બૉલીવુડની ખ્યાતનામ અભિનેત્રી શિલ્પા શેટ્ટી કોઈને કોઈ કારણને લઈને હંમેશા ચર્ચામાં રહેતી હોય છે. મોટાભાગે તે તેની ફિટનેસ, સુંદરતા અને ફેશન સ્ટાઇલને લઈને ચર્ચામાં આવે છે ત્યારે હાલમાં જ શિલ્પાએ મુંબઈમાં યોજાયેલા એક કાર્યક્રમમાં એવા કપડાં પહેરીને આવી કે જેના કારણે તેને લોકો હવે ટ્રોલ કરવા લાગ્યા છે. શિલ્પાનો વીડિયો પણ સોશિયલ મીડિયામાં વાયરલ થઇ રહ્યો છે.
આ વીડિયોમાં 47 વર્ષની શિલ્પા સફેદ આઉટફિટમાં પેપરાજીને પોઝ આપતી જોવા મળી હતી. અભિનેત્રીનો આ લુક ખૂબ જ સ્ટાઇલિશ અને ગ્લેમરસ હતો, પરંતુ તે પોતે આ ડ્રેસમાં બહુ કમ્ફર્ટેબલ લાગતી નહોતી. જે બાદ યુઝર્સે આ અંગે પોતાની ઉગ્ર પ્રતિક્રિયા આપી છે. કોમેન્ટ કરતી વખતે એક યુઝરે લખ્યું, “તમારી ઉંમરનું ધ્યાન રાખો”. તો ત્યાં બીજા યુઝરે લખ્યું કે, “તમને આ બિલકુલ સારું નથી લાગતું.”
શિલ્પા શેટ્ટી એક એવોર્ડ ફંક્શનમાં પહોંચી હતી, જ્યાં તેણે ખૂબ જ ડીપ નેક જમ્પસૂટ પહેર્યો હતો અને તેની ઉપર સફેદ કોટ પહેર્યો હતો. તેને કેટલાક એક્સેસરીઝ અને ખુલ્લા વાળ સાથે તેનો દેખાવ પૂર્ણ કર્યો. જો કે શિલ્પાનો આ લુક ખૂબ જ સ્ટાઇલિશ અને ગ્લેમરસ હતો, પરંતુ અભિનેત્રી આ ડ્રેસમાં બહુ કમ્ફર્ટેબલ લાગતી ન હતી.
આ દરમિયાન શિલ્પા વારંવાર પોતાના હાથથી શરીર ઢાંકતી અને કોટ પકડતી જોવા મળી હતી. વીડિયો અને તસવીરોમાં પણ શિલ્પા ઘણી અસહજ દેખાઈ રહી છે. સોશિયલ મીડિયા યુઝર્સને શિલ્પા શેટ્ટીની આ શાનદાર સ્ટાઈલ પસંદ નથી આવી, જે તેની ટિપ્પણી પરથી સ્પષ્ટ થાય છે. ઘણા લોકોએ શિલ્પાના સ્ટાઇલિશ અવતારની ટીકા કરવાનો પ્રયાસ કર્યો.
