કેરી ખાધા બાદ તમે પણ આ વસ્તુઓ ખાવ છો તો સામે ચાલીને આપી રહ્યા છો બીમારીઓને આમંત્રણ, જાણો કઈ 5 વસ્તુ ના ખાવી
Eating rules for Mangoes : ગરમીની મોસમમાં કેટલીક વસ્તુઓ એવી આવે છે જે ખાવા માટે લોકો આખું વર્ષ રાહ જોતા હોય છે. આઈસ્ક્રીમ, ગોલા સિવાય કેટલાય ફ્રૂટ પણ એવા છે જે ફક્ત ઉનાળામાં જ મળતા હોય છે. એવું જ એક ફ્રૂટ છે કેરી, જેને લોકો બીજા બધા ફ્રૂટ કરતા પણ ખાસ પસંદ કરતા હોય છે. ત્યારે હાલ ઉનાળો આવી ગયો છે અને બજારમાં કેરીનું પણ ધૂમ વેચાણ થઇ રહ્યું છે.
પરંતુ કેરી ખાધા બાદ કેટલીક વસ્તુઓ ખાવીએ સ્વાસ્થ્યને નુકશાન પહોંચાડી શકે છે. કેરી ખાધા બાદ પેટમાં દુખાવો, ગેસ, એસિડિટી અને ચહેરા પર પિમ્પલ્સની ફરિયાદ હોય તો તેની પાછળનું કારણ તેને ખાવાની રીત હોઈ શકે છે. હા, ઘણા લોકો ખાધા પછી આવી ઘણી બધી ખાદ્યપદાર્થો ખાય છે જેના કારણે આવી સમસ્યાઓ થઈ શકે છે. તો આજે આપણે એવી જ કેટલીક ખાદ્ય વસ્તુઓ વિશે જાણીશું, જે કેરી ખાધા પછી તરત જ ન ખાવી જોઈએ.
1. પાણી:
કેરી ખાધા પછી તરત જ પાણી પીવું મોંઘુ પડી શકે છે. કેરી ખાધા પછી પાણી પીવાથી પેટ સંબંધિત ઘણી સમસ્યાઓ થઈ શકે છે. જેમાં પેટમાં દુખાવો, અપચો, પેટ ફૂલવું અને એસિડિટી જેવી સમસ્યાઓનો સમાવેશ થાય છે. તેનાથી બચવા માટે ધ્યાન રાખો કે કેરી ખાધા પછી અડધા કલાક સુધી પાણી ન પીવો.
2. દહીં :
જો તમે કોઈ પણ રીતે દહીં અને કેરી એકસાથે ખાઓ તો તે ખોટી રીત છે. કેરી સાથે કે તરત જ દહીં ખાવાથી તમારા પેટ અને ત્વચાની તંદુરસ્તી બગડી શકે છે. કેરી ગરમ હોય છે જ્યારે દહીં ઠંડું હોય છે, આવી સ્થિતિમાં બંનેનું મિશ્રણ સ્વાસ્થ્ય પર વિપરીત અસર કરે છે.
3. મસાલેદાર ખોરાક:
જો તમે ઈચ્છો છો કે તમારા ચહેરા પર મોટા પિમ્પલ્સ ન થાય, તો કેરી ખાધા પછી તરત જ ક્યારેય ભૂલથી મસાલેદાર ખોરાક ન ખાઓ. આના કારણે પેટમાં ગરમી વધી જાય છે, જે પાછળથી તમારા ચહેરા પર પિમ્પલ્સના રૂપમાં દેખાઈ શકે છે.
4. કોલ્ડડ્રિંક :
જો તમે શુગરના દર્દી છો તો તમારા માટે એ જાણવું ખૂબ જ જરૂરી છે કે કેરી ખાધા પછી તરત જ કોલ્ડ ડ્રિંક ન પીવો. કારણ કે કેરી અને કોલ્ડ ડ્રિંક્સમાં ખાંડ મોટી માત્રામાં મળે છે. જે મિનિટોમાં તમારું સ્વાસ્થ્ય બગાડી શકે છે.
5. કારેલા:
જો કે કેરી ખાધા પછી ભાગ્યે જ કોઈ વ્યક્તિ કારેલા ખાતી હશે, પરંતુ જો તમે આમ કરતા હોવ તો તમે મોટી મુશ્કેલીમાં મુકાઈ શકો છો. કેરી ખાધા પછી કારેલા ખાવાથી પેટમાં એસિડિટી વધે છે. આવી સ્થિતિમાં તમને ઉલ્ટી, ઉબકા અને શ્વાસ લેવામાં તકલીફ જેવી સમસ્યાઓ થઈ શકે છે.
