આ બિઝનેસમાં 90% સુધીનો ખર્ચ ઉઠાવશે સરકાર
જો તમે એવો ધંધો કરવાનું વિચારી રહ્યા છો જેમાં તમારે કોઈ અલગ જગ્યા લેવાની જરૂર ન પડે, તો તમે તમારા ઘરની ખાલી છતનો ઉપયોગ કરીને લાખો રૂપિયા કમાઈ શકો છો. આ માટે તમારે છત પર સોલર પેનલ લગાવવી પડશે. સોલર પેનલ ગમે ત્યાં સ્થાપિત કરી શકાય છે. જો તમે ઇચ્છો તો, તમે છત પર સોલર પેનલ લગાવીને વીજળી બનાવી શકો છો અને તેને ગ્રીડમાં સપ્લાય કરી શકો છો.
90% સબસિડી ઉપલબ્ધ મળે છે : જો તમને PM કુસુમ યોજના હેઠળ સોલર પેનલ લગાવો છો, તો તમારે માત્ર 10 ટકા રકમ ચૂકવવી પડશે. બાકીનો 90 ટકા ખર્ચ સરકાર અને બેંક ભોગવશે. કુસુમ યોજના હેઠળ સોલાર પેનલ સબસિડી પર આપવામાં આવે છે. રાજ્ય સરકારો સૌર પેનલ પર 60 ટકા સબસિડી સીધા લાભાર્થીના બેંક ખાતામાં મોકલે છે. જ્યારે બેંક દ્વારા 30 ટકા સબસિડી આપવામાં આવે છે.
તેનો ખર્ચ કેટલો થશે? : સોલર પેનલની કિંમત આશરે એક લાખ રૂપિયા છે. આ ખર્ચ દરેક રાજ્ય પ્રમાણે અલગ છે. પરંતુ સરકાર તરફથી સબસિડી પછી, એક કિલોવોટ સોલાર પ્લાન્ટ માત્ર 60 થી 70 હજાર રૂપિયામાં સ્થાપિત થાય છે. તમને જણાવી દઈએ કે કેટલાક રાજ્યો આ માટે અલગથી વધારાની સબસિડી પણ આપે છે. જો તમારી પાસે સોલર પાવર પ્લાન્ટ સ્થાપવા માટે 60 હજાર રૂપિયાની એકસાથે રકમ નથી, તો તમે કોઈપણ બેંકમાંથી લોન પણ લઈ શકો છો. નાણા મંત્રાલયે તમામ બેંકોને લોન આપવા જણાવ્યું છે.
25 વર્ષ સુધી થશે કમાણી : સોલર પેનલનું આયુષ્ય 25 વર્ષ છે. તમે આ પેનલને તમારી છત પર સરળતાથી સ્થાપિત કરી શકો છો. અને પેનલમાંથી મળતી વીજળી મફતમાં મળશે. આ ઉપરાંત, તમે ગ્રીડ દ્વારા સરકાર અથવા કંપનીને બાકીની વીજળી વેચી શકો છો. મતલબ ફ્રી સાથે કમાણી. જો તમે તમારા ઘરની છત પર બે કિલોવોટની સોલર પેનલ લગાવો છો, તો દિવસમાં 10 કલાક સૂર્યપ્રકાશના કિસ્સામાં, તે લગભગ 10 યુનિટ વીજળી ઉત્પન્ન કરશે. જો આપણે મહિનાની ગણતરી કરીએ તો બે કિલોવોટ સોલર પેનલથી લગભગ 300 યુનિટ વીજળી ઉત્પન્ન થશે.
સોલર પેનલ ક્યાંથી ખરીદવી :
- સોલર પેનલ ખરીદવા માટે તમે રાજ્ય સરકારની રિન્યુએબલ એનર્જી ડેવલપમેન્ટ ઓથોરિટીનો સંપર્ક કરી શકો છો.
- જેના માટે રાજ્યોના મોટા શહેરોમાં ઓફિસો બનાવવામાં આવી છે.
- દરેક શહેરમાં ખાનગી વેપારીઓ પાસે પણ સોલર પેનલ ઉપલબ્ધ છે.
- સબસિડી માટેનું ફોર્મ ઓથોરિટી ઓફિસમાંથી જ ઉપલબ્ધ થશે.
- ઓથોરિટી પાસેથી લોન લેવા માટે, તમારે પહેલા સંપર્ક કરવો પડશે.મેન્ટેનેંસ પર કોઈ ખર્ચ નથી થતો
મેન્ટેનેંસ પર કોઈ ખર્ચ નથી થતો : સોલર પેનલ્સમાં મેઇન્ટેનન્સ ખર્ચનું કોઇ ટેન્શન નથી. પરંતુ તેની બેટરી દર 10 વર્ષે એક વખત બદલવી પડે છે. તેની કિંમત લગભગ 20 હજાર રૂપિયા છે. આ સોલાર પેનલને એક જગ્યાએથી બીજી જગ્યાએ સરળતાથી ખસેડી શકાય છે.
પાંચસો વોટ સુધીની સોલાર પેનલ ઉપલબ્ધ : આ પહેલ સરકાર દ્વારા પર્યાવરણ સંરક્ષણને ધ્યાનમાં રાખીને શરૂ કરવામાં આવી હતી. જરૂરિયાત મુજબ પાંચસો વોટ સુધીની સોલાર પાવર પેનલ લગાવી શકાય છે. આ અંતર્ગત પાંચસો વોટની આવી દરેક પેનલનો ખર્ચ 50 હજાર રૂપિયા સુધી થશે. આ પ્લાન્ટ્સ એક કિલોવોટથી પાંચ કિલોવોટની ક્ષમતામાં સ્થાપિત કરી શકાય છે.
