દરેક વ્યક્તિ ઇચ્છતી હોય છે કે તેમનું નામ દુનિયાભરમાં ગુંજતું થાય, તેમના નામે રેકોર્ડ બને અને તેમનું નામ વર્લ્ડ રેકોર્ડ બુકમાં પણ લખાય. પરંતુ આ સપનું ઘણા ઓછા લોકોનું પૂર્ણ થાય છે. ઘણીવાર લોકો વર્લ્ડ રેકોર્ડ બનાવવા માટે કેટલીક એવી વસ્તુઓ કરે છે જેને જોઈને આપણે પણ હેરાન રહી જઇએ અને ઘણા લોકો પોતાના આવા જ અવનવા ટેલેન્ટ અને કારીગરી દ્વારા ગિનિસ બુકમાં પણ નામ નોંધાવતા હોય છે.
ગિનિસ વર્લ્ડ રેકોર્ડ્સે એક વ્યક્તિનો વીડિયો પોસ્ટ કર્યો છે જેણે ચહેરા પર સૌથી વધુ કાણાંનો રેકોર્ડ તોડ્યો છે. યુનાઇટેડ કિંગડમના જેમ્સ ગોસના ચહેરા પર 15 કાણા છે અને આ રેકોર્ડ આ વર્ષે ફેબ્રુઆરીમાં બન્યો હતો. તે પહેલાથી જ 14 કાણાં સાથે રેકોર્ડ ધારક હતો, જેણે 2020માં જર્મની સ્થિત જોએલ મિગલરના રેકોર્ડને તોડ્યો હતો. જોએલ મિગલરના ચહેરા પર 11 છિદ્રો હતા, જેનો રેકોર્ડ જેમ્સ ગોસે તોડ્યો હતો. ગોસના ગાલ પર 3 મીમી અને 18 મીમીના છિદ્રો છે.
GWR મુજબ, તેના ચહેરા પર નાકમાં બે કાણા છે, એક કાણું ઉપલા હોઠની ઉપર, બે ઉપલા હોઠના જમણા ખૂણામાં અને બે તેના મોંના ખૂણામાં છે. આ ઉપરાંત, તેના નીચલા હોઠની નીચે ચાર અને તેના ગાલ પર બે છિદ્રો છે. GWR વીડિયોમાં જેમ્સ ગોસ તેના ગાલના છિદ્રોમાંથી પસાર થવા માટે બે ચોપસ્ટિક જેવી લાકડીઓનો ઉપયોગ કરે છે. એટલું જ નહીં, તે તેના ગાલની અંદરથી લાલ રિબન પસાર કરે છે. આ જોઈને કોઈનું પણ હેરાન રહી જાય.
વીડિયોમાં તેને એમ કહેતા સાંભળી શકાય છે કે હું બહારથી કોણ છું, અંદરથી કોણ છું, હું જેટલો બદલાઈશ, તેટલો વધુ આરામદાયક અનુભવું છું. જો હું જે છું તેની સાથે હું કમ્ફર્ટેબલ હોઉં, તો અન્ય લોકોના અભિપ્રાયોથી કોઈ ફરક પડતો નથી. તેણે તેના કાણા સાથે શું કર્યું તે જોઈને યુઝર્સ આશ્ચર્યચકિત થઈ ગયા.
View this post on Instagram
આ વીડિયો સોશિયલ મીડિયા પર વાયરલ થયા બાદ એક યુઝરે કહ્યું, ‘મારો એક જ સવાલ છે. તમે આવું કેમ કર્યું ?’ અન્ય યુઝરે મજાકમાં પૂછ્યું, ‘ભાઈ તમે સૂપ કેવી રીતે પીઓ છો.’ ત્રીજા યુઝરે કોમેન્ટ કરી કે, ‘લોકો શું વિચારે છે કે તેનાથી કોઈને કોઈ ફરક નથી પડતો.’ જેમ્સ ગોસને વર્ષો પહેલા આ અનોખા કામમાં રસ પડ્યો. તેણે GWR ને કહ્યું, “મને હંમેશા ગમ્યું છે કે શરીર જે રીતે ઘણા બધા ફેરફારો જુએ છે. જ્યારે હું કિશોર વયે હતો, ત્યારે મને ટેટૂ, કાણા અને ઇયરલોબ કરાવવામાં ખૂબ જ રસ હતો. મેં જેટલું જોયું, એટલું જ મને ગમ્યું. ગોસે તેનું પ્રથમ છિદ્ર 13 વર્ષની ઉંમરે કરાવ્યું હતું.
