મુકેશ અંબાણીએ રાધિકા અને અનંતની મુલાકાત કરાવનારા મીઝાનને ગિફ્ટમાં આપ્યો 30 કરોડનો ફ્લેટ ? જાવેદ જાફરીનું સામે આવ્યું નિવેદન
Mukesh Ambani Gave A Flat Mizan : 12 જુલાઈના રોજ રિલાયન્સ ઈન્ડસ્ટ્રીઝના માલિક મુકેશ અંબાણીના નાના પુત્ર અનંત અંબાણીએ રાધિકા મર્ચન્ટ સાથે લગ્ન કર્યા હતા. આ લગ્ન સોશિયલ મીડિયા પર સર્વત્ર છવાઈ ગયા હતા. વિશ્વભરની હસ્તીઓ ભવ્ય લગ્ન, શુભ આશીર્વાદ અને પછી અંબાણી પરિવારના નાના પુત્રના સ્વાગતનો ભાગ બની હતી. શાહરૂખ ખાન, સલમાન ખાનથી લઈને આંતરરાષ્ટ્રીય સેલિબ્રિટી કિમ કાર્દાશિયન, ખલો કાર્દશિયન પણ અનંત-રાધિકાની ખુશીમાં જોડાયા હતા.
દરમિયાન, આ શાહી લગ્નમાં મહેમાનોને મળેલી રિટર્ન ગિફ્ટને લઈને સોશિયલ મીડિયા પર ઘણી ચર્ચા થઈ હતી. બીજી તરફ, સોશિયલ મીડિયા પર બોલિવૂડ વિશેના વિવાદાસ્પદ દાવાઓ માટે અવારનવાર હેડલાઇન્સમાં રહેતા કમાલ રાશિદ ખાન ઉર્ફે કેઆરકેએ પણ તાજેતરમાં એક વિડિયો જાહેર કર્યો હતો, જેમાં તેણે દાવો કર્યો હતો કે જાવેદ જાફરીનો પુત્ર અને અભિનેતા મીઝાન જાફરીને અંબાણી પરિવાર તરફથી એક અદ્ભુત ભેટ મળી છે.
કેઆરકેના જણાવ્યા મુજબ, મીઝાને જ રાધિકાનો પરિચય અનંત સાથે કરાવ્યો હતો અને આ માટે તેને મોટી ભેટ મળી છે. એક્સ પર પોસ્ટ શેર કરતા KRKએ પોતાના ટ્વીટમાં લખ્યું – ‘એક્ટર જાવેદ જાફરીનો પુત્ર મીઝાન જાફરી મુંબઈના બાંદ્રામાં સંધુ પેલેસમાં રહે છે, કારણ કે મુકેશ અંબાણીએ તેને 30 કરોડ રૂપિયાનો આ આલીશાન બંગલો ગિફ્ટ કર્યો છે. વાસ્તવમાં, મીઝાને જ રાધિકા અને અનંતને મલાવ્યા હતા અને બંનેનો પરિચય કરાવ્યો હતો. કંઈ પણ થઇ શકે છે.’
હવે કમાલ ખાનના આ દાવા પર મીઝાન જાફરીના પિતા અને અભિનેતા જાવેદ જાફરીએ પણ પ્રતિક્રિયા આપી છે. કમાલની પોસ્ટ પર પ્રતિક્રિયા આપતા જાવેદ જાફરીએ પોતાના દાવાની સત્યતા જણાવી છે. જાવેદે કમાલની પોસ્ટ પર હસતા ઈમોજી સાથે પ્રતિક્રિયા આપી છે અને જવાબ આપતા લખ્યું છે- ‘કંઈ પણ!!’ જાવેદની પ્રતિક્રિયાથી સ્પષ્ટ છે કે તેણે કમાલના દાવાને સંપૂર્ણપણે ફગાવી દીધો છે. જાવેદના જવાબ પછી ઘણા યુઝર્સે ફરીથી સોશિયલ મીડિયા પર KRKની ટીકા કરવાનું શરૂ કર્યું.
