Makar Sankranti 2024 Daan : મકર સંક્રાતિ એટલે કે ઉત્તરાયણના તહેવારને હવે ગણતરીના દિવસો જ બાકી રહ્યા છે, ત્યારે ગુજરાતમાં આ તહેવાર પર પતંગ ચગાવવાનું વિશેષ મહત્વ હોય છે. સવારથી જ લોકો ધાબા પર પણ ચઢી જતા હોય છે, પરંતુ આ સિવાય પણ સંક્રાંતિ પર દાન કરવાનું પણ વિશેષ મહત્વ રહેલું છે. મકરસંક્રાંતિનો તહેવાર દર વર્ષે સૂર્યના મકર રાશિમાં પ્રવેશની તારીખે ઉજવવામાં આવે છે. આ દિવસે ભગવાન સૂર્યદેવની પૂજા કરવાની પરંપરા છે.
આ વર્ષે મકરસંક્રાંતિ 15 જાન્યુઆરી 2024ના રોજ ઉજવવામાં આવશે. આ દિવસે ભક્તો ગંગા અને યમુના સહિતની પવિત્ર નદીઓમાં સ્નાન કરે છે. તેઓ ધાર્મિક પૂજા, જપ, તપ અને દાન પણ કરે છે. એવું માનવામાં આવે છે કે મકરસંક્રાંતિના દિવસે કેટલીક ખાસ વસ્તુઓનું દાન કરવાથી સાધકને તમામ પરેશાનીઓમાંથી મુક્તિ મળે છે અને સુખ-શાંતિની પ્રાપ્તિ થાય છે. જો તમે પણ જીવનમાં શુભ ફળ મેળવવા ઈચ્છતા હોવ તો મકરસંક્રાંતિના દિવસે પૂજા કર્યા બાદ આ વસ્તુઓનું દાન કરો.
1. ખીચડીનું દાન :
મકરસંક્રાંતિના તહેવારને કેટલીક જગ્યાએ ખીચડી તરીકે ઓળખવામાં આવે છે. આ ખાસ પ્રસંગે ખીચડીની સામગ્રીનું દાન કરો અથવા ખીચડી તૈયાર કરો. એવું માનવામાં આવે છે કે ખીચડીનું દાન કરવાથી વ્યક્તિની કુંડળીમાં સૂર્ય, ગુરુ અને ચંદ્રની સ્થિતિ મજબૂત બને છે અને પરિવારમાં ખુશીઓ આવે છે.
2. ગોળનું દાન :
આ સિવાય આ દિવસે ગોળનું પણ દાન કરવામાં આવે છે. કહેવાય છે કે મકરસંક્રાંતિના દિવસે ગોળનું દાન કરવાથી ભગવાન સૂર્ય પ્રસન્ન થાય છે. તેમજ તેમના આશીર્વાદ મેળવે છે.
3. ગરમ વસ્ત્રોનું દાન :
મકરસંક્રાંતિના દિવસે ગરીબ લોકોને ગરમ વસ્ત્રો અને ધાબળાનું દાન કરો. એવું માનવામાં આવે છે કે આ કરવાથી વ્યક્તિને શનિની પીડા અને રાહુના દોષથી રાહત મળે છે.
4. ઘીનું દાન :
આ દિવસે ઘીનું દાન કરવાથી ધનની દેવી લક્ષ્મી પ્રસન્ન થાય છે અને તેમની કૃપા હંમેશા બની રહે છે. તમને આર્થિક લાભ પણ મળશે.
5. કાળા તલનું દાન :
મકરસંક્રાંતિના દિવસે કાળા તલનું દાન કરવાનું ઘણું મહત્વ છે. આ ખાસ અવસર પર કાળા તલનું દાન કરો. પાણીમાં કાળા તલ નાંખો અને ભગવાન સૂર્યને જળ અર્પિત કરો. એવું માનવામાં આવે છે કે આવું કરવાથી શનિદેવની કૃપા પ્રાપ્ત થાય છે.
