ગુજરાતી હિરોઇને રાષ્ટ્રીય શોક વચ્ચે ગ્લોબલ ઝાલાવાડ એક્સપોમાં લગાવ્યા ઠુમકા, રાજકીય નેતાઓ વચ્ચે ડાન્સનો વીડિયો વાયરલ
પૂર્વ વડાપ્રધાન મનમોહન સિંહના નિધન બાદ દેશમાં સાત દિવસનો રાષ્ટ્રીય શોક છે, ત્યારે ગુજરાતના સુરેન્દ્રનગર જિલ્લામાં બોલિવૂડ ફિલ્મ ‘સ્ત્રી 2’ના પ્રખ્યાત ગીત આજ કી રાત…પર ડાન્સને લઈને વિવાદ ઉભો થયો છે. સોશિયલ મીડિયા પર સામે આવેલા એક વીડિયોમાં અભિનેત્રી મમતા સોની ડાન્સ કરતી જોવા મળી રહી છે. કહેવામાં આવી રહ્યું છે કે આ પ્રસંગે સ્થાનિક સાંસદ ચંદુભાઈ સિરોહા સાથે બીજેપીના અન્ય નેતા પણ હાજર હતા.
બોલીવુડના પ્રખ્યાત હિન્દી ગીત પર મમતા સોનીનો ડાન્સ વીડિયો વાયરલ થયા વાત વિવાદ ઊભો થયો છે. 26 ડિસેમ્બરે પૂર્વ વડાપ્રધાન મનમોહન સિંહના નિધન બાદ કેન્દ્ર સરકારે સાત દિવસનો રાષ્ટ્રીય શોક જાહેર કર્યો હતો. મળતી માહિતી મુજબ અભિનેત્રી મમતા સોનીએ ત્રણ દિવસીય ગ્લોબલ ઝાલાવાડ મેગા એક્સ્પો 2024માં આ પ્રેઝન્ટેશન આપ્યું હતું. રાષ્ટ્રીય શોક જાહેર થયા બાદ ગુજરાત સરકારે અમદાવાદમાં કાંકરિયા કાર્નિવલ રદ્દ કરી દીધો હતો.
એટલું જ નહીં ઉપપ્રમુખ જગદીપ ઘનખડે વડોદરાની મુલાકાત પણ રદ કરી હતી. આ પછી વડોદરાની એમ.એસ.યુનિવર્સિટીના 73માં દીક્ષાંત સમારોહનું આયોજન સાદગી સાથે કરવામાં આવ્યું હતું. જો કે સુરેન્દ્રનગરમાં રાષ્ટ્રીય શોક વચ્ચે આ ડાન્સ વીડિયો વાયરલ થતા આયોજકોના વલણ પર સવાલો ઉઠી રહ્યા છે. કોંગ્રેસના નેતા અને પૂર્વ ધારાસભ્ય ઋત્વિક મકવાણાએ આની ટીકા કરી છે. એવું સામે આવ્યું છે કે આયોજકોએ અભિનેત્રી મમતા સોનીને બોલાવી હતી.
જ્યાં એકસ્પોનું ઉદ્ઘાટન સાંસદ ચંદુભાઈ સિહોરાના હસ્તે કરવામાં આવ્યું હતું. આ કાર્યક્રમમાં એક ગુજરાતી અભિનેત્રીને સ્ટોલ પાર્કમાં બોલાવીને ડાન્સ કરવાનો વીડિયો સોશિયલ મીડિયા પર વાયરલ થઈ રહ્યો છે. આ એક્સ્પોનું આયોજન એમ.પી.શાહ આર્ટસ એન્ડ સાયન્સ કોલેજ ખાતે કરવામાં આવ્યું હતું. મમતા સોની ગુજરાતી સિનેમાની અભિનેત્રી છે, જ્યારે ચંદુભાઈ સિહોરા પહેલીવાર સાંસદ તરીકે ચૂંટાયા છે. એક્સ્પોમાં અન્ય મોડેલોએ પણ ફિલ્મી ગીતો પર પરફોર્મન્સ આપ્યું હતું.
गुजरात के सुरेंद्र नगर में एक एक्सपो के उद्घाटन में अभिनेत्री ममता सोनी ने आज की रात… गाने पर लगाए ठुमके। राष्ट्रीय शोक के बीच हुए कार्यक्रम में स्थानीय सांसद और अन्य नेताओं की मौजूदगी के बाद खड़ा हुआ विवाद। pic.twitter.com/BtMYZ4NQZB
— ममता राजगढ़ (@rajgarh_mamta1) January 1, 2025
ઉલ્લેખનીય છે કે, આયોજકોને આ બાબત ધ્યાને આવતા 2 જ મિનિટમાં સાઉન્ડ બંધ કરાવ્યું હતું. જો કે સુરેન્દ્રનગરના સૃતિ બ્યુટી સલુન વાળાએ જાહેરાત માટે હિરોઈન બોલાવી હોવાનું સામે આવ્યું છે. જોરદાર ઝાલાવાડ સમૃધ્ધ ઝાલાવાડના સંકલ્પ સાથે યોજાયેલા આ એક્સપોમાં ગુજરાતી ફિલ્મ હિરોઈન મમતા સોનીના ઠુમકા અને ડાન્સથી અનેક તર્કવિર્તકો સર્જાયા હતા.
