અનંત અંબાણી અને રાધિકા મર્ચન્ટ સહિત આખો અંબાણી પરિવાર લગ્નને લઈને ઘણા સમયથી ચર્ચામાં હતો. મુકેશ અંબાણી અને નીતા અંબાણીના સૌથી નાના પુત્ર અનંત અંબાણીના 12 જુલાઈના રોજ રાધિકા મર્ચન્ટ સાથે લગ્ન થયા. તેમના લગ્નનું ફંક્શન ત્રણ દિવસ સુધી ચાલ્યું હતું. જેમાં દેશ-વિદેશના મોટા સેલેબ્સે હાજરી આપી હતી.
મુકેશ અંબાણીએ તેમના નાના પુત્રના લગ્ન ખૂબ જ ધામધૂમથી કર્યા. મહેમાનોની રિટર્ન ગિફ્ટે પણ ઘણી હેડલાઈન્સ બનાવી. અંબાણી પરિવાર તરફથી મહેમાનોને 2 કરોડ રૂપિયાની ઘડિયાળ રિટર્ન ગિફ્ટ તરીકે આપવામાં આવી છે. ત્યારે હવે અનંત અને રાધિકાને મહેમાનો તરફથી મળેલ ખૂબ જ મોંઘી અને વૈભવી ગિફ્ટ્સ હાલ ચર્ચામાં છે.
આ ગિફ્ટમાં ઘર, કાર, વિલા, પ્રાઈવેટ જેટથી લઈને હેલિકોપ્ટર સુધી ઘણુ સામેલ છે. એક રિપોર્ટમાં ખુલાસો થયો છે કે અનંતને 13 કરોડ રૂપિયાની અલ્ટ્રા લક્ઝરી એસયુવી ગિફ્ટમાં મળી છે. આ એક ખૂબ જ લક્ઝુરિયસ SUV છે. જેની કિંમત 1.6 મિલિયન ડોલર હોવાનું કહેવાય છે.
જો ભારતીય ચલણમાં તેની કિંમત વિશે વાત કરીએ, તો તે લગભગ 13.39 કરોડ રૂપિયા છે. આ સિવાય અનંત અને રાધિકાને ગિફ્ટમાં એક પ્રાઈવેટ જેટ અને હેલિકોપ્ટર પણ મળ્યું છે. રીપોર્ટ્સ અનુસાર, Amazonના પૂર્વ અધ્યક્ષ અને CEO જેફ બેઝોસે ન્યુલી વેડ કપલને 11.50 કરોડની બુગાટી કાર ગિફ્ટ કરી છે.
અમેરિકન એક્ટર અને પ્રોફેશનલ રેસલર જોન સીનાએ 3 કરોડની ‘લેમ્બોર્ગિની’ કાર, ફેસબુકના સીઈઓ માર્ક ઝકરબર્ગે 300 કરોડનું પ્રાઈવેટ જેટ તેમજ સુંદર પિચાઈએ 100 કરોડનું હેલિકોપ્ટર ગિફ્ટ કર્યું છે. એટલું જ નહીં, અનંત અને રાધિકા મર્ચન્ટને બોલિવૂડ સેલેબ્સ તરફથી પણ કિંમતી અને મોંઘી ભેટ મળી છે.
આલિયા ભટ્ટ અને રણબીર કપૂરે કપલને 9 કરોડની ‘મર્સિડીઝ’ કાર ગિફ્ટ કરી છે, જ્યારે સલમાન ખાને 15 કરોડનું સ્પોર્ટ્સ બાઈક, રણવીર સિંહ અને દીપિકા પાદુકોણે 20 કરોડની કસ્ટમાઈઝ્ડ ‘રોલ્સ રોયસ’ કાર, શાહરૂખ (ફ્રાન્સમાં 40 કરોડનો આલીશાન એપાર્ટમેન્ટ), અક્ષય કુમાર (60 લાખની ગોલ્ડ પેન), કિયારા અડવાણી-સિદ્ધાર્થ મલ્હોત્રા (25 લાખની હેન્ડમેડ શાલ), કેટરિના કૈફ-વિકી કૌશલ (19 લાખની સોનાની સેન) ગિફ્ટ કરી છે.
