નતાશા સ્ટેનકોવિક-હાર્દિક પંડ્યા વચ્ચે છે ‘ઓલ ઇઝ વેલ’, એક્ટ્રેસે આ ફોટો સાથે આપી હિંટ
હાર્દિક પંડ્યા અને નતાશા સ્ટેનકોવિક વિશે છેલ્લા ઘણા દિવસોથી એવા અહેવાલ હતા કે બંને છૂટાછેડા લઈ રહ્યા છે. જો કે, નતાશાએ આ તમામ સમાચારો પર પૂર્ણવિરામ લગાવી દીધું છે. પહેલા એવો દાવો કરવામાં આવી રહ્યો હતો કે નતાશાએ સોશિયલ મીડિયા પરછી પંડ્યા સરનેમથી સાથે સાથે લગ્નની તસવીરો ડિલીટ કરી દીધી છે. જો કે, હવે નતાશાએ એવું કર્યુ છે જેનાથી સમગ્ર સત્ય સામે આવ્યું છે.
વાસ્તવમાં હાર્દિક પંડ્યાની પત્ની નતાશાએ હવે સોશિયલ મીડિયા પર તેના લગ્નના ફોટાને અનઅર્કાઇવ કર્યા છે. તેના આ પગલાથી સ્પષ્ટ થઈ ગયું છે કે તેના અને હાર્દિકના છૂટાછેડા નથી થઈ રહ્યા. નતાશાના ઈન્સ્ટાગ્રામ પર ફરીથી હાર્દિક સાથેના લગ્નની તસવીરો જોઈને ફેન્સ ખૂબ જ ખુશ થઈ ગયા છે. એકે લખ્યું- ‘તમને બંનેને સાથે જોઈને આનંદ થયો.’ અન્ય એકે કહ્યું- ‘હું ખુશ છું કે બંને સાથે છે.’
જ્યાં એક તરફ નતાશા અને હાર્દિકના લગ્નના ફોટા ફરીથી સ્ટોર કર્યા બાદ ફેન્સ ખુશ છે તો બીજી તરફ કેટલાક યુઝર્સ કપલ પર છૂટાછેડાના ખોટા સમાચાર ફેલાવવાનો આરોપ લગાવી રહ્યા છે. એક યુઝરે કોમેન્ટ કરી- ‘તમને અને તમારી PR ટીમને સલામ. તે સારું થયું કે તમે છૂટાછેડા માટે મુંબઈ ઈન્ડિયન્સ તરફથી મળેલી નેગેટિવ પબ્લિસિટીને સહાનુભૂતિમાં ફેરવી દીધી.’
આ સિવાય એકે પૂછ્યું- શું રન બનાવવા માટે ફોટો હટાવ્યો હતો ? આ સિવાય નતાશાએ કેટલીક ઇન્સ્ટા સ્ટોરી અપલોડ કરી છે જેમાંથી બેમાં પંડ્યા પરિવારનો ડોગ જોવા મળી રહ્યો છે. આ સ્ટોરી શેર કરતા હાર્દિક પંડ્યાની પત્નીએ લખ્યું, બેબી રોવર પંડ્યા. આ તસવીર પરથી લોકો એવો અંદાજ લગાવી રહ્યા છે કે નતાશાએ ઈશારો કર્યો છે કે તે હજુ પણ પંડ્યા છે.
જણાવી દઈએ કે નતાશા અને હાર્દિકે વર્ષ 2020માં કોર્ટ મેરેજ કર્યા હતા. એ જ વર્ષે કપલે તેમના બાળક અગત્સ્યનું આ દુનિયામાં સ્વાગત કર્યું. વર્ષ 2023માં કપલે ફરીથી પરંપરાગત રીતે લગ્ન કર્યા. નતાશા-હાર્દિકના લગ્ન હિંદુ રીતિ-રિવાજ અને ક્રિશ્ચયન રીતિ-રિવાજ સાથે થયા હતા.
