હાર્દિક પંડ્યા અને નતાશા સ્ટેનકોનિકની ડિવોર્સની અફવા વચ્ચે મિસ્ટ્રી મેને તોડી ચુપ્પી, જુઓ શું કહ્યુ…
ક્રિકેટર હાર્દિક પંડ્યા અને નતાશા સ્ટેનકોવિકે અલગ થવાની અફવાઓ પર હજુ સુધી મૌન જાળવી રાખ્યું છે. હાર્દિક પંડ્યા અને નતાશા છૂટાછેડાની અફવાઓ પર પ્રતિક્રિયા ન આપવાને કારણે સોશિયલ મીડિયા પર દરરોજ વિવિધ પ્રકારની અટકળો થઈ રહી છે. આ બધાની વચ્ચે જે વ્યક્તિ સાથે નતાશા સ્ટેનકોવિકનું નામ જોડાયું હતું તેણે પોતાનું મૌન તોડ્યું છે.
જી હા, એલેક્ઝાન્ડર એલેક્સ ઇલિકે તાજેતરમાં નતાશા-હાર્દિકના ઘરને બરબાદ કરવાના આરોપો પર પ્રતિક્રિયા આપી છે અને ટ્રોલર્સને પણ જવાબ આપ્યો છે. નતાશા સ્ટેનકોવિકના મિત્ર એલેક્ઝાન્ડર એલેક્સની સોશિયલ મીડિયા પોસ્ટ પર ટ્રોલર્સ વિવિધ ટિપ્પણીઓ અને આક્ષેપો કરી રહ્યા છે. હવે એલેક્ઝાન્ડર એલેક્સે આ આરોપો પર પોતાનું મૌન તોડ્યું છે.
એક યુઝરે તેની પોસ્ટ પર જઈને કોમેન્ટ કરી અને તેના પર હાર્દિક પંડ્યાનું ઘર બરબાદ કરવાનો આરોપ લગાવ્યો. એલેક્ઝાન્ડર એલેક્સે આ ટિપ્પણીનો જવાબ આપ્યો અને લખ્યું- ‘કોણે કહ્યું કે મેં કંઈ બગાડ્યું છે.’ નતાશા સ્ટેનકોવિક અને હાર્દિક પંડ્યાના અલગ થવાના સમાચાર વચ્ચે એલેક્ઝાન્ડર એલેક્સની આ ટિપ્પણી સોશિયલ મીડિયા પર વાયરલ થઈ રહી છે.
નતાશા સ્ટેનકોવિકની જેમ એલેક્ઝાન્ડર એલેક્સ પણ સર્બિયન મોડલ છે. તે નતાશા સ્ટેનકોવિકને લાંબા સમયથી ઓળખે છે. બંને વચ્ચે ગાઢ મિત્રતા છે અને એલેક્ઝાન્ડર નતાશાને તેની બહેનની જેમ માને છે. એલેક્ઝાન્ડરની ઈન્સ્ટાગ્રામ પ્રોફાઈલ પર નતાશા-હાર્દિક અને કપલના પુત્ર અગસ્ત્ય સાથે ઘણી તસવીરો છે.
