અંદરથી આટલો લગ્ઝરી દેખાય છે, કોઇ 3BHK ફ્લેટની કિંમત પણ મોંઘો છે Appleનો મુંબઇવાળો સ્ટોર, જુઓ Exclusive PHOTOS
દેશની આર્થિક રાજધાની મુંબઇમાં Appleના પહેલા સ્ટોરનું ઓપનિંગ થઇ ચૂક્યુ છે. કંપની ભારતમાં 20મી એપ્રિલે સાકેતમાં તેનો બીજો સ્ટોર ખોલવા જઈ રહી છે. એપલના મુંબઈ સ્ટોરના ઉદ્ઘાટન માટે કંપનીના સીઈઓ ટિમ કૂક પણ અહીં પહોંચ્યા હતા. આ દરમિયાન તે અંબાણી પરિવાર સિવાય ઘણી સેલિબ્રિટીઓને પણ મળ્યા હતા. મુંબઈના બાંદ્રા કુર્લા કોમ્પ્લેક્સ એટલે કે BKCમાં ખોલવામાં આવેલા આ સ્ટોરનું ઉદ્ઘાટન એપલના સીઈઓ ટિમ કૂકે કર્યું હતું.
આ દરમિયાન તેમણે વ્યક્તિગત રીતે સ્ટોર પર આવેલા ગ્રાહકોનું સ્વાગત કર્યું. એપલ સ્ટોર પર પહોંચેલા ગ્રાહકોમાં ટિમ કુક સાથે સેલ્ફી લેવાની હરીફાઈ જોવા મળી હતી. 100થી વધુ કર્મચારીઓ અને CEO ટિમ કૂક સ્ટોરની અંદરથી અનોખી રીતે બહાર આવ્યા અને ગ્રાહકોને શુભેચ્છા પાઠવી. તમે વિચારતા હશો કે એપલના ભારતમાં પહેલાથી જ ઘણા સ્ટોર્સ છે, તો આ કેવી રીતે પહેલો રિટેલ સ્ટોર છે.
તો જણાવી દઇએ કે તે બધા એપલ સ્ટોર્સ છે જે થર્ડ પાર્ટી દ્વારા ખોલવામાં આવ્યા છે. એપલનો આ પહેલો સત્તાવાર સ્ટોર છે. એપલના સત્તાવાર સ્ટોરના ઘણા ફાયદા છે. અહીં તમને તમામ ઉત્પાદનોનો મોટો પોર્ટફોલિયો મળશે. આ સિવાય તમે એક્સક્લુઝિવ ઑફર્સ પણ મેળવી શકો છો. બાંદ્રા કુર્લા કોમ્પ્લેક્સમાં શરૂ કરાયેલ આ એપલ સ્ટોરમાં એક ગતિશીલ જગ્યા છે જ્યાં ગ્રાહકો એકસાથે Apple ઉત્પાદનો અને સેવાઓનો આનંદ માણી શકે છે.
આ સાથે, અહીં એપલ ટ્રેનિંગ સેશન દ્વારા તમે એપલ પ્રોડક્ટ્સને સારી રીતે ચલાવવાનું પણ શીખી શકો છો. મુંબઈનું Apple BKCએ વિશ્વનું સૌથી ઉર્જા કાર્યક્ષમ એપલ સ્ટોર છે જ્યાં સમર્પિત સોલાર પેનલ્સ ઇન્સ્ટોલ કરવામાં આવી છે. Apple BKCમાં ટ્રાયેંગલ હૈંડક્રાફ્ટ ટિમ્બર સીલિંગનો ઉપયોગ કરવામાં આવ્યો છે, જેને એક્ટીરિયર કૈનોપીના અંડરસાઇડમાં લગાવવામાં આવ્યું છે.
પ્રત્યેક ટાઇપને 408 ટિમ્બર પીસથી મળાવવામાં આવી છે અને પર ટાઇપ પર 31 મોડ્યુલનો ઉપયોગ કરવામાં આવ્યો છે. પૂરી સિલિંગમાં 1000 ટાઇલ્સ લગાવવામાં આવી છે. Apple BKC આવનાર વિજિટર્સ લેટેસ્ટ iPhone, Mac, iPad, AirPods, Apple Watch અને Apple TV લાઇનઅપ જોઈ અને તેનો ઉપયોગ કરી શકે છે. Apple BKCમાં તમને 100થી વધુ ટીમના સભ્યો મળશે જેઓ 20થી વધુ ભાષાઓ બોલી શકે છે.
ટિમ કૂકનો આ સ્ટોર એશિયાના સૌથી ધનિક ઉદ્યોગપતિ મુકેશ અંબાણીના રિલાયન્સ જિયો વર્લ્ડ ડ્રાઇવ મોલમાં છે. એપલે આ સ્ટોર માટે લાખો રૂપિયાનું ભાડું ચૂકવવું પડશે તેવું જાણવા મળે છે. એક રિપોર્ટ અનુસાર, Apple કંપની આ સ્ટોર માટે 42 લાખ રૂપિયાનું માસિક ભાડું ચૂકવશે. આ 11 મહિના માટે લીઝ પર લેવામાં આવે છે.
View this post on Instagram
