સોશિયલ મીડિયા પર એક ચોંકાવનારો વીડિયો સામે આવ્યો છે, જેમાં એક દુકાનદાર મોબાઈલ ફોન રિપેર કરી રહ્યો હતો ત્યારે અચાનક મોબાઈલ ફોનની બેટરી ફાટતા તેમાં આગ લાગી ગઈ હતી. આ ઘટના વિયેતનામના થાઈ ગુયેનમાં મોબાઈલ રિપેરિંગની દુકાનમાં બની હતી.
કર્મચારી ફોન રિપેર કરી રહ્યો હતો ત્યારે જોરદાર વિસ્ફોટ થયો હતો. બીજી જ ક્ષણે ફોનની બેટરીમાંથી જ્વાળાઓ નીકળવા લાગી. જેના કારણે કર્મચારી તેને હટાવવા માટે ખૂબ જ પરેશાન જોવા મળે છે. વીડિયોમાં જોવા મળે છે કે યુવક સળગતા ફોનને ખુલ્લા પગે જમીન પર ફેંકી રહ્યો છે. વિસ્ફોટ બાદ દુકાનનો અન્ય એક કર્મચારી પણ ભાગતો જોવા મળ્યો હતો.
આ ઘટના 5 નવેમ્બર, 2021 ના રોજ બની હતી અને તાજેતરમાં જ YouTube ચેનલ, વાયરલ હોગ દ્વારા શેર કરવામાં આવી હતી. કેપ્શનમાં લખ્યું છે કે, કર્મચારી ફોન રિપેર કરી રહ્યો હતો ત્યારે ફોનની બેટરી ફાટી. સદનસીબે કોઈને ઈજા થઈ નથી.
આ વીડિયોને સોશિયલ મીડિયા પર હજારો વખત જોવામાં આવ્યો છે, જ્યાં તેણે ઘણાને ચોંકાવી દીધા છે. એક યુઝરે કોમેન્ટ કરી, ‘કલ્પના કરો કે માલિકના ખિસ્સામાં સ્માર્ટફોન ફૂટે તો. યુઝર્સ એ વાતથી ખુશ હતા કે યુવક ઈજાથી બચી ગયો. એક યુઝરે આ કારીગરની સમજણની પણ પ્રશંસા કરી છે.
