વિકી કૌશલ અને કેટરીના કૈફના લગ્નની ચર્ચાઓ દરેક જગ્યાએ ચાલે છે. આ સમયે સોશિયલ મીડિયા પર તેમના લગ્નની તમામ વિગતોને લઈને વાતો થઈ રહી છે. પરંતુ આ દરમિયાન એવા સમાચાર પણ આવી રહ્યા છે જે ફેન્સને નિરાશ કરી શકે છે. હાલમાં જ વિક્કી કૌશલના એક નજીકના સંબંધીએ એવો ખુલાસો કર્યો હતો કે બધા ચોંકી ગયા હતા.
લગ્નને લઈને ખુલાસો : વિકી કૌશલ અને કેટરીના કૈફના લગ્નને લઈને સસ્પેન્સ હજુ પણ છે. જ્યાં કેટલાક લોકો આ લગ્નને કન્ફર્મ હોવાનું જણાવી રહ્યા છે તો બીજી તરફ કેટલાક લોકો આ લગ્નને નકારી રહ્યા છે. એ જ રીતે વિકી કૌશલના એક સંબંધીએ લગ્નના ચાલી રહેલા સમાચારો પર ખુલાસો કર્યો. વિકીની પિતરાઈ બહેનનું કહેવું છે કે વિકી અને કેટરીના લગ્ન નથી કરી રહ્યા.
બહેને ના પાડી : બંને સ્ટાર્સ કે તેમના પરિવાર તરફથી કોઈ માહિતી આવી નથી, જે પણ સમાચાર ચાલી રહ્યા છે તે માત્ર રિપોર્ટના આધારે જ કહેવામાં આવી રહ્યા છે. મીડિયા વેબસાઈટ સાથેની ખાસ વાતચીત દરમિયાન, વિકી કૌશલની પિતરાઈ બહેન ડૉ. ઉપાસના વોહરાએ આ બંને સ્ટાર્સના લગ્નનો સ્પષ્ટ ઈન્કાર કર્યો છે. તેણે તેને મીડિયામાં ચાલી રહેલી અફવા ગણાવી છે. તેણીનું નિવેદન ઘણું અર્થપૂર્ણ છે કારણ કે તે વિકીના પરિવારની સભ્ય છે.
વિકી સાથે વાત થઈ : વિકી કૌશલની પિતરાઈ બહેન ડૉ. ઉપાસનાએ કહ્યું, લગ્નની તૈયારીઓને લઈને મીડિયામાં જે સમાચાર ફેલાવવામાં આવી રહ્યા છે તે માત્ર અફવા છે. લગ્ન નથી થવાના. આ બધા તમારા મીડિયામાં રૂમર છે. જો આવી બાબતો થશે તો તેઓ તેની જાહેરાત કરશે. બોલિવૂડમાં અવાર-નવાર અફવાઓ આવે છે અને પછી ખબર પડે છે કે મામલો કંઈક બીજો હતો. તેઓ માત્ર કામચલાઉ રૂમર છે. તાજેતરમાં મેં મારા ભાઈ સાથે વાતચીત કરી હતી. આવું કંઈ નથી. હું આ મુદ્દા પર અન્ય કંઈપણ ટિપ્પણી કરવા માંગતી નથી, પરંતુ હાલમાં લગ્ન થઈ રહ્યા નથી.
