બોલીવુડના સેલેબ્સની જેમ ક્રિકેટરોની લાઈફ પણ હંમેશા ચર્ચામાં રહેતી હોય છે, ઘણા ક્રિકેટરો એવા છે જેમને ગ્લેમર દુનિયાની અભિનેત્રીઓ સાથે લગ્ન પણ કરી લીધા છે. તેમના લગ્ન અને તેમનું જીવન પણ ખુબ જ લાઇમ લાઇટમાં રહેતું હોય છે, તો ઘણા ક્રિકેટરો એવા પણ હોય છે જેમને તેમના પ્રેમ સાથે જ લગ્ન કર્યા હોય છે અને અને તેમની પ્રેમ કહાનીઓ સામે આવતા જ ચાહકો પણ ખુબ જ ખુશ થઇ જતા હોય છે. આજે અમે તમને એવા જે એક ભારતીય ટીમના ક્રિકેટરની પ્રેમ કહાની જણાવીશું.
અમે વાત કરી રહ્યા છે પિયુષ ચાવલાની. તેને બાળપણમાં જ તેની પડોશમાં રહેતી અનુભૂતિ ચૌહાણ સાથે પ્રેમ થઈ ગયો હતો. ઘર નજીકમાં હોવાથી તે અવારનવાર તેના ઘરે આવતો હતો. અહીંથી બંનેની લવસ્ટોરી ધીરે ધીરે આગળ વધતી ગઈ. પિયુષ ચાવલા અને અનુભૂતિ ચૌહાણે 2 વર્ષ સુધી એકબીજાને ડેટ કર્યા હતા.
એક સમય એવો હતો જ્યારે પિયુષ અનુભૂતિના પ્રેમમાં પાગલ થઈ ગયો હતો અને અનુભૂતિ જ્યાં જતી હતી તે જિમમાં પિયુષ પણ જોડાયો હતો. એક દિવસ તક જોઈને પિયુષે અનુભૂતિને લગ્ન માટે પ્રસ્તાવ મૂક્યો, જે અનુભૂતિએ સ્વીકારી લીધો. અનુભૂતિ સોશિયલ મીડિયા પર પણ એક્ટિવ છે. તે અવારનવાર તેના પતિ અને પુત્ર સાથેના ફોટા શેર કરતી રહે છે.
અનુભૂતિ MBA ગ્રેજ્યુએટ છે અને લગ્ન સમયે કંપનીમાં HR તરીકે કામ કરતી હતી. અનુભૂતિને બે વર્ષ સુધી ડેટ કર્યા બાદ પિયુષે જુલાઈ 2013માં સગાઈ કરી હતી. લગ્નના ચાર વર્ષ બાદ પિયુષ ચાવલા અને અનુભૂતિ ચૌધરીના ઘરે 25 માર્ચ 2017ના રોજ એક પુત્રનો જન્મ થયો, જેનું નામ અદ્વિક હતું. પીયૂષ અવારનવાર પોતાના અને અદ્વિકના ફોટા સોશિયલ મીડિયા પર શેર કરે છે.
આટલું જ નહીં પિયુષની પત્ની ખૂબ જ સુંદર છે. IPL દરમિયાન તે ઘણી વખત પીયૂષની ટીમ KKRને સપોર્ટ કરતો જોવા મળ્યો હતો. ટીમના માલિક શાહરૂખ સાથે તેનો ફોટો પણ શેર કરવામાં આવ્યો હતો, જ્યારે શાહરૂખ પિયુષની સામે અનુભૂતિને ગળે લગાવી રહ્યો હતો. 2 નવેમ્બરે, શાહરૂખના જન્મદિવસ પર, પીયૂષની પત્નીએ આ થ્રોબેક ફોટો શેર કરીને તેને શુભેચ્છા પાઠવી હતી.
24 ડિસેમ્બર 1988ના રોજ ઉત્તર પ્રદેશના અલીગઢમાં જન્મેલા પીયૂષ ચાવલા ત્યારે ચર્ચામાં આવ્યા જ્યારે તેણે 2005-06 ચેલેન્જર ટ્રોફીમાં સચિન તેંડુલકરને તેની ગુગલી પર બોલ્ડ કર્યો. ત્યાર બાદ તેણે ધોની અને યુવરાજ જેવા દિગ્ગજ લોકોને પણ આઉટ કરી દીધા હતા.
પીયૂષ ચાવલાએ ઈંગ્લેન્ડ સામેની મોહાલી ટેસ્ટમાં ભારત તરફથી ડેબ્યૂ કર્યું હતું. તેને ભારતીય ટીમમાં વધુ રમવાની તક મળી નથી, પરંતુ તે અત્યાર સુધીમાં 3 ટેસ્ટ, 25 વનડે અને 7 ટી20 મેચ રમી ચૂક્યો છે. જોકે તે ભારત માટે 4 વિશ્વકપનો એક ભાગ હતો. તેણે 2006માં અંડર-19 વર્લ્ડ કપ, 2007 અને 2010માં T20 વર્લ્ડ કપ અને 2011નો ODI વર્લ્ડ કપ રમ્યો હતો.
