંખડીઓ વરસાવીને આવકારતી જોવા મળે છે. રાધિકા અને અનંત બંને ખુબ ખુશ દેખાઈ રહ્યા હતા.
આ દરમિયાન રાધિકા મર્ચન્ટ અને અનંત અંબાણી બંને ગુલાબી કપડામાં જોવા મળે છે. રાધિકાએ ગુલાબી સૂટમાં પોતાનો લુક સિમ્પલ રાખ્યો હતો. આ દરમિયાન તે હંમેશની જેમ ખૂબ જ સુંદર લાગી રહી હતી. જામનગરમાં તેમના સ્વાગતના અનેક વીડિયો સોશિયલ મીડિયા પર વાયરલ થયા છે.
અનંત અને રાધિકાના જીવનમાં જામનગરનું વિશેષ સ્થાન છે. અગાઉ માર્ચ 2024માં જામનગરમાં પ્રી-વેડિંગ ફંક્શન યોજાયા હતા. અનંતના દાદી કોકિલાબેન અંબાણીનો જન્મ જામનગરમાં થયો હતો. ઉપરાંત, આ તે શહેર છે જ્યાં તેમના દાદા ધીરુભાઈ અંબાણી અને પિતા મુકેશ અંબાણીએ બિઝનેસ શરૂ કર્યો હતો.
પ્રિ-વેડિંગ ફંક્શનમાં રાધિકાએ ખુલાસો કર્યો હતો કે તે અને અનંત જામનગરમાં મોટા થયા છે. અનંત અને રાધિકાના ભવ્ય લગ્ન 12મી જુલાઈના રોજ થયા હતા. જેમાં બોલિવૂડથી લઈને હોલીવુડ અને ક્રિકેટ જગતથી લઈને રાજકારણ સુધીની અનેક મોટી હસ્તીઓએ ભાગ લીધો હતો. લગ્ન બાદ 13મી જુલાઈએ આશીર્વાદ સમારોહ અને 14મી જુલાઈએ રિસેપ્શનનું આયોજન કરવામાં આવ્યું હતું. વડાપ્રધાન નરેન્દ્ર મોદીએ પણ આશીર્વાદ સમારોહમાં ભાગ લીધો હતો.
View this post on Instagram
