રોયલ પેલેસના ઇંટીરિયરને ટક્કર આપે છે ઇમરાન હાશમીનું ઘર, જુઓ અંદરની તસવીરો
બોલિવૂડમાં પોતાની ધમાકેદાર વાપસી સાથે ઇમરાન હાશમી ફિલ્મ ‘સેલ્ફી’માં ધૂમ મચાવતો જોવા મળી રહ્યો છે. આજકાલ દરેક જગ્યાએ ઈમરાન હાશમીની ચર્ચા છે. 24 માર્ચ 1979ના રોજ મુંબઈમાં જન્મેલ ઈમરાન હાશમી ફિલ્મી બેકગ્રાઉન્ડમાંથી આવે છે. તેની દાદી મેહર બાનુ મોહમ્મદ અલી તેમના સમયની અભિનેત્રી હતી. ઈમરાન હાશમી નિર્દેશક-નિર્માતા મહેશ ભટ્ટ અને મોહિત સૂરી સાથે સંબંધ ધરાવે છે. ઈમરાને ફિલ્મ ‘રાઝ’થી આસિસ્ટન્ટ ડિરેક્ટર તરીકે કરિયરની શરૂઆત કરી હતી.
જે પછી તેને હીરો તરીકે પહેલો બ્રેક ફિલ્મ ‘ફૂટપાથ’થી મળ્યો. મલ્લિકા શેરાવત સાથેની તેની ફિલ્મ મર્ડર એ ઈમરાન હાશમીને બોલિવૂડનો કિસિંગ બોય બનાવી દીધો. જો કે ફિલ્મોની બહાર ઈમરાન હાશમીનું નામ ક્યારેય કોઈ અભિનેત્રી સાથે જોડાયું ન હતું. ઈમરાન હાશમી રિયલ લાઇફમાં એક પારિવારિક માણસ છે.
કોલેજના દિવસોમાં તેને પરવીન સાહની સાથે પ્રેમ થયો હતો અને બંનેએ લાંબા સમય સુધી ડેટિંગ કર્યા બાદ લગ્ન કરી લીધા હતા. બંનેને એક પુત્ર પણ છે. ઈમરાન હાશમી શાનદાર લાઇફ જીવે છે, તે રોયલ ઘરમાં રહે છે. તેના ઘરનું ઈન્ટિરિયર કોઈ રોયલ પેલેસથી ઓછું નથી. અભિનેતાએ દરેક ખૂણાને સુંદર રીતે સજાવ્યો છે.
આ સાથે ઘરનો લુક પણ વિન્ટેજ રાખવામાં આવ્યો છે. ઈમરાન હાશમી ઘરના એક ખૂણામાં પુત્ર સાથે ચેસ પણ રમે છે. ઘરના દરેક ખૂણામાં ઇમરાન હાશમીએ તેના પરિવારના સભ્યો સાથે સુંદર યાદો તાજી રાખી છે. ઈમરાન હાશમીએ ઘરની દિવાલોને પેસ્ટલ રંગોથી રંગાવી છે.
ઈમરાને ઘરની દરેક દીવાલને ક્લાસી આર્ટવર્કથી સજાવી છે. ઈમરાન હાશમીને મોંઘા વાહનોનો શોખ છે. તેની પાસે લક્ઝરી કારનું કલેક્શન છે, જેમાં રોલ્સ રોયસ, લેમ્બોર્ગિની જેવા વાહનોનો સમાવેશ થાય છે. અભિનેતાને ઘડિયાળોનો પણ ઘણો શોખ છે.
તેની પાસે ઓમેગા, રાડો, કાર્ટિયાર, રોલેક્સ, લિમિટેડ એડિશન વોચ ઓફ ફ્રાન્સ બ્રાન્ડ, પિયાઝે, યેગર લે કોચર, બ્રોગે અને ઓડેમાર્સ પીગે જેવી બ્રાન્ડ્સ છે. કેટલાક રીપોર્ટ્સ અનુસાર, ઈમરાનના લક્ઝરી હાઉસની કિંમત લગભગ 16 કરોડ રૂપિયા છે.
આ સાથે જ તેની પાસે દેશભરમાં બીજી રિયલ એસ્ટેટ પ્રોપર્ટી પણ છે. મીડિયા રિપોર્ટ્સ અનુસાર, ઈમરાન ખાન એક ફિલ્મ માટે 5-6 કરોડ રૂપિયા સુધી ચાર્જ કરે છે. બ્રાન્ડ એન્ડોર્સમેન્ટ માટે પણ બે કરોડ રૂપિયા લે છે.
તે ફિલ્મો અને બ્રાન્ડ એન્ડોર્સમેન્ટમાંથી કમાણી કરે છે. તેની કુલ સંપત્તિની વાત કરીએ તો ઈમરાન હાશમી કુલ 14 મિલિયન ડોલરની સંપત્તિનો માલિક છે. ભારતીય ચલણમાં ઈમરાનની કુલ સંપત્તિ લગભગ 105 કરોડ રૂપિયા છે.
