પેટ કમિન્સની કપ્તાની હેઠળ સનરાઈઝર્સ હૈદરાબાદ (SRH) એ ઈન્ડિયન પ્રીમિયર લીગ (IPL 2024)માં ઈતિહાસ રચ્યો. આ ટીમે બુધવારે એટલે કે 27 માર્ચે આઈપીએલના ઈતિહાસમાં સૌથી વધુ 277 રન બનાવીને મેચ જીતી લીધી. આ મેચમાં SRHએ હાર્દિક પંડ્યાના કપ્તાની વાળી મુંબઈ ઈન્ડિયન્સ (MI)ને 31 રનથી હરાવ્યું હતું. મુંબઈને IPL ઈતિહાસમાં 278 રનનો સૌથી મોટો ટાર્ગેટ મળ્યો હતો, જેના જવાબમાં MIની ટીમ 5 વિકેટ ગુમાવીને માત્ર 246 રન જ બનાવી શકી.
MI આ સિઝનમાં તેની સતત બીજી મેચ હારી. પ્રથમ બેટિંગ કરવા ઉતરેલી સનરાઇઝર્સ ટીમે સારી શરૂઆત કરી અને 3 વિકેટ ગુમાવીને 277 રન બનાવ્યા. આઈપીએલ ઈતિહાસનો આ સૌથી મોટો સ્કોર છે. આ સાથે રોયલ ચેલેન્જર્સ બેંગ્લોર (RCB)નો 11 વર્ષ જૂનો રેકોર્ડ તૂટી ગયો છે. RCBએ 23 એપ્રિલ 2013ના રોજ પુણે વોરિયર્સ સામે 5 વિકેટે 263 રન બનાવ્યા હતા. મુંબઈ તરફથી હાર્દિક પંડ્યા, ગેરાલ્ડ કોએત્ઝી અને પિયુષ ચાવલાએ 1-1 વિકેટ લીધી હતી.
જો કે, મેચ હાર્યા બાદ હાર્દિક પંડ્યા અને સચિન તેંડુલકરે ડ્રેસિંગ રૂમમાં ટીમનું મનોબળ વધારવાનો શ્રેષ્ઠ પ્રયાસ કર્યો હતો. મુંબઇ ઇન્ડિયન્સે આ દરમિયાનનો એક વીડિયો શેર કર્યો છે જેમાં હાર્દિક શોલ્જર્સનો ઉલ્લેખ કરતો જોવા મળે છે. વીડિયોના સ્ટાર્ટિંગમાં સચિન તેંડુલકર કહેતા જોવા મળે છે, બીજા હાફમાં 277 રન બનાવવા છત્તાં 10 ઓવર સુધી કોઇ નહોતુ જાણતુ કે સ્પષ્ટ વિજેતા કોણ છે. રમત ખૂબ ખુલ્લી હતી. લક્ષ્ય ઘણી હદ સુધી પ્રાપ્ત કરી શકાય એવું હતુ.
એ ક્લિઅર કટ સંકેત છે કે આપણે બેટિંગ સારી કરી છે, તો આવો એકસાથે રહીએ મજબૂતીથી. કઠિન ક્ષણ આવવાની છે, આપણે એક સમૂહના રૂપમાં એકસાથે રહીશું અને આગળ વધારીશું. સચિન પછી MI કેપ્ટન હાર્દિક પંડ્યાએ બોલરોની વિશેષ પ્રશંસા કરી અને તેઓ ઉત્સાહમાં આવ્યા. હાર્દિકે કહ્ય0- “સૌથી કઠિન શોલ્જર્સને સૌથી કઠિન પરીક્ષા મળે છે. અને આપણે સ્પર્ધામાં સૌથી અઘરી ટીમ છીએ.
બેટિંગ ગ્રૂપ તરીકે કે મુંબઈ ઈન્ડિયન્સ એકંદરે આપણે જ્યાં હતા તેની નજીક પણ આવી શકે છે, તે આપણે છીએ. મને વાસ્તવમાં આના પર ગર્વ છે કે આપણા બોલરો છે. દિવસ મુશ્કેલ હતો ત્યારે પણ મેં કોઈને ભાગતા જોયા નથી. દરેકને બોલ જોઈતો હતો અને તે એક સારો સંકેત છે. તો ચાલો સુનિશ્ચિત કરીએ કે ગમે તે થાય આપણે એકબીજાની મદદ કરીશું. સૌથી ખરાબ, સારું, આપણે તેને સાથે મળીને મેનેજ કરીશું.”
View this post on Instagram
