દરેક મા પોતાના દીકરાને ખુબ જ પ્રેમ કરતી હોય છે અને દીકરો પણ પોતાની માતાને ખુશ રાખવા માટે દરેક પ્રયાસ કરતો હોય છે. ઇન્ટરનેટ ઉપર આપણે મા અને દીકરાના પ્રેમના ઘણા વીડિયો પણ જોતા હોઈએ છીએ. દીકરાની સફળતા ઉપર સૌથી વધુ ખુશ એક માતા જ હોય છે. ત્યારે આ દરમિયાન પણ ઇન્ટરનેટ ઉપર એક મા દીકરાનો ભાવુક કરી દેનારો વીડિયો વાયરલ થઇ રહ્યો છે.
ઈન્ટરનેટ પર એક વીડિયો સામે આવ્યો છે જેમાં એક પુત્ર તેની માતાને 30 વર્ષની સેવા બાદ યુએસ નેવલ ફોર્સમાં માસ્ટર ચીફની ફરજમાંથી મુક્ત કરી રહ્યો છે. વીડિયોમાં તમે એક ભાવુક ક્ષણ જોઈ શકો છો, જ્યારે પુત્રએ તેની માતાને ગળે લગાવી અને માતા બધાની સામે ખુશીથી રડવા લાગી. ઈન્ટરનેટ યુઝર્સ પણ આ વીડિયો જોયા બાદ ખૂબ જ ભાવુક દેખાયા હતા. આ વીડિયોને ઈન્સ્ટાગ્રામ યુઝર નોનપ્રોફિટકાર્ટેલ દ્વારા પોસ્ટ કરવામાં આવ્યો છે. આ ક્લિપે સોશિયલ મીડિયા યુઝરનું ધ્યાન ખેંચ્યું છે.
વીડિયોમાં બતાવવામાં આવ્યું છે કે માતા પોતાનો યુનિફોર્મ પહેરીને પુત્રની સામે ગર્વથી ઉભી છે. બંને એકબીજાને સલામ કરે છે અને એકબીજાને જોઈને તેમના ચહેરા પર સ્મિત લાવે છે. પુત્ર કહે છે કે તમારી સેવાઓ બદલ આભાર. આ પછી બેકગ્રાઉન્ડમાં એક સુંદર ગીત વાગે છે અને ત્યાં હાજર લોકો તાળીઓ પાડવા લાગે છે. થોડીવાર પછી નેવીના અન્ય અધિકારીઓ પણ પુત્રની માતાને અભિનંદન પાઠવે છે. લાગણીશીલ માતા અને પુત્ર લાંબા સમય સુધી એકબીજાને આલિંગન આપે છે. આ ક્લિપ સોશિયલ મીડિયા પર વાયરલ થઈ હતી અને તેણે નેટીઝન્સ પણ ઈમોશનલ કરી દીધા હતા.
View this post on Instagram
2 સપ્ટેમ્બરે પોસ્ટ કરાયેલા આ વીડિયોને લાખો વ્યૂઝ અને હજારો લાઈક્સ અને ઘણી કોમેન્ટ્સ મળી છે. વીડિયોના કેપ્શનમાં લખ્યું છે, ‘દીકરો તેની માતાને 30 વર્ષથી માસ્ટર ચીફની સેવામાંથી મુક્ત કરી રહ્યો છે.’ સોશિયલ મીડિયા યુઝર્સે કોમેન્ટ સેક્શનની જોરદાર પ્રશંસા કરી હતી. એક યુઝરે લખ્યું, ‘તમારી સેવા માટે બંનેનો આભાર! તે ખૂબ જ સુંદર દૃશ્ય છે.’ અન્ય યુઝરે લખ્યું, ‘ખૂબ સુંદર, તમારી સેવા અને અભિનંદન મમ્મી, બંને માટે આભાર.’
