મનોરંજન

સુનીલ શેટ્ટીની દીકરી અને ક્રિકેટર રાહુલે લગ્ન પહેલા સંગીત નાઇટમાં કર્યો આ ગીત પર ડાંસ, હવે જાન લઇને નીકળવા તૈયાર છે દુલ્હે રાજા કે એલ રાહુલ

પોતાની સંગીત સેરેમની પર સુનીલ શેટ્ટીની દીકરી અથિયાએ 90’s ના ગીત પર ખૂબ કર્યો ડાંસ, વાયરલ થયો વીડિયો

ટીમ ઈન્ડિયાના સ્ટાર ક્રિકેટર કેએલ રાહુલ અને અભિનેતા સુનીલ શેટ્ટીની લાડલી અથિયા શેટ્ટી 23 જાન્યુઆરીએ એટલે કે આજે લગ્નના બંધનમાં બંધાવા જઇ રહ્યા છે. લગ્નની તૈયારીઓ જોરશોરથી ચાલી રહી હતી અને હવે આખરે આજે લગ્નનો દિવસ પણ આવી ગયો. અથિયા અને રાહુલની સંગીત સેરેમની 22 જાન્યુઆરીએ થઈ હતી, જેમાં બોલિવૂડ અને ક્રિકેટ જગતની અનેક હસ્તીઓ પહોંચી હતી. અથિયા અને કેએલ રાહુલના લગ્ન સુનીલ શેટ્ટીના ખંડાલા ફાર્મહાઉસમાં થવાના છે.

લગ્ન સ્થળની ઘણી તસવીરો અને વીડિયો સોશિયલ મીડિયા પર વાયરલ થઈ રહ્યા છે. સંગીત સેરેમનીના પણ કેટલાક વીડિયો સામે આવ્યા છે, જે ચર્ચામાં છે. અથિયા શેટ્ટી અને રાહુલની સંગીત સેરેમની માટે કેટલાક સ્ટાર્સ પણ આવ્યા હતા. રોહન શ્રેષ્ઠ, ક્રિકેટર વરુણ એરોન અને રિતિક ભસીન, પંજાબી સિંગર અને એક્ટર ગિપ્પી ગ્રેવાલ પણ પહોંચ્યા હતા. સંગીતમાં અર્જુન કપૂર પણ જોડાયો હતો અને તેની બહેન અંશુલા પણ જોવા મળી હતી.

અથિયા અને રાહુલના લગ્ન પરંપરાગત રીતે થવાના છે અને લગ્નમાં લગભગ 100 મહેમાનોને જ આમંત્રિત કરવામાં આવ્યા છે. રાહુલ અને અથિયા શેટ્ટીના લગ્નની આગલી રાત્રે સંગીત સેરેમનીમાં ઘણા સેલેબ્સ વેડિંગ વેન્યુમાં એન્ટ્રી કરતા જોવા મળ્યા હતા. ફોટોગ્રાફર રોહન શ્રેષ્ઠ પણ લગ્ન સ્થળ પર જોવા મળ્યો હતો, જેણે થોડા દિવસો પહેલા મહાન ફૂટબોલર લિયોનેલ મેસીએ પોઝ આપ્યો હતો.

વેડિંગ વેન્યુ પરથી બોલિવુડના ઘણા ગીતો સાંભળવા મળી રહ્યા છે. અહેવાલો અનુસાર, કેએલ રાહુલ અને અથિયા શેટ્ટીએ તેમના પરિવાર અને મિત્રો સાથે સંગીતમાં ખૂબ આનંદ કર્યો હતો. એવું કહેવામાં આવી રહ્યું છે કે આ કપલે 90ના દાયકાના હિટ સલમાન ખાનના ગીત ‘મુઝસે શાદી કરોગી’ પર ડાન્સ કર્યો હતો.

જણાવીએ કે, મીડિયા કવરેજ સંપૂર્ણપણે પ્રતિબંધિત છે અને આ યુગલો સાંજે 6:30 વાગ્યાની આસપાસ તેમના પરિવાર સાથે પહેલીવાર મીડિયાની સામે જોવા મળશે. પિંકવિલાના અહેવાલ મુજબ સુનીલ શેટ્ટીની પત્ની માના શેટ્ટી અને પુત્ર અહાન શેટ્ટીએ સંગીતમાં પરફોર્મ કર્યું હતું. અથિયાની ક્લોઝ ફ્રેન્ડ આકાંક્ષા રંજન કપૂરના ડાન્સ પર્ફોર્મન્સની પણ જાણ થઈ છે.

 

View this post on Instagram

 

A post shared by ETimes (@etimes)

જો કે, ફંક્શનમાંથી અથિયા અને કેએલ રાહુલના ડાન્સનો વીડિયો હજુ સામે આવ્યો નથી. અન્ય સેલિબ્રિટી વેડિંગની જેમ અથિયા અને કેએલ રાહુલના લગ્નમાં પણ નો ફોન પોલિસી છે. મહેમાનોને તેમના ફોન લઈ જવાની મંજૂરી નથી જેથી ફોટા લીક ન થાય. સુનીલ શેટ્ટીના ફાર્મહાઉસને તમામ ધાર્મિક વિધિઓ અને કાર્યો માટે સુંદર રોશની અને ફૂલોથી સજાવવામાં આવ્યું છે. પેપરાજી પણ ખંડાલા ફાર્મહાઉસની બહાર બેઠા છે.

 

View this post on Instagram

 

A post shared by @varindertchawla

સુનીલ શેટ્ટીએ તેમના માટે ટેન્ટ લગાવ્યા છે અને આ ઉપરાંત ખાવાની પણ સુંદર વ્યવસ્થા કરી છે. સુનીલ શેટ્ટીએ પેપરાજી સાથે મુલાકાત પણ કરી હતી. તેણે પેપરાજીને વચન આપ્યું છે કે લગ્ન પછી તે પુત્રી અથિયા અને જમાઈ કેએલ રાહુલને લઇને તેમની સામે આવશે. સુનીલ શેટ્ટીએ કહ્યું, ‘હું કાલે બાળકોને લઈને આવીશ. તમે જે પ્રેમ દર્શાવ્યો છે તે બદલ તમારો ખૂબ ખૂબ આભાર. જણાવી દઇએ કે, અથિયા શેટ્ટી અને કેએલ રાહુલની લવ સ્ટોરી 2019માં શરૂ થઈ હતી.

 

View this post on Instagram

 

A post shared by Viral Bhayani (@viralbhayani)

રિપોર્ટ્સ અનુસાર બંનેની મુલાકાત એક કોમન ફ્રેન્ડ દ્વારા થઈ હતી. થોડા સમય માટે અથિયા અને કેએલ રાહુલે તેમના સંબંધોને ગુપ્ત રાખ્યા હતા. પરંતુ અથિયા અને કેએલ રાહુલે સુનીલ શેટ્ટીના પુત્ર અહાનની ડેબ્યુ ફિલ્મ ‘તડપ’ના સ્ક્રીનિંગમાં તેમના સંબંધોને સત્તાવાર બનાવ્યા હતા. ત્યારથી બંને એકસાથે ફરતા અને સોશિયલ મીડિયા પર રોમેન્ટિક તસવીરો પોસ્ટ કરતા જોવા મળે છે.

 

View this post on Instagram

 

A post shared by ETimes (@etimes)

મીડિયા રિપોર્ટ્સમાં એવું કહેવામાં આવી રહ્યું છે કે રાહુલ અને અથિયા લગ્ન માટે તૈયાર છે અને બપોરે 2:30 વાગ્યે કેએલ રાહુલ જાન સાથે ખંડાલાના ફાર્મહાઉસ પહોંચશે.ફાર્મહાઉસની નજીક રેડિસન હોટેલ છે જ્યાં વરરાજા, તેનો પરિવાર અને મિત્રો રોકાયા છે. જાન બાદ 4:15 કલાકે ફેરા થશે.