પિતા ધર્મેન્દ્રના 88માં જન્મ દિવસ પર કેક કાપતા ભાવુક થઇ ગયો દીકરો સની દેઓલ, ચાહકો સાથે જ હિમેને કાપી કેક, જુઓ વીડિયો
Dharmendra celebrated his 88th birthday : બોલિવૂડના હીમેન ધર્મેન્દ્ર આજે પણ પોતાના ચાહકોના દિલ પર રાજ કરે છે. ધર્મેન્દ્ર બોલિવૂડનું એક એવું નામ છે જેણે ઘણા દાયકાઓ સુધી ઈન્ડસ્ટ્રી પર રાજ કર્યું. આજે ધર્મેન્દ્રનો જન્મદિવસ છે. ધર્મેન્દ્ર આજે તેમનો 88મો જન્મદિવસ ઉજવી રહ્યા છે. આ અવસર પર તેનો પરિવાર, ચાહકો અને નજીકના લોકો તેને જન્મદિવસની ઘણી શુભેચ્છાઓ આપી રહ્યા છે. આવી સ્થિતિમાં બાળકો સની દેઓલ અને એશા દેઓલે પણ સોશિયલ મીડિયા પર ધર્મેન્દ્રને તેમના ખાસ દિવસે જન્મદિવસની શુભેચ્છા પાઠવી છે.
ધર્મેન્દ્રએ ઉજવ્યો 88મોં જન્મ દિવસ :
દરમિયાન, ધર્મેન્દ્રના જન્મદિવસની ઉજવણીનો એક વીડિયો સામે આવ્યો છે, જેમાં પિતાને કેક કાપતા જોઈને સની ભાવુક થઈ જાય છે. આ વીડિયોમાં અભિનેતા તેના જન્મદિવસ પર એક મોટી કેક કાપતો જોવા મળી રહ્યો છે. તેની સાથે દીકરો સની દેઓલ અને ટીમના કેટલાક નજીકના લોકો પણ જોવા મળી રહ્યા છે. વીડિયોમાં તમે જોઈ શકો છો કે ધર્મેન્દ્ર મીડિયા સામે આવે છે અને પછી કેક કાપતા જોવા મળે છે. પિતાની બાજુમાં ઉભેલા સની દેઓલ આ ખાસ પળમાં ભાવુક થઈ જાય છે.
સનીએ આપી શુભકામનાઓ :
વીડિયોમાં તમે જોઈ શકો છો કે સની દેઓલ ખિસ્સામાંથી રૂમાલ કાઢીને પોતાના આંસુ લૂછી રહ્યો છે. આ પછી ધર્મેન્દ્ર પોતાના પુત્રને કેક ખવડાવતા જોવા મળે છે. આ વીડિયો પર કોમેન્ટ કરીને યુઝર્સ ધર્મેન્દ્રને તેમના જન્મદિવસની શુભેચ્છા પાઠવી રહ્યા છે. સની દેઓલે પણ પોતાના ઈન્સ્ટાગ્રામ એકાઉન્ટ પર પિતા ધર્મેન્દ્રને શુભેચ્છા પાઠવી છે. સનીએ તેના પિતા સાથેની પોતાની એક સુંદર તસવીર ઈન્સ્ટા પર શેર કરી છે.
View this post on Instagram
બોબીએ પણ કરી કોમેન્ટ :
આ સાથે તેણે કેપ્શનમાં લખ્યું છે કે, ‘હેપ્પી બર્થ ડે પાપા લવ યુ.’ તે જ સમયે, એનિમલ સ્ટાર બોબી દેઓલે પણ આ તસવીર પર રેડ હાર્ટ ઇમોજી પોસ્ટ કરી છે. આ સિવાય ધર્મેન્દ્રની પુત્રી એશા દેઓલે પણ તેના પિતાને શુભેચ્છા પાઠવી છે. ઈશાએ તેના પિતા સાથે તેની સુંદર તસવીરો શેર કરી છે. આ તસવીરો સાથે ઈશાએ કેપ્શનમાં લખ્યું કે, ‘હેપ્પી બર્થડે મારા પ્રિય પપ્પા, હું તમને પ્રેમ કરું છું… હું પ્રાર્થના કરું છું કે તમે હંમેશા ખુશ, સ્વસ્થ અને મજબૂત રહો..’
View this post on Instagram
